Números 27:16 - Biblia Mixe de Quetzaltepec

^16-17 Mijts Tios, mëti'ipë Wintsën'ajtpën, mëti'ipë juukyajtën mooytyääpyën tëkokyë yë naaxwiinyëtë ja'ay. Mijts win'ix tu'uk yë ja'ay mëti'ipë yë mnaax mkajpn tyu'uwinye'eyëpën, oy maa nyëjkxëty. Këtiipë jëtu'un tyimwë'ëmtëty tä yë tsajppax kupixynyën mëti'ipë ka'ap yë kyëwent'ajtpën.

Números 27:16 ပူးပေါင်းရင်းမြစ်များ

Números 16:22

E yë'ëjëty koxtänë kyëtaktë ets tmënu'kxtaktë ja Tios, t'ënëmaaytyë: Tios mijts mëti'ipë juukyajtën myäjkpyën ets xymyooytyä'äy yë ja'ay, ¿tii tëkokyë yë ja'ay xytyimtukjoot'anpëjkta'ay ets tu'uk je'eyë mëti'ipë pokytyuunpën?

Hebreos 12:9

Näyjyëtu'un ko të nmutsk'ajtëm, tëë ja nteety'ajtëm yaa naaxwiiny xywyijtswinpijtën ets tëë nwintsë'këm. ¿E tii ko nkawintsë'këmëty ja Tios, mëti'ipë tsajpjotmën? Wä'än xywyijtswinpijtën ets npatmëty ja juukyajtën.

Jeremias 3:15

Jëtu'un nmo'oja'antës oypyë yajkutujkpë mëti'ipë tyunëpën mëti'ipës ntukjotkëtäkpyën; yë'ëts m'ënä'ämëtëp mëët ja wijyajtën ets ixpëkyajtën.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Tios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Tios jyä'äy'äjtypyën mëti'ipë të tku'ookën.

Juan 10:11

Ëjts jëtu'un ijxtëm ja oypyë kupixyny këwent'ajtpën. Ja oypyë kupixyny këwent'ajtpë kyu'o'këp ja kyupixyny;

Mateo 9:38

Paaty miitsëty amëtowtë ja mëti'ipë nyiWintsën'ajtypyën ja pëjktä'äky ets tkäxëty may ja tuunpë mëti'ipë ja pëjktä'äky yajpëtë'ëktëpën.

Ezequiel 37:24

Yë ntuunpës David, yë'ë nëjkx yajkutuky ma yë'ëjëtyën ets yë'ëjëty nëjkxëpës xymyëmëtowtë ets nëjkx tkuuytyuntë ja n'ënä'ämënës ntëyajtënës.

Ezequiel 34:23

Nyajwinpitäämpyës yë ntuunpës David, yë'ëjës tu'ukyë nyaj'itäämpy kupixyny këwent'ajtpë ets yë'ë oy tkëwent'atëty. Yë'ë nëjkx yë kupixyny tkëwent'ajtpë'atë.

1 Samuel 12:13

E tyaa ënät ja myajkutujkpëty mëti'ipë të xytsyojkën'atën. Tyaa ënät ja Wintsën mo'ojëtë ja myajkutujkpëty mëti'ipë të xy'amëtowtën.

Deuteronomio 31:14

Ënät yë Wintsën t'ënëmaay yë Moisés: Ëk'ix wäänë jyaak itