Números 27:23 - Biblia Mixe de Quetzaltepec

²³ Ënät ja Eleazar jam ja kyë'ë tkëxkoony ma Josué kyëpajkën ets ojts tkënu'kxy, jëtu'un'äämpy tmooy ja kutujkën tä ënäty ja Wintsën të tyuk'ëne'emyën mëët ja Moisés.

Números 27:23 ပူးပေါင်းရင်းမြစ်များ

Números 27:18

Ënät ojts ja Wintsën t'ëtsoy ja Moisés: Yë Josué, yë Nun yë myaank, jä'ä jyä'äy'äty wijy ets tëtä'äky, tyukjajtyp wi'ix oy tyunëtyën. E yë'ëjës ntsojkpy ets xykyënu'kxëty ets xykyë'ënixajëty.

Números 27:19

Ets xytyukninëjkxëty yë teety Eleazar, yë'ëts mëët tu'knax xywoownëjkxëty ma ja naax kajpnën, jam xytyuknipëkëty ja tuunk.

Números 27:22

Moisés ojts jëtu'un tuunta'ay tëkokyë, mëti'ipë ojts ja Wintsën tyuk'ëne'emyën. Ojts twoownëjkxy ja Josué jam ma ja teety Eleazarën ets ma ja naax kajpnën.

Números 28:1

Ënät ja Wintsën ojts tmëkäjpxy yë Moisés ets t'ënëmaay:

Deuteronomio 3:21

Yë Josué jëtu'unës të n'ënëëmë: Tëë kë'ëm xytyim'ixy wi'ix yë mWintsën të tunyën tääpë nimäjtskpë yajkutujkpëty. E jëtu'un tuna'any oy mëti'ipë yajkutujkpëty, maajaty ënäty miits mnaxtën.

Deuteronomio 3:28

Tuk'ëwaanë yë Josué tii mëpaat tunyën, jotmëkmo'o, winma'anymyo'o; jä'ä ko tyam yë'ë naax kajpn tyu'uwinye'eyäämpy, tyimja'tëty jam ma ja itjotmën, mëti'ipë jyä'ä'atantëpën, tyampë xy'ixa'anyën.

Deuteronomio 31:23

E ja Josué, yë myaank yë Nun, tyaa ojts y'ënë'ëmxëty yë Wintsën: Mijts jotmëkmës mtimyyajpaatëty, këtii ninu'un mtimtsyë'ëkëty. Jä'ä ko tëëjës ntuknipëjktaakë ko mijts nëjkx xywyoowja'ty yë Israel ja'ayëty jam ma ja it naaxwiinyëtën mëti'ipës yë'ë të ntukwinwanëtën, e ëjts nyakäämpyës yë näypyutëkë ma mijtsën.

Deuteronomio 34:9

E yë Josué yë myaank, yë Nun, tëë ënäty yë Moisés yaj'ijxpëkyë ets wa'ats tnija'awëtyä'äy wi'ix ja naax kajpn tu'uwinye'eyëtyën; tëë ënäty ja Moisés ja kutujkën myo'oyë ma jyaak juuky'ätynyëmën, paaty ja Israel ja'ayëty ojts y'ëna'antë ets yë'ë tmëmëtowa'antë, tä ja Moisés ënäty të tyuk'ëne'emyën ja Wintsën.