Números 3:12 - Biblia Mixe de Quetzaltepec

¹² Ma Israel ja'ayëtyën yë Leví ja'ayëty yë'ëjës të nwin'ixtë ets tkunaxtëty tëkokyë ja yä'äy'ëna'këty mëti'ipë kä'äxkopkëtyën ma tu'uktu'uk yë jëën tëjkën. Yë'ëjëty ëjtsës njä'äniwäämpy.

Números 3:12 ပူးပေါင်းရင်းမြစ်များ

Números 8:16

Jä'ä ko ma Israel ja'ayëtyën, yë'ëjës të nwin'ixtë etsës njä'ä'atëty. Ëjts nkupëjkpyës yë'ëjëty ets jëtu'un tpaatëty tä jeexyë miitsëty xymyo'otësën ja mkä'äxkopkëty.

Números 3:41

E yë Leví ja'ayëty ëjts nëjkx xytyuknikääkë ets yë'ë tkunaxtëty yë Israel ja'ayëty yë myaankëty mëti'ipë kä'äxkopkëtyën. Ëjts Wintsën. Näyjyëtu'un ënät ja Israel ja'ay ja tsyajpkaajëty mëti'ipë ëka'any të myëxu'unk'atën, yë Leví ja'ayëty yë tsyajpkaajëty yë'ë nëjkx xytyuknipëjkë'ëkës ets yë'ë kyunaxëtëty.

Números 18:6

Ëjts kë'ëm ëpëky të npëjktä'äkyës yë Leví ja'ayëty ets mijts nmo'oy. Yë'ë mputëkëtëp ets jap tyuntëty ma ja wit tëjkën ma näpyaatë y'ityën mëët yë Tios.

Números 8:18

E yë'ëjëty nimay ënäty oyëty, paatyës yë Leví ja'ayëty yë'ë të nwin'ixy ets yë'ë tkunaxtëty ja kä'äxkopktëjk.

Números 3:45

Yë Leví ja'ayëty yë'ë mtuknikënu'kxëp ets tkunaxtëty yë Israel ja'ay yë myaankëty kä'äxkopkpë. Ets näjyëtu'un yë Leví ja'ay yë tsyajpkaajëty yë'ë nëjkx xytyuknikënu'kxë ets tkunaxtëty ja Israel ja'ay ja tsyajpkaajëty, mëti'ipë ëka'any të myëxu'unk'atën. Jä'ä ko yë Leví ja'ayëty ëjts yë xypyatëp. Ëjts jëtu'un Wintsën.

Éxodo 13:2

Ëpëky pëjkta'ak nitëkokyë yë m'u'unk m'ëna'këty mëti'ipë kä'äxkopkëtyën. Jä'ä ko yë Israel ja'ayëty yë kyä'äxkopkëty ëjts yë njä'äniwäämpy, näjyëtu'un yë jyëyujk kä'äxkopkëty.

Números 3:11

Ënät yë Tios ojts tmëkäjpxy yë Moisés ets t'ënëmaay:

Números 8:14

Jëtu'un nëjkx ëpëky xypyëjktä'äky yë Leví ja'ayëty etsës njä'ä'atëty.