Números 28:1 - Biblia Mixe de Quetzaltepec

¹ Ënät ja Wintsën ojts tmëkäjpxy yë Moisés ets t'ënëmaay:

Números 28:1 ပူးပေါင်းရင်းမြစ်များ

Números 27:23

Ënät ja Eleazar jam ja kyë'ë tkëxkoony ma Josué kyëpajkën ets ojts tkënu'kxy, jëtu'un'äämpy tmooy ja kutujkën tä ënäty ja Wintsën të tyuk'ëne'emyën mëët ja Moisés.

Números 28:2

Ko këtii tja'atyëkoytyëty ets tmëmintëty xëmë yë y'ayajk y'ako'onënëty, tä yë tsajpkääkyën. Ko xëëw tpaatëty jää tyaktëty yë y'ayajk y'ako'onën nino'okpyë, mëti'ipë ja'tëpën ëjts nwintuuyës tä yë xu'kën jojkën janty oypyë.

Levitico 9:15

Aarón ojts ja Israel ja'ayëty ja y'ayajk y'ako'onën tyajkë, ojts tyaj'ooky ja tsajppax mëti'ipë kyunajxypyën ja nyëë pyokyëty ja naax kajpn ets ojts tmo'oy ja Tios, jëtu'un tä ënäty tu'uk ja ayajk ako'onën ja jëyëjpë të tyäkyën.

Números 7:15

ëpëky tjaakyäjky tu'uk yë tsajpkaayä'äy ayääkë, tu'uk yë kupixyny yä'äy mëti'ipë tëë yä'kpetyën ets tu'uk yë kupixyny ayääkë tu'kjëmëjt petypë mëti'ipë yajnino'okëpën,

1 Crónicas 23:31

ets ko yajyäky ja wintsë'kën jëpom, jëpom, ma xëëw tyunyën ets ma po'kxënxëëwën ets jënu'un ja xëëw tyimtuny tyimjatyën mëti'ipë, xëmë mëpaat tmëtuntë ja Wintsën jëtu'un tä ënäty yë'ë të tyuka'ajëtën.

2 Crónicas 2:4

E ëjts, yë'ëtsës njaniwinma'ayëp nkoja'anyës tu'uk ja tsajptëjk, ma ëëts yë nWintsën y'itëtyën mëti'ipës nTios'ajtëpën ets yë'ë yajtuknikënu'kxëty, japts yajmo'ojëty ja aay ujts mëti'ipë pa'akxu'kpën mëti'ipë yajyajkpën no'oky xämy, ja tsajpkääky mëti'ipë yajkëxma'kxpën kaaypyäjnkëjxy, ets yajtukwintsë'ëkëty yë jëyujk ooky nino'oky nixämpyë jopy tsuu, ma po'kxënxëëwën ets ma po'o y'aanë'ëkyën ets maajaty ja xëëw tpaatyën mëti'ipë yë Israel ja'ayëty nyixëëwtuuntëpën.

2 Crónicas 8:13

jëtu'un tä ënäty myinyën ni'ënä'ämë ma ja tëyajtënën mëti'ipë ja Moisés jyääyën: ma pokxn xëëwën: ko ja po'o pyi'k'aty ko tëkëëk'ok xyëëwtuntë winjëmëjtpë, ko ja tsajpkääky tnixëëwtuntën mëti'ipë ka'ap tsyooymyëëtëtyën, ma ja sëmaan tnixëëwtuntën ets ma ja tëjkxo'omy tnixëëwtuntën.

2 Crónicas 23:18

Joiadá ojts tpëjktä'äky ijx'ijtpë këwent'ajtpë ma ja Wintsën ja tsyajptëjkën, yë'ë tyuknipëjk ja teetytyëjkëty ets ja Leví ja'ayëty, mëti'ipë ja David ënäty tnikäjpxyën jam tyuntëty ma ja tsajptëjkën, tyaktëty ja wintsë'kën ja nino'oky nixämpyë Wintsën wyintuuy; jëtu'un y'ëwtëty ya'axtëty tä jap myinyën ma ja ënä'ämën tëyajtënën mëti'ipë ja Moisés jyääyën, mëti'ipë ja David tyuknipëjktakëyën.

2 Crónicas 31:3

Kë'ëm ojts ja yajkutujkpë tyäky mëti'ipë wintsë'kën'atëpën jopyëp ets jënäkxyëëw, mëti'ipë tunëpën xëëwjoty, po'kxënxëëw, ko po'o yeeky'atëty ets tii xëëw mëjpë tyunëtëty, jëtu'un tä jap myinyën kuja'ay ma ja Wintsën ja y'ënä'ämënën kyutujkënën.

