Números 28:19 - Biblia Mixe de Quetzaltepec

¹⁹ Mäjtsk yë tsajpkaayä'äy ayääkë, tu'uk yë kupixyny yä'äy mëti'ipë tëë yä'kpetyën ets wëxtujk yë kupixyny yä'äy ayääkë oyëty mëkëty ets mëët näjyëtu'un xytyukmëyakëtëty yë tsatym nyëë. Yë'ë nëjkx xynyino'oktë ets ja Tios jä'ä xytyukwintsë'ëkëtëty.

Números 28:19 ပူးပေါင်းရင်းမြစ်များ

Deuteronomio 15:21

E pën tääpë jëyujk ma'at yë kyë'ë tyeky, ëkë wyiin, ëkë pëjkëp ijxëp, këtii yë wintsën xymyo'ojëty.

Números 29:8

Mëti'ipë yajnino'okëpën ets ja Wintsën jä'ä yajtukwinjokëty: tu'uk yë tsajpkaa u'unk, tu'uk yë kupixyny yä'äy mëti'ipë tëë yä'kpetyën ets wëxtujk yë kupixyny mëti'ipë tu'ukjaty yë jyëmëjtëtyën ets yë'ë mëti'ipë oyëty mëkëtyën.

Números 28:31

Ya'atë wintsë'kën mëti'ipë nino'okyën mëët ja nyi'ayajk nyi'ako'onën, mëti'ipë aaypyajk ujts pajkën ets ja nyi'tsatym nyëë. Yë'ë nëjkx xyaktë, ëpëky ja mëti'ipë winjëpom yajyajktëpën. Ja jëyujk tsajpkaa, yë'ë mëpaat xyaktë mëti'ipë oy mëkën.

Levitico 22:20

Ets ka'ap mëpaat tyäky ja jëyujk mëti'ipë ka'ap y'oyëty myëkëtyën, jä'ä ko ka'ap ja yajkupëkëty.

1 Pedro 1:19

yë'ë mëët ja Kristë nye'pyny, mëti'ipë të wyintsë'kën'atyën ijxtëm tu'uk ja kupixyny u'unkën mëti'ipë ka'ap tii ma'atpë ëxëëkpë tmëëtëtyën.

Números 28:20

Mëët ya'atë wintsë'kën ëpëky nëjkx xytyukmëyakëtë ja ayajk ako'onën mëti'ipë aaypyajk ujts pajkën. Tëtujk tsim nëjkx xytyukmëyakëtë ja tsajpmookway mëti'ipë wo'okëtityën mëët yë on ma tu'ukpë ja tsajpkaayä'äy ayääkën ets taxk tsim ma tu'ukpë ja kupixyny yä'äy tëëpë yä'kpetyën.

Levitico 1:3

Pën yë'ë tsajpkaa yakäämpy tä tu'uk yë wintsë'kënën, yë'ë yakëp yë oypyë mëkpë ets mëti'ipë kä'pxyën, jam tyaj'ookëty ma yajnitëkën yë wit tëjk ma näpyaatë y'ityën ets jam ja wintsë'kën tyakëty ets Wintsën tkupëkëty.

Deuteronomio 16:2

Ma ja ëmaayxyëëwën yë'ë nëjkx yë Tios xytyukwintsë'ëkëtë yë kupixyny ets tsajpkaato'oxy, jam nëjkx xymyënëjkxtë ma ja it naaxwiinyëtën mëti'ipë ënäty yë'ë të twin'ixyën ets jam ja xyëëw yaja'amyätsëty.

2 Crónicas 35:12

Ja jëyujk on ëpëky tpëjktaktë ets ja ja'ayëty këëkjä'ä tyajktë jam ma wintsë'kën yajyäkyën; jëtu'un tä ja ënä'ämën myinyën mëti'ipë ja Moisés yajwë'ëmën; näjyëtu'un tuuntë ja mëjatyëtypë ja tsajpkaa.