Números 28:16 - Biblia Mixe de Quetzaltepec

¹⁶ Ma myajkmajkts anyën yë mëtu'kpo'opë jää nëjkx xyëëwtuntë yë ëmaayxyëëw ma ja Tios jää xymyëjjawëtëtyën.

Números 28:16 ပူးပေါင်းရင်းမြစ်များ

Éxodo 12:18

Ko ënäty ja po'o myajkmajtsk'any yë'ë mkaytyëp ja tsajpkääky mëti'ipë ka'ap tsyooymyëëtëtyën, jënäkyxyëëw jëtu'unpë tsyo'onta'akëty; e ko ja po'o y'i'px tu'uk'anëty, jënäkxyëëw nëjkx ja tsajpkääky xyjyaakaytyë.

Mateo 26:17

Ma ëka'any tu'kxëëw yajnixëëwtunyën ja tsajpkääky ka'apë levadura tmëëtëtyën, jää ojts ja Jesús ja y'ijxpëjkpëtëjk nyiminyë ets yajtëëwëtë: ¿Ma xytsyoky etsës ja a'ux nyaj'oyëtëty, ma yajmëjjawëja'anyën ja ëmaayxyëëw?

Mateo 26:2

Ejxtëm xynyijawë'atën, ja mäjtsk xëëw ja ëmaayxyëëw tpaaty ets naaxwiinyëtë ja'ay yë y'U'unk jää yajkë'ëyaka'any ets ja'ay yajkruutspäta'anyë.

Éxodo 12:1

Ënät yë Tios ojts myëtyä'äky mëët yë Moisés ets Aarón ets y'ënëmaayëtë:

Éxodo 23:15

Mxëëwtuntëp ma ja tsajpkääky yajkayën jëtu'unyëpë ka'apë tsyooymyëëtëty, jëtu'un tä të ntuk'ëne'emyën, wëxtujk xëëw xykyäyëty yë tsajpkääky ka'apë tsyooymyëëtëtyën. Ya'atë xëëw jää xytyuntëty ma ja xëëw po'o y'änyën mëti'ipë xyëëwajtypyën Abib, jä'ä ko jä'ä po'o ojts jap mtsoontë Egiptë. Ets maas ëjtsën ni pën mëpaat kyaminy jëtu'unyë pën ka'ap tii tmëminy.

Éxodo 34:18

Mtuntëp yë nyixëëw ja tsajpkääky mëti'ipë ka'ap tsyooymyëëtëtyën, jëtu'un tääjës të ni'ënä'ämën, jää xykyäytyëty ja tsajpkääky ka'apë tsyooymyëëtëtyën wëxtujk xëëw. Jää xykyäytyëty ma ja Abib po'o y'änyën, jä'ä ko jä'ä xëëw ojts tsyoontë yë Israel ja'ayëty jap Egiptë.