Números 3:15 - Biblia Mixe de Quetzaltepec

¹⁵ Yajpëtë'ëk tu'uk yë jaaymyujkën ma xykyëxjaaytya'ajëtyën tëkokyë yë xyëëwëty yë Leví ja'ayëty. Jëtu'un xykyëxja'ajëty ja xyëëwëty tä tyu'kunaax'at tyu'kukajpn'atën ets tä tyu'kjëëky'at tyu'kmëku'uk'atën. Ets xyjyääypyëtsëmtëty ninu'un yë ye'etyëjktëjk nyimay'atën, pi'k'ëna'k mëti'ipë ëka'any tu'kpo'o jyuuky'ätynyëmën ets mëjja'aytyëjk.

Números 3:15 ပူးပေါင်းရင်းမြစ်များ

Números 26:62

Yë ye'etyëjktëjk mëti'ipë Leví y'u'unk'ajt y'ok'ajtën, mëti'ipë ënäty tu'kpo'o ëka'any jyuuky'ätynyëmën ets mëjja'aypyaat, jä'ä nyiwinë'ajtë i'px tëkëëk mil. Yë'ëjëty ka'ap ojts jap ja xyëëwëty yajjaaypyätë ma ja Israel ja'ayëty yajjaaypyäjtën, jä'ä ko ka'ap ojts ja nyaax kyam yajmo'otë tä ja myëku'uktëjkëtyën.

2 Timoteo 3:15

Ja'amyäts ko mutsknëm të xynyijawë ja Tios ja y'aaw y'ayuk mëti'ipë të myajwijy të myajkejyën, mëti'ipë mtu'uwinwowanëpën ets xypaatëty ja nitsokën ko ja Kristë Jesús të xymyëpëky.

Marcos 10:14

Ko ja Jesús jëtu'un t'ijxy, ënät jyoot'anpëjky ets y'ënäny: Ixmatstë yë pi'k ëna'k, wä'än xynyimintës, ka'ap xy'ëtuktëty, jä'ä ko yë'ë jëtu'unpë ja'ay nyäpyëjktä'äkyën tä pi'k ëna'kën yë'ë Tios tsyokpy ma kyutujktaknën.

Jeremias 31:3

jam jëkäm ma Israel ja'ayëty yajpaatën, jamës ojts nnäynyikëxë'ëkyë. Jëtu'un xy'ënëmaayës: ëjts xëmës mijts ntsoky njawë; paatykyëjxm tyampaat jëtu'unpë jot winma'any nyajnikëxë'ëkyës.

Jeremias 2:2

Nëjkx mëmëtya'ak yë Jerusalén ja'ayëty; mëk mya'axëty mjokëty ets tja'akyukëtëty, jëtu'un xy'ënëëmëty: Jëtu'un yë Wintsën y'ënä'äny: Nja'amyetsypës ko mijts m'ëna'k'ajty, xywyinkutsë'këpës ijty koos npëjky n'uky, xytsyojkpës xyjya'apës ijty, ojtsës xypyanëjkx jam të'ëts'itum, ma ja it naaxwiinyëtën ma ka'ap tii y'ity wyintëyën.

Proverbios 8:17

Ëjts ntsojkpyës mëti'ipës näjyëtu'un xytsyojkpën, mëti'ipës xy'ixtääpyën xypyatpës.

Números 3:43

Ja ëna'ktëjkëty ja mëjjatyëtypë, ëkë ja mëti'ipë të pyo'opetyën, jä'ä nyiwinë'ajtë i'px mäjtsk mil ja mäjtsk mëko'px ja tëkë'px majktëkëëk.

Números 3:34

Jä'ä ojts nyiwinë'atë tëtujk mil ja mäjtsk mëko'px, ja ye'etyëjktëjk, mëti'ipë të pyo'opätën ma të myëxu'unk'atën ets ja mëjja'aytyëjkëty.

Números 3:28

e ja yä'äy'ëna'këty mëti'ipë je'eyë tu'uk ja pyo'ojëtyën ma të myintën naaxwiinyëtë ets ja mëjja'aytyëjkëty, jä'ä nyimay'ajtë tuktujk mil ja tëkëëk mëko'px. Ya'atë ja'ayëty jënu'un tyu'kkunaax'at tyu'kukajpn'atën, yë'ë ojts yajtuknipëktë ets yë'ë tkëwent'atëty ja Tios yë wyittëjk.

Números 3:22

Ja ye'etyëjk mëti'ipë ënäty tu'kpo'o myëët'ajtëpën ma të myëxu'unk'atën ets mëjja'aytyëjk, jä'ä nyiwinë'ajtë wëxtujk mil ja mëkoxk mëko'px.

Números 1:47

Yë Leví ja'ayëty ka'ap jap yë xyëëw yajkëxjaaytyë ma jaaymyujkën, mëti'ipë ojts pyëti'ikyën, ma myëku'uktëjkëty yë xyëëw pyäjtën, yë'ë jëtu'un yë Israel ja'ayëty.

Números 3:16

Yë Moisés ojts ja jaaymyujkën tjantyyajpëtë'ëky, jëtu'un tä ënäty ja Tios të y'ënë'ëmxëtyën.

Números 1:3

Wa'ats xyajnokytyëjkëtya'atëty yë ye'etyëjktëjk mëti'ipë jyëmëjtëtyën i'px. Ets jyëkyäjpnëtëp nyëjkxtëty tsiptuunpë, tyimja'tëty jëtu'un mëjja'aytyëjkpaat. Ets xytyuknija'awëtya'atëty ma tyuka'ajëtën nitu'ukjaty, ko wya'kta'aktëty. Ya'atë yam ntuk'ëne'emyën yë'ë mëët xytyuunk'atëty yë Aarón.

Números 26:57

Ja ja'ayëty mëti'ipë tu'kunaax tu'kukajpnëtyën, ma ja Leví ja jyä'äyën, yë'ë ojts ja xyëëwëty nyokytyëkëtë ja y'u'unk y'ëna'këty ja Guersón, Quehat ets Merarí.

2 Crónicas 31:17

Ja teetytyëjkëty aak kuja'ay y'itë mëët ja y'u'unk y'ëna'këty y'u'unk tyo'oxytyëjkëty ets ja Leví ja'ayëty mëti'ipë jyëmëjt të t'apetyën i'px, wi'ixjaty ja tuunk të nyikääkëtën.