Esdras 6:9

Ets winjëpom mëpaat ja meeny yajtukë'ëtëkëtë ja teetytyëjkëty mëti'ipë jam ja tuunk wintënaaytyëpën Jerusalén, jëtu'un ijxtëm tnikajpxtën tyajmëyatën ets tii tyim yajmëyajtëp, yë tsajpkaa, tsajppax, kupixyny mëti'ipë tyukwintsë'këtyëpën ja Wintsën tsajpjotmëpë; yë mok, xëjk, kaan, kääky, uuky, on ets tiijaty yajmëyajtëpën,

Nehemías 10:33

ets yajtukjuyëty yë tsajpkääky xëmëpë yajyäkyën mëti'ipë yajmo'ojëpën yë nTeety'ajt nKoonk, ja aaypyajk ujtspajk, ja wintsë'kën ja nino'okpyë ets ja wintsë'kën mëti'ipë yajyajkpën ko jyää'aty po'kxënxëëw, ma po'o pyi'k'atyën ets ja wiinkëtypë ja xëëw; ets tëkokyë mëti'ipë yajyajkpën, ja wintsë'kën ma ja pokyma'kxën yaj'amëtoyën ets yajnimä'kxtëty ja Israel ja'ayëty ets näjyëtu'un ma ja nätyu'ukmukë y'ityën jap ma ja Wintsën ja tsyajptëjkën.

Isaías 1:13

Këtiis nitii wintsë'kën xy'ëktuknimiinëtëty ka'apë tsyowpaatyën, yë nyijok ka'apës n'ëktsojknë. Ma ja po'o xynyixëëwtuntën, ma ja po'kxënxëëw xypyo'kxtën ets ma ja ja'ay xyajtu'ukmuktën ets ëxëëk y'ëtë'ëtstë y'ëna'antë.

Ezequiel 44:24

Ko ja'ay tsyippaatëty yë'ë nëjkx tnipaye'eytyë ja tëko'oyën tä jeexyë tu'uk nipaye'epyën mëët ja n'ënä'ämënës ntëyajtënës. Nëjkxëp tpatuntë ja ënä'ämën mëti'ipë nyikäjpxypën jëna'a ja xëëw yajtunëtyën ets kopkpëky ko näjyëtu'un tpo'kxtëty ja npo'kxënxëëwës.

Ezequiel 45:17

e yë yajkutujkpë yë'ë yakëp ja jëyujk mëti'ipë yajnino'okëpën ets mëti'ipë tunaanpën ma yajyäkyën yë aaypyajk ujtspajk ets tsatym nyëë tëëpë nyimaanaxyën, mëti'ipë yajyajkpën ma po'o pyi'k'atyën, po'kxënxëëwpë ets ma winë tnixëëwtuntën jam Israel. Yë'ë nëjkx näjyëtu'un tyäky yë wintsë'kën mëti'ipë poky yajtukuyajkpën, yë aaypyajk ujtspajk ets jëyujk mëti'ipë yajnino'kpën ko yajtuny yë nay'ëëw'oy näykyajpx'oyë ets jëtu'un yë Israel ja'ayëty yajpokymyä'kxtëty.

Ezequiel 46:11

Ma xëëw tyunyën kanaakpëky jä'ä yë tsajpkaa ayääkë yajtukpuyakëty yë ujtspajk i'px tsimjaty ets näjyëtu'un tu'ukjatypë kupixyny ayääkë yajyäkyën; e yë kupixyny mëjëtypë kë'ëm xy'a'ixëtëty jënu'un yë ujtspajk xytyukpuyakëja'antë. E ma i'px tsimjatypë yë ujtspajk yajyäkyën tëkëëk tsim ja kujkm yë nyi'on xyajkëtëty.

Gálatas 4:10

Mnixëëwtuuntëp miits ja xëëw, po'o ets jajëmëjt.

Colosenses 2:16

Këtii xymyëjpëjkta'aktëty ko ja'ay mnikajpx mnimëtya'akëtëty pën tii mkaaytyëp mjë'kxtëp, mëti'ipë xëëw m'ëmaay'ajtëp mka'ëmaay'ajtëp, pën yë'ë jempyo'o ëkë po'kxënxëëw.