Números 28:7 - Biblia Mixe de Quetzaltepec

⁷ Ja tsatym nyëë jä'ä nëjkx yajyäky tu'ktsim mëti'ipë mëët yajtukmëyakëtyën ja kupixyny tu'ukpë. Ya'atë tsatym nyëë jap yajpikëty tëkoty ma ja Tios ja wyittëjkën, mëti'ipë ja Wintsën yajtukmëjjawëpën.

Números 28:7 ပူးပေါင်းရင်းမြစ်များ

Éxodo 29:42

Ya'atë yojxën mëti'ipë myajktëpën nino'oky nixämpyë, u'unk ok nyëjkxëty ets jëtu'un tkë'ëyaktëty ëjts nwintuuyës jam ma yajnitëkën yë wit tëjk ma näpyaatë y'ityën, maajës näpyaata'anyë mëët mijts ets nmëkajpxa'any.

Filipenses 2:17

Oyës jeexyë nja'o'kpë ets nwintsë'kën'atyës ets jëtu'un kya'pxëty ja wintsë'kën mëti'ipë myajktëpën ma Tiosën ko të mëpëktë, jotkujkës näjyawëty ets xoontakpës mëët miitsëty.

Joel 2:14

Wä'änxyëp ka'ap mtëytyunëtëty ets nëjkx mkënu'kxëtë ets mo'ojëtëty yë aaypyajk ujtspajk ets tsatym nyëë mëti'ipë Wintsën mtukwintsë'ëkëtëpën.

Joel 1:13

Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.

Joel 1:9

jëtu'un yë teetytyëjkëty jyë'ëtë ya'axtë jä'ä ko ka'ap jap tii tsatym nyëënë tsajptëkoty tii y'uuktëpën ets tii yë Wintsën tyukwintsë'ëkëtëpën.

Isaías 57:6

Mijts Israel, yë'ë ni'ik m'ëwtatäämpy yë tsaa të'kxëtypë oyëtypë wokjotypë tsyoonyën, jap wokjoty ni'ik xy'oy'ixy, jotkujk jap mnäjyawëty. Jap mpiky m'e'kxy, jap xyäky ja nëë ju'uky. ¿Ets ënät mmay mtajy koos jotkujkës näjyawëtyë?

Números 28:31

Ya'atë wintsë'kën mëti'ipë nino'okyën mëët ja nyi'ayajk nyi'ako'onën, mëti'ipë aaypyajk ujts pajkën ets ja nyi'tsatym nyëë. Yë'ë nëjkx xyaktë, ëpëky ja mëti'ipë winjëpom yajyajktëpën. Ja jëyujk tsajpkaa, yë'ë mëpaat xyaktë mëti'ipë oy mëkën.

Números 28:14

E nëjkxëp ja tsatym nyëë näjyëtu'un yajtukmëyakë mäjtsk tsim ma ja tu'ukpë ja tsajpkaa yä'äyën, tu'ktsim ja kujkm ma tu'ukjatypë ja kupixyny yä'äy mëti'ipë tëë yä'kpetyën ets tu'ktsimjaty ma ja tu'ukpë ja kupixyny yä'äy ayääkën. Ya'atë mëpaat xyaktë nino'oky ma Tiosën winpo'ojëty.

Números 15:10

ets mäjtsk tsim yë tsatym nyëë mëti'ipë tëë nyimaanaxyën. Yë'ëtsës jëtu'un njawëp tä tu'uk yë ayajk ako'onën mëti'ipës nwintuuy ja'ajtpën ets janty'oy xyuuky jyoky.

Números 15:7

Ets ëpëky ja tu'ktsim wäänë xyjyaakyajni'ikëtëty, yë'ëts ayajkën'at ako'onën'atëp, mëti'ipë pa'akxuuk pa'akjokëpën; ko ënäty yajno'oky ets oy xyuukëty jyokëty ëjts nwintuuyës.

Números 15:5

Ëpëky näjyëtu'un xyajktëpëty ja wintsë'kën mëti'ipë të yajnikäjpxyën mëët ja nyi'ayajk nyi'ako'onën, tä ja tsatym nyëëjën mëti'ipë myajktëpën, tu'ktsimjaty ma tu'ukpë ja kupixnyyä'äyën, mëti'ipë tu'uk yë jyëmëjtnëmën je'eyë.

Levitico 23:13

Nëjkxëp näjyëtu'un tyajmintë yë tsajpmokway me'eypyë mëti'ipë onmëëtën, taxk tsim ja kujkm. Ets yë'ë yë Tios yajtukwinno'okëty ets jya'tëty jam ma yë'ëjën, tä tu'uk yë xu'kën jojkënën oypyë tsujpë.

Éxodo 30:9

Këtii oymyëti'ipë poom xypyëjkta'akëty ma ya'atë wintsë'këntyaknën ets ni yë'ë tsajpmok jam xykyapëjkta'akëty ets ni yë'ë tsatym nyëë jam xykyaxijkxjëtitëty.

Éxodo 29:40

Ja mëtu'ukpë ja kupixyny yë'ë mëët xyakëty yë tsajpmokway mäjtsk tsim, olivë on ets xypyikëty tu'ktsim yë tsatym nyëë.

Números 28:6

Ya'atë wintsë'kën mëti'ipë oy xu'kp jojkpën, yë'ë jëtu'un ojts ja Wintsën xëmë yajtukwintsë'ëkë jam ma ja Sinaí kopkën ets jam ojts më''ëka'any jëtu'unpë tsyo'ontä'äky.

Números 28:8

Ja mëmäjtskpë ja kupixyny, jënäkyxyëëw nëjkx yajyäky. Nëjkxëp näjyëtu'un ëpëky yajyäky yë aaypyajk ujtspajk ets ja tsatym nyëë; näjyëtu'un tä ënäty jopyëp të yajyäkyën. Ya'atë ayajk ako'onën yë'ë mëti'ipë yajnino'kpën ets oy ja xu'kën jojkën jam jyä'ty Wintsën wintum.

Levitico 1:9

Pën ja jëyujk'ooky ënäty nino'oky yäjkpyën, yajxon tpujëty ja tyiinty ets ja y'ixpajk. Ja teety yë'ë nëjkx tnino'kta'ay ma ja wintsë'këntyaknën ets ja Tios yajtukwintsë'ëkëty tä tu'uk yë wintsë'kën oypyë xyuukyën.