Números 28:4 - Biblia Mixe de Quetzaltepec

⁴ Tu'uk jopyëp yajyakëty ets tu'uk jënäkyxyëëw.

Números 28:4 ပူးပေါင်းရင်းမြစ်များ

Daniel 9:21

Tamës ënäty nyajnaxy ja nu'kxtakën, ko ja Gabriel të myiny, ja mëti'ipë ënäty të xy'ëknimiinpënës nkuma'ayjyotyës, pojjoty të myiny kääkë'kp. Yë'ë ënäty tyimpatyp ma yajyaka'anyën ja wintsë'kën jënäkyxyëëwpë.

1 Reyes 18:36

Ko ojts tpaaty ma ënäty ja wintsë'kën tyaka'anyën, tä ja käjpxynyajxpë Elías wyinkoony ets y'ënäny: Wintsën, mëti'ipë y'ëwtajtën yë Abraham, Isaac ets Israel: Mijts myajkutukëp ets tyam yajnijawëty ko mijts jëtu'un mWintsën'ajtp ma Israel ja'ayëtyën ets koos mijts xytyuunpë'ajtp ets tëkokyës mëti'ipës yam ntuunpyën mijtsës të xytyuk'ëne'emy.

1 Reyes 18:29

Jëtu'un ojts ja xëëw kyujkënyë ets kyutëjkënë, yë'ëjëty tampaat ya'ax jyoktë ets jyänty nyëpujt jyänty yujkpujtë tä ja'ay mëti'ipë pojëtëpën tpatnë ja xëëw ma ja wintsë'kën jeexyë yajkë'ëyäkyën ka'ap ja ëtsoowinpijtën tpatë. Ni pën kya'ëtsoowëtë ets ni pën kyamëtoowëtë.

Números 9:3

ma myajkmajkts'anyën ya'atë po'o, jënäkxyëëw, jëtu'un mëpaat xytyuntë tääjës të ni'ënä'ämën.

Éxodo 12:6

Jam xymyëët'atëty ets këwent'aty xyaj'itëty koonëm ënäty ja xëëw tpaaty ma ya'atë po'o myajkmajkts anyën. Tukë'ëyë ja Israel ja'ayëty jää nëjkx tyaj'ooktë ja tsyajppaxëty ëkë kyupixynyëty ko jyënäkyxyëëw'atëty.

Salmos 141:2

Wä'änës yë ntsajpkäjpxy jam tja'ty ma mijtsën tä poom jyokyën, koos yë nkë'ë nxajë'ëkëty jëtu'un nyaxëty tä jeexyë wintsë'kën myajmo'oyën ko jyënäkyxyëëw'aty.

Levitico 3:7

Pën yäjkpy tu'uk yë kupixyny ma Tiosën.

Números 28:3

Ënëëmëtë näjyëtu'un ko ya'atë ayajk ako'onën mëpaat tyaktë nino'oky mëti'ipës xytyukmëjjawëtëpën xëmë winjëpom, nitu'kxëëw kyaninaxëty, mäjtskëty yë kupixyny ayääkë mëti'ipë tu'ukëty yë jyëmëjtën ets oypyë mëkpë.

Números 28:5

E ja aaytyëëm ujtstëëm mëti'ipë ayajkën'at ako'onën'atëpën, yë'ë tsajpmookjëtsy mäjtsk tsim wo'okjëtity mëët yë olivë on.

1 Crónicas 16:40

ets yë'ë tyaktëty xëmë ja wintsë'kën ma ja Wintsën ja wyintsë'këntyaknën jam ma ja kaaxë yajpaatyën, jopy tsuu, jëtu'un tä jap myinyën kuja'ay ma ja Wintsën ja nyokyën mëti'ipë tyuk'ënä'ämën ja Israel kajpn ets tpatuntëty.

Joel 1:13

Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.