Números 28:26 - Biblia Mixe de Quetzaltepec

²⁶ Ma yajnixëëwtunyën ja pëjktä'äky ma më''ëka'any pyëti'ikyën, ko ja Wintsën xymyo'otëty ja jemypyë ja aaytyëëm ujtstëëm, jää ma ënäty yajnixëëwtunyën ja wëxtujk xëëwpë. Nëjkxëp jää mye'eymyuktë ma ja Tios mëj'äämpy xypyëjkta'aktëtyën. Jä'ä xëëw nitiituunk mëpaat jää xykyatuntë.

Números 28:26 ပူးပေါင်းရင်းမြစ်များ

Éxodo 34:22

Mëjjawëtëp ja xëëw mëti'ipë sëmaan'am yajtuunpën, ma yajnixëëwtunyën ja pëjktä'äky mëti'ipë mëjaawtso'onpën ets ma ja pëjktä'äky pyëti'ikyën ko jajëmëjt kyëjxnë.

Éxodo 23:16

Mnixëëwtunëp näjyëtu'un yë pëjktä'äky ma ëka'any xyajpëtë'ëka'anyën yë mpëjktä'äky, näjyëtu'un mëti'ipë jää myajpëtë'kpyën ma jajëmëjt kyëjxnën, ma ënäty xyajpëtë'ktaaynyën tëkokyë mëti'ipë të xynyi'ipy të xykyojyën.

Levitico 23:10

Jëtu'un xy'ënëëmëty yë Israel ja'ayëty: ko ënäty miitsëty jam të mjajnëtë ma ja itjotmën, mëti'ipë nmo'ojantëpën ets xynyiyu'ujëtëty ja tsajpmok ets y'itëty wyintëwëty, ko nëjkx xyajpëtë'knëtë ja pëjktä'äky, ja më''ëka'anypë xyajpëtë'ëktën, tu'k'atsumy nëjkx ja teety jëyëjp xymyo'otë.

1 Corintios 15:20

E yë'ë tëy'ajtën'ajtp ko ja Kristë të jyuukpyiky, yë'ë jëtu'un ijxtëm më''ëka'any pyëti'ikyën ja pëjktä'äky, yë'ë jëyëjp të jyuukpyiky.

Santiago 1:18

Jä'ä ko Tios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Tios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

Números 28:18

Ma tim ëka'any ja xëëw tsyo'ontä'äkyën, jää nëjkx mye'eymyuktë ets ja Tios xy'ëwtatëtyën. Jä'ä xëëw nitiituunk mëpaat jä'ä xykyatuntë.

Números 28:27

Yë'ë nëjkx yë Wintsën xytyukwintsë'ëkëtë nino'oky ets jam jya'tëty ma yë'ëjën tä tu'uk yë xu'kën jojkën oypyë, mäjtsk yë tsajpkaayä'äy ayääkë, tu'uk yë kupixyny yä'äy mëti'ipë tëë yä'kpetyën ets ëpëky wëxtujk yë kupixyny ayääkë mëti'ipë yë jyëmëjtëtyën tu'uk.

Números 29:1

Ma tyu'uk anyën ja mëwëxtujkpo'opë jää nëjkx mye'eymyuktë ets ja Tios jää xymyëjjawëtëty. Ma jëtu'unpë ja xëëw tpaatyën, nitiituunk mëpaat jää xykyatuntë ets xypyëjkta'aktëty ja mëto'owën jä'ä xëëw, yë'ë ja pujxnxuxn mtukxu'uxtëp.

Éxodo 12:16

Jëtu'un ma ënäty tsyo'ontä'äkyën ets ma wyëxtujk xëëwpetyën, wa'ats mëpaat ya'atë xëëw tyunyë jyätyë. Ets näjyëtu'un ma ya'atë wëxtujk xëëwpë yajnikäjpxyën, ni pën mëpaat kyatuny, jääyë nëjkx winë xytyuunkojtë ko ënäty ja mka'ayën m'ukënëty xyaj'oyëja'antë.

Levitico 23:8

Ets winjëpom jëtu'un mëpaat yë ayajk ako'onën xyaktë ja nino'okpyë jam Tios wintum, e ko wyëxtujkxëëwpätëty jä'ä jatëkok mye'eymyuktëty ets wa'ats mëpaat tääpë nyänyiye'eypyätë y'ity. Ni pën mëpaat jä'ä tiituunk tkatuny.