Números 28:13 - Biblia Mixe de Quetzaltepec

¹³ E ja tu'ukjatypë ja kupixyny yä'äy, yë'ë nëjkx xytyukmëyakë mäjtsk tsim yë tsajpmokway, mëti'ipë wo'okjëtityën mëët yë on. Ets nëjkx yajnino'oky, yë'ë ja Tios yajtukwino'okëp ets oy xyuukëty jyokëty.

Números 28:13 ပူးပေါင်းရင်းမြစ်များ

Números 28:12

ma tu'ukjaty ja tsajpkaayä'äy ayääkën, ëpëky xytyukmëyakëtëty tëtujk tsim yë tsajpmookjëtsy mëti'ipë mëët yë on tyukmëwookëtyën, e ja kupixyny yä'äy mëti'ipë të yä'kpetyën, ëpëky mëët yajtukmëyakëty yë tsajpmokway taxk tsim, wo'okjëtity mëët yë on.

Números 28:14

E nëjkxëp ja tsatym nyëë näjyëtu'un yajtukmëyakë mäjtsk tsim ma ja tu'ukpë ja tsajpkaa yä'äyën, tu'ktsim ja kujkm ma tu'ukjatypë ja kupixyny yä'äy mëti'ipë tëë yä'kpetyën ets tu'ktsimjaty ma ja tu'ukpë ja kupixyny yä'äy ayääkën. Ya'atë mëpaat xyaktë nino'oky ma Tiosën winpo'ojëty.

Éxodo 29:40

Ja mëtu'ukpë ja kupixyny yë'ë mëët xyakëty yë tsajpmokway mäjtsk tsim, olivë on ets xypyikëty tu'ktsim yë tsatym nyëë.

Números 15:6

Pën yajktëp tu'uk yë kupixyny yä'äy mëti'ipë tëë yä'kpetyën, taxk tsim ëpëky yë tsajpmokjëtsy tukmëyakëtëty mëti'ipë mëët on të yajtijëtityën tu'ktsim.