Números 29:1 - Biblia Mixe de Quetzaltepec

¹ Ma tyu'uk anyën ja mëwëxtujkpo'opë jää nëjkx mye'eymyuktë ets ja Tios jää xymyëjjawëtëty. Ma jëtu'unpë ja xëëw tpaatyën, nitiituunk mëpaat jää xykyatuntë ets xypyëjkta'aktëty ja mëto'owën jä'ä xëëw, yë'ë ja pujxnxuxn mtukxu'uxtëp.

Números 29:1 ပူးပေါင်းရင်းမြစ်များ

Zacarías 9:14

Yë Tios yë'ë nänyikëxë'ëkanëp ma nyaax kyajpnën; jëtu'un ti'pxë'ëka'any yë tyi'pxn wëtsukën. Tios mëti'ipë Wintsën'ajtpën yë'ë tyukxu'uxäämpy yë xyuxn ets mëët yë mëkpoj tyu'uye'eyä'äny mëti'ipë ëpa'tkë'ëytsyow tso'onpën.

Isaías 27:13

Jä'ä xëëw nëjkx yajtukxu'uxy ja xuxn ets myiinta'atëty ja ja'ayëty mëti'ipë jam tsënaaytyëpën Asiria ets Egiptë, ets yaa myina'antë Wintsën ëwtajtpë, yaa Jerusalén ma yajpaatyën ja kopk wa'atspë ets kënu'kxypyë.

Salmos 89:15

Wintsën, janty jotkujk yajpaaty yë naax kajpn mëti'ipë nyija'apën wi'ix akujk jotkujk myajwin'ëy myajwinyä'äxyën ets nyëye'ey tyu'uye'ey kutë'kxy mëët yë mtë'kxën mjajën.

Esdras 3:6

Ma mëtu'uk xëëw y'änyën ja mëwëxtujkpo'opë, ma ënäty të tpaatën ja nyaax kyajpnëty jatëkok, jää tyajtso'ontaktë ma tyaktën ja wyintsë'kënëty ets tukwintoy tukwinjoktë ja Wintsën, oy ënäty ka'ap ja tsajptëjk yajkojtso'ontä'äkynyëm.

1 Crónicas 15:28

Tëkokyë ja Israel ja'ayëty ëëp yaxp nyëjkxtë mëët ja xoontakën jotkujk'ajtën tyajnëjkxtë ja Wintsën ja kyaaxë.

Salmos 81:3

Myaj'ëna'antëp yë xuxn ko yë po'o myutsk'atëty, ets myaj'ëna'antëp näjyëtu'un ko tsyuukijpxëty, jä'ä ko jää ja nmëj xëëwajtëm nyäxy.

Nehemías 7:73

Ja teetytyëjkëty, ja Leví ja'ayëty, ja tëjkëwent'ajtpëty, ja ëëpë yaxpëty, ja kunaax kukajpnëty, ja ja'ayëty mëti'ipë tuuntëpën ma ja tsajptëjkën ets tëkokyë ja Israel ja'ayëty, aakjä'ä ojts tpata'atë ja nyaax kyajpnëty.

Éxodo 23:16

Mnixëëwtunëp näjyëtu'un yë pëjktä'äky ma ëka'any xyajpëtë'ëka'anyën yë mpëjktä'äky, näjyëtu'un mëti'ipë jää myajpëtë'kpyën ma jajëmëjt kyëjxnën, ma ënäty xyajpëtë'ktaaynyën tëkokyë mëti'ipë të xynyi'ipy të xykyojyën.

Éxodo 34:22

Mëjjawëtëp ja xëëw mëti'ipë sëmaan'am yajtuunpën, ma yajnixëëwtunyën ja pëjktä'äky mëti'ipë mëjaawtso'onpën ets ma ja pëjktä'äky pyëti'ikyën ko jajëmëjt kyëjxnë.

Levitico 23:23

Ënät ja Tios ojts yë Moisés tmëkäjpxy ets t'ënëmaay:

Números 28:26

Ma yajnixëëwtunyën ja pëjktä'äky ma më''ëka'any pyëti'ikyën, ko ja Wintsën xymyo'otëty ja jemypyë ja aaytyëëm ujtstëëm, jää ma ënäty yajnixëëwtunyën ja wëxtujk xëëwpë. Nëjkxëp jää mye'eymyuktë ma ja Tios mëj'äämpy xypyëjkta'aktëtyën. Jä'ä xëëw nitiituunk mëpaat jää xykyatuntë.

Números 29:2

Ja wintsë'kën mëti'ipë yë Tios mtukwinno'oktëpën ets jya'tëty ma yë'ëjën tä tu'uk yë xu'kën jojkën. Yë'ë myaktëp tu'uk yë tsajpkaa ayääkë, tu'uk yë kupixyny yä'äy mëti'ipë tëë yä'kpetyën ets wëxtujk yë kupixyny ayääkë mëti'ipë jyëmëjtëtyën tu'ukjaty ets oyëty mëkëty.

Números 29:12

Ma myajkmokx'anyën ja mëwëxtujkpo'opë, jää mye'eymyuktëty ets nëjkx xymyëjjawëtë ja Tios. Jä'ä xëëw nitituunk jää xykyatuntëty. Wëxtujk xëëw nëjkx mxëëwtuntë, ma yi'iyë ja Wintsën xy'ëwtatëtyën.

Levitico 23:7

Ma ëka'any tsyo'ontä'äkyën ja mëtu'kxëëwpë jää mye'eymyuktëty ets wa'ats mëpaat nyäxy tääpë nyänyiye'eypyätë. Nitiituunk mëpaat jä'ä pën tkatuny mëti'ipë mëkën.

Números 29:35

Nëjkxëp ni'ëmukë mye'eymyujkta'atë ets mëj nëjkx tääpë xëëw xyjyawëtë, nitiituunk jää xykyatuntëty.

Nehemías 8:2

Ma ja mëmajkpo'opë tyu'uk'anyën, jää ojts ja teety Esdras tmëminy ja noky ma jap myinyën kuja'ay ja ënä'ämën kutujkënën ets tukwinkukajpxëy ja ja'ay mëti'ipë ënäty jam të nyiye'eypyetyën naaxwiinyëtë ja'ay to'oxytyëjk mëti'ipë kujk yajxon myääynyëtën tyajnëtën;