Números 3:10 - Biblia Mixe de Quetzaltepec

¹⁰ Yë'ë mtuknipëkëp yë Aarón ets y'u'unk y'ok, ma winë yajtuna'anyën mëti'ipë mëpaat ja teetytyëjk tuntën. Ko pën kë'ëmwinma'any tii tunaanpëty mëti'ipë ja teetyëjk tyuunk'ajtëpën nëjkxëp y'ooky.

Números 3:10 ပူးပေါင်းရင်းမြစ်များ

Números 1:51

Ko muum yajmënëjkxa'anëty, yë'ë jyittëp ets jatëkok tkojtëkatstëty ma ënäty të tmëja'tën. Pën nëkoo kë'ëmwinma'any myëwinkoonpy ya'atë tsajptëjk nëjkxëp y'ooky.

Números 3:38

E jam xëëwpëtsëmtsyow, ma nyajts'ixën ja Tios ja wyittëjk ets wintuuytsyow ma nyajts'ixën ja wit tëjk ma ja näpyaatë y'ityën mëët yë Tios. Yë'ë ojts jam tsyënaaytyaknpëktë yë Moisés ets Aarón mëët yë myaankëty, mëti'ipë ojts tkëwent'atën ya'atë tsajptëjk ets jëtu'un'äämpy may tkutënaaytyë yë Israel ja'ayëty. Ko ijty pën nanëkoo t'atsoky ja teety tyuunk, o'kp ijty.

Romanos 12:7

Pën ja tuunk të yajmo'oyën ets tmëtunëty ja myëku'uk, wä'än oy tuny; mëti'ipë yaj'ijxpëjkpën, wä'än tyaj'ijxpëky;

Números 18:7

Mëti'ipës tëy ntsojkpyën, mijts ets mmaank, tyam ntuknipëktë ets ja teety'ajtk xytyuntëty. Miits ja wintsë'këntyakn mkë'ë'am'atëp ets miits jap winë myajwintu'upëktëp jëxkë'p'äämpy ma wit mëët y'atëëytyukyëtyën. Ya'atë tuunk miits mpatëtëp. Jä'ä ko miits të nmo'otë ya'atë kutujkën ets ya'atë tuunk xyajtu'uye'eytyëty, mëti'ipë teetytyëjkëty mëpaat tuntën. Pën tii winë tyuunpy kë'ëmwinma'any, tä yë teetyëjk winë tuntën. Nëjkxëp yajni'ënä'ämë ets y'ookëty.

Hebreos 8:4

Ko jeexyë yaa naaxwiiny tsyëënë, ka'ap jeexyë tyeety'äty, jä'ä ko tää teety yaa mëti'ipë tuuntëpën ijxtëm ja Moisés ja y'ënä'ämën y'ënä'änyën.

Efesios 2:19

Miitsëty ka'ap m'ëk jaaypyo'kxy ja'ay'ajnëtë, tu'kkukajpn miitsëty tyamnë, tu'ukyë ja Tios myaj'itëtë ijxtëm ja ja'ay tu'kjëën tuktëjkpën.

Ezequiel 44:8

Ets ka'ap tuntë ja näkyënu'kxën ma ja pokymyä'kxën yajpëjktsoyën, yë'ë të nyätyukë'ëwanëtë ja jaaypyaat jaaypyo'kxy.

Números 18:3

Yë'ëjëty jëjp'ixy nëjkx tyim'itëty ma ja tuunkën, mëti'ipë jap tu'uye'epyën ma ja wit tëjkën. Këtii tii tontëty, mëti'ipë japën ma wit tëjkën ma näpyaatë y'ityën ets ni tkamëwinkontëty yë wintsë'këntyakn. Jä'ä ko pën tyoontëp winë nëjkxëp y'ooktë ets näjyëtu'un miitsëty.

Números 16:40

Ya'atë ijxpäjtën ojts wyi'imy ma Israel ja'ayëtyën, ko ni pën mëpaat ëpëky yë kë'ëmwinma'any tkamëwinkony yë wintsë'këntyakn ets Tios tukwinno'okaanpëty yë poom. Yi'iyë patëtëp yë Aarón yë y'u'unk y'ok. Jä'ä ko pën jëtu'un tyuunpyën tsojk jyatëty tä jyäjtyën yë Coré mëët yë myëku'uktëjk. Tëkokyë, ojts jëtu'un yajtuunta'ay mëti'ipë ënäty ja Wintsën të tuk'ëne'emyën ja Eleazar mëti'ipë kyajpxnajxën yë Moisés.

