Números 28:2 - Biblia Mixe de Quetzaltepec

² Ko këtii tja'atyëkoytyëty ets tmëmintëty xëmë yë y'ayajk y'ako'onënëty, tä yë tsajpkääkyën. Ko xëëw tpaatëty jää tyaktëty yë y'ayajk y'ako'onën nino'okpyë, mëti'ipë ja'tëpën ëjts nwintuuyës tä yë xu'kën jojkën janty oypyë.

Números 28:2 ပူးပေါင်းရင်းမြစ်များ

Levitico 3:11

Ënät ja teety jam tu'ukyë tnino'kta'ajëty ma ja wintsë'këntyaknën, mëti'ipë ja Tios yajmoopyën tä tu'uk yë jë'kxy pëky oypyë xyuuky jyokyën.

Génesis 8:21

Ko jyä'äjty ja xu'kën janty'oy jam Tios wyintum, ënät y'ënäny yë Wintsën: Nijëna'ajës yë naaxwiinyëtë jëtu'un nka'ëkpojknëty mëët ko ënäty yë naaxwiinyëtë ja'ay pyokymyëët'atë. Jä'ä ko yë naaxwiinyëtë ja'ay mutsknëm jëtu'un tmëtso'ontaakëtë tuuntëko'oy kajpxtëko'oyën. Yë jëyujkëty nän ka'apës nëjkx n'ëkyajkutëkooynyë, ijxtëm tyam të jyäty të kyëpetyën.

Filipenses 4:18

Tëës may winë n'ëxajë ets njaaktimmyëët'ajtypës ja natëkë, jä'ä ko nmëët'ajtypyës mëti'ipë ja Epafrodito ojts xytyukmëkäxëtën. Jëtu'un ya'atë putëjkën ijxtëm ja pa'akxu'kpën mëti'ipë yajyojxpën ets yajtukwintsë'këpën ja Tios ets tukjotkëta'akëty.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Tios wintum.

2 Corintios 2:15

Jä'ä ko jëtu'un ja Tios xyajnajxëmë ma ja Kristën ijxtëm ja pa'akxu'kpë nëëjën ma ja mëti'ipë mëpëjktëpën ets mëti'ipë ka'ap myëpëktën.

Malaquías 1:12

E miitsëty, ni'ikyës xyajjoot'anpëktë, maaytyëp mtajtëp jëtää, koos jyëkyejpy ixtijy nwë'ëmëtyës ets jyëkyejpy jä'ä nyajmo'ojëtyës ja kääky jë'kxy ka'apë pën t'ëk tsojknën.

Malaquías 1:7

Miitsëty yë'ë mëmiintëp maas yë nwintsë'këntyaknën ja kääky uuky mëti'ipë ka'ap wya'atsëtyën ets ni'ikyë xyajtëwtë: ¿Maatën myajmëtëkoy? Miitsëty jam xymyëtëkoytyës ma mmaytyën mtajtën ko jyëkyejpy ka'ap yajmëj ixëty yë nwintsë'këntyaknës

Ezequiel 20:41

Ko ënäty nwoowmujkta'atës ets nyatso'onta'atës maajaty tyam yajpaatën wiink kë'ëy wiink kajpn, nëjkxëpës nyajnikëxë'ëkëty wi'ixës mëtëy tii ntunyën ma miitsëtyën ets ma wiinkëtypë naax kajpnën, ënät nkupëkëtyës ja mwintsë'kënëty oypyë xyuuky jyokyën.

Ezequiel 16:19

Ja tsajpkääky mëti'ipë nmooyën, mëti'ipës mëët n'oytyuunyën ja oypyë tsajpmokway ets ja on ets ja uuxpa'ak mëti'ipë ënäty mëët të n'ixy të nmëyätyën, yë'ë të xytyukwintsë'kë tä tu'uk yë wintsë'kënën mëti'ipë oy xu'kp jojkpën. Ëjts Wintsën, ëjts ënaanp.

Salmos 81:3

Myaj'ëna'antëp yë xuxn ko yë po'o myutsk'atëty, ets myaj'ëna'antëp näjyëtu'un ko tsyuukijpxëty, jä'ä ko jää ja nmëj xëëwajtëm nyäxy.

Números 15:24

Pën ajotkumonë të xyjyä'äytyëkoytyë ets tëkokyë ja naax kajpn nän tëë tja'atyëkoy. Nikajpn tu'uk ja tsajpkaa u'unk xytyukwintsë'ëkëtëtyës, mëti'ipë mnino'oktëpën ets oy ja xu'kën jojkën jya'tëty ma ëjtsën, mëët ja nyi'aaypyajk nyi'ujts pajk mëti'ipë mëët yajtukmëyakën ets näjyëtu'un ja tsatym nyëë, mëti'ipë yë Tios të tni'ënä'ämën. Nëjkxëp ëpëky näjyëtu'un xytyukwintsë'ëkëtës tu'uk yë tsajppax mëti'ipë ja nëë poky kyunaxëpën.

Números 15:7

Ets ëpëky ja tu'ktsim wäänë xyjyaakyajni'ikëtëty, yë'ëts ayajkën'at ako'onën'atëp, mëti'ipë pa'akxuuk pa'akjokëpën; ko ënäty yajno'oky ets oy xyuukëty jyokëty ëjts nwintuuyës.

Números 15:3

Koos xymyo'oja'antëty tu'uk yë tsajpkaa ëkë tsajppax etsës xytyukwintsë'ëkëja'antëty nino'oky ets oy xyuukëty jyokëty nwintuuyës. Mëët ko ënäty ja wyaantakën tyaj'ëtuka'antë, ëkë ko jëtu'un ja tsyojkën tpëjkta'aktë.

Números 9:13

E pën ka'ap tmëjjawë yë ëmaayxyëëw ets ka'ap maa të nyijkxy ets jyanija'ap ko mëpaat tnixëëwtuny ja ëmaayxyëëw, kopkpëky ko nëjkx yajjo'otsy ma myëkunaax myëkukajpnën ets näjyëtu'un pën ka'ap të tyäky ja ayajk ako'onën ma ja Tiosën mëti'ipë paat'ajtëpën ma tnixëëwëtyën, nëjkxëp näjyëtu'un tkumëtoy.

Números 9:7

ets t'ënëmaaytyë: Tëës ntontë yë o'kpë, paaty ëxëëk nyajpaatës. E yë'ë ëëts nyajtëwantëp: ¿Tii këtii ënät tjëkyäpëty nyaktëtyës ja n'ayajk n'ako'onën ma Wintsën yajnixëëwtunyën tä ja wiinkëtypë ja Israel ja'ayëtyënë?

Levitico 21:8

Jä'ä jëtu'un mëpaat xymyëët'aty wa'ats. Jä'ä ko yë'ë jëtu'unëty xëmë kyë'ëyajktëp ja tsajpkääky ma Tiosën mëti'ipë mTios'ajtypyën. Paaty wa'ats jëtu'un mëpaat y'itë, jä'ä koos mëti'ipë Wintsën'ajtpën, wa'atsës yë'ë, etsës jä'äs yë'ëjëty mpëjkta'aktë wa'ats.

Levitico 21:6

Ni'ik jëtu'un mëpaat wa'ats yajpaatë ma Tyiosëtyën, këtii ja xyëëw t'ëxëëktijëtëty. Jä'ä ko yë'ë jëtu'unëty yajktëp yë ayajk ako'onën mëti'ipë yajno'kpën ets ja tsajpkääky mëti'ipë yajmoopyën ja Tyiosëty. Paaty jä'ä jëtu'un mëpaat nyäyaj'itëtë wa'ats.

Levitico 1:17

Tääts tsujkwa'kxëty këëkujkm ja muuxy ëkë ja kuuk, jäätsow tmatsëty ma kyäknën. Ka'ap timyajjënakëty ja kyäkn, tä tnino'okëty ma wintsë'këntyaknënën, jam ma ja ja'axy tyoyën ets jëtu'un ja Tios yajtukwintsë'ëkëty, tä tu'uk yë wintsë'kënën oypyë xyuuky jyokyën.

Levitico 1:13

Ja teety mëti'ipë yäjkpyën ja wintsë'kën, jëyëjp tpujëty ja jëyujk tiinty ets ja jëyujk puuy ets tnino'okëty jam ma ja wintsë'këntyaknën mëti'ipë ja Tios tyukwintsë'ëkëpën, tä tu'uk yë ayajk ako'onën mëti'ipë oy xu'kp jojkpën.

Levitico 1:9

Pën ja jëyujk'ooky ënäty nino'oky yäjkpyën, yajxon tpujëty ja tyiinty ets ja y'ixpajk. Ja teety yë'ë nëjkx tnino'kta'ay ma ja wintsë'këntyaknën ets ja Tios yajtukwintsë'ëkëty tä tu'uk yë wintsë'kën oypyë xyuukyën.

Éxodo 29:18

Tääts ënät ya'atë kupixyny y'ooky xynyino'okëty ma wintsë'këntyaknën, mëti'ipë yë Wintsën mtukmëjjawëpën, yë'ë ya'atë wintsë'kën nino'oky nixämpyë oypyë xyuuky jyokyën.

Éxodo 23:15

Mxëëwtuntëp ma ja tsajpkääky yajkayën jëtu'unyëpë ka'apë tsyooymyëëtëty, jëtu'un tä të ntuk'ëne'emyën, wëxtujk xëëw xykyäyëty yë tsajpkääky ka'apë tsyooymyëëtëtyën. Ya'atë xëëw jää xytyuntëty ma ja xëëw po'o y'änyën mëti'ipë xyëëwajtypyën Abib, jä'ä ko jä'ä po'o ojts jap mtsoontë Egiptë. Ets maas ëjtsën ni pën mëpaat kyaminy jëtu'unyë pën ka'ap tii tmëminy.

Números 28:1

Ënät ja Wintsën ojts tmëkäjpxy yë Moisés ets t'ënëmaay:

Esdras 3:3

Ja wintsë'këntyakn mëti'ipë ojts tkojtën ta'tspëky ojts yajxon tyaj'oyëtë, këtiipë ja mëtsip tjitëty, jopy ux ijty tyaktë ja wyintsë'kën nino'oky nixämpyë.

Números 29:39

Ya'atë wintsë'kën'atëp mëti'ipë Wintsën yajmo'ojëpën ma tu'uktu'uk ja xëëw nyaxëtyën, ëpëky ja ayajk ako'onën mëti'ipë nitu'ukjaty mëpaat ja ja'ay tyaktën ets ja tsojkënkyëjxmëpë tyajkpëtën, jä'ä jëtu'un ja mëti'ipë yajnino'kpën ets ja aaypyajk ujtspajk mëti'ipë ayajkën'ajtp ako'onën'ajtpën ets ja tsatym nyëë ets ja Tios jä'ä yajtukwintsë'ëkëty, mëët ko ja nay'ëëw'oy näykyajpx'oyë y'ity mëët yë'ë.

1 Crónicas 23:31

ets ko yajyäky ja wintsë'kën jëpom, jëpom, ma xëëw tyunyën ets ma po'kxënxëëwën ets jënu'un ja xëëw tyimtuny tyimjatyën mëti'ipë, xëmë mëpaat tmëtuntë ja Wintsën jëtu'un tä ënäty yë'ë të tyuka'ajëtën.

2 Crónicas 23:18

Joiadá ojts tpëjktä'äky ijx'ijtpë këwent'ajtpë ma ja Wintsën ja tsyajptëjkën, yë'ë tyuknipëjk ja teetytyëjkëty ets ja Leví ja'ayëty, mëti'ipë ja David ënäty tnikäjpxyën jam tyuntëty ma ja tsajptëjkën, tyaktëty ja wintsë'kën ja nino'oky nixämpyë Wintsën wyintuuy; jëtu'un y'ëwtëty ya'axtëty tä jap myinyën ma ja ënä'ämën tëyajtënën mëti'ipë ja Moisés jyääyën, mëti'ipë ja David tyuknipëjktakëyën.

2 Crónicas 31:3

Kë'ëm ojts ja yajkutujkpë tyäky mëti'ipë wintsë'kën'atëpën jopyëp ets jënäkxyëëw, mëti'ipë tunëpën xëëwjoty, po'kxënxëëw, ko po'o yeeky'atëty ets tii xëëw mëjpë tyunëtëty, jëtu'un tä jap myinyën kuja'ay ma ja Wintsën ja y'ënä'ämënën kyutujkënën.

Esdras 3:2

Ja Josué, Josadac yë myaank ets ja myëku'uktëjk ninu'un tyeety'atën, näjyëtu'un yë Zorobabel, Salatiel yë myaank ets ja jyiiky myëku'uk. Ojts tyajtso'onta'aktë ja tuunk ma tkojë'ëktën ja Wintsën ja wyintsë'këntyakn, ma tyaktëtyën ja wintsë'kën nino'okpyë, tä jap myinyën këxja'ay ma ja ënä'ämën tëyajtënën mëti'ipë ja Moisés yajkën, Tios yë tyuunpë.

Nehemías 10:34

Ëpëky ja teetytyëjkëty, Leví ja'ayëty ets ja naax kajpnëty, ninu'un tyu'ukjuuky'at tyu'ukmëku'uk'atën, ojts yaj'ijxpëtsëmy ets nyikäkëtyääyëtë ja ja'ay pënjaty tuka'ajëpën winjëmëjt ja ja'axy tyajminëty ma ja Tëyajtën ja tsyajpjëën tsyajptëjkën ets yë'ë yajno'okëty ma ja nWintsën'ajtëm Tios ja wyintsë'këntyaknënta, tä jap myinyën kuja'ay ma ja ënä'ämën tëyajtënën.

Ezequiel 45:17

e yë yajkutujkpë yë'ë yakëp ja jëyujk mëti'ipë yajnino'okëpën ets mëti'ipë tunaanpën ma yajyäkyën yë aaypyajk ujtspajk ets tsatym nyëë tëëpë nyimaanaxyën, mëti'ipë yajyajkpën ma po'o pyi'k'atyën, po'kxënxëëwpë ets ma winë tnixëëwtuntën jam Israel. Yë'ë nëjkx näjyëtu'un tyäky yë wintsë'kën mëti'ipë poky yajtukuyajkpën, yë aaypyajk ujtspajk ets jëyujk mëti'ipë yajnino'kpën ko yajtuny yë nay'ëëw'oy näykyajpx'oyë ets jëtu'un yë Israel ja'ayëty yajpokymyä'kxtëty.