Números 16:35

Ojts yë Tios näjyëtu'un tkukäjxnaxy yë jëën mëti'ipë yaj'o'ktaayën nimäjtsk mëko'px ja wëxtyikxy majkpë ja ja'ay, mëti'ipë ënäty të tno'oktën ja poom.

Éxodo 29:9

Jëtu'un tä yë Aaronkën ets ja y'u'unk y'ëna'këty yajxon xywyë'ënta'tsëtëty ets ënät xypyëjktakëtëty yë kyupitëty. Jëtu'un'äämpy xymyo'ojëty ja kutujkën ets tpa'atwa'akëtëty ja teety'ajtë. Ya'atë ënä'ämën xëmëkyëjxm y'itëty.

1 Crónicas 6:32

Yë'ë ijty xëmë wyin'ëëp wyinyaxtëp ja Wintsën jap tsajptëkoty ma ja wit tëjkën ma näpyaatë y'ityën mëët ja Wintsën, koonëm ja Salomón ojts tkojy ja tsajptëjk jam Jerusalén, yë'ëjëty je'eyëm tyuuntë tä ënäty të yajtuknipëktën.

2 Samuel 6:7

E ja Wintsën wiink ojts t'ixy, paaty tukjoot'anpëjky ja Uza mëët ko ënäty të tmajtswë'ëmpë ja kaaxë ets jämyë y'o'këtäky winkon ma ja kaaxën.

1 Samuel 6:19

E ja Wintsën ojts tyaj'o'knë ja ja'ayëty jampë kyukajpn'atën Bet-semes, mëët ko ënäty të kyu'ixëtë jap kaaxëjoty kë'ëmwinma'any. Jä'ä y'o'ktë ja ja'ayëty oy nitëkë'px majkën. Ja naax kajpn mëk tja'awëtyë mëët ko ënäty ja Wintsën të tyajkutëkoy ja mayjyä'äy ko tukjoot'anpëjky.

Levitico 22:10

Ka'ap mëpaat oypyënëty, mëti'ipë ka'ap tyeetyëtyën tjë'kxy mëti'ipë wa'atsën. Ni yë'ë mëti'ipë ja'ajtakpën ma ja teety ja tyëjkën, ëkë mëti'ipë jap mëtuunpën, ka'ap mëpaat tjë'kxtë ja mëti'ipë wa'atsën.

Números 3:11

Ënät yë Tios ojts tmëkäjpxy yë Moisés ets t'ënëmaay:

Números 16:10

Yë Tios të tsojkën'aty ets mijts mëët yë mja'ay winkon myajpaatëty ma yë'ëjën. ¿E miitsëty tääts näjyëtu'un xytsyojkën'ajnëtë ja teety'ajtkë?

Jueces 17:5

Micaías myëët'ajtyp ijty tu'uk tëjk ma Tios t'ëwtatyën. Ojts tu'uk yë wit t'oytyuny mëti'ipë ja teety pyëjktaktëpën, kanaakpëky yë tios tyajmëjnajxy, tu'uk ja myaank tuknipëjky ets tyeety'atëty.

Deuteronomio 18:5

Jä'ä ko yë Wintsën yë'ë kë'ëm të wyin'ixëtë ma jyiiky myëku'ukëtyën ets tmëtuntëty oy tsuj, näjyëtu'un ja y'u'unk y'okëty ets xëmëkyëjxmën y'itëty.

1 Reyes 12:31

Ojts ja nyitsajptëjk tkojë ka'apë tyiosëtyën jam ma tuuntakn kajpxtaknën tunkëjxmëpë kopkëjxmëpë ets pyëjktak näjyëtu'un ja nyiteety mëti'ipë jam tim itëpën ka'apë Leví ja'ayëtyën.

Nehemías 6:11

E ëjts tyaajës n'ëtsooy: Ja'ay jëtu'unpë tä ëjtsën ka'ap tii tkuke'eky, wi'ix ko jap tsajptëkoty kyukääkëty pën tëë tnijawë ko ja'ay yaj'ooka'anyë. Ëjts, tyamës yajxon nyikäjpxy ko jap tsajptëkoty ka'apës jap ntëkëja'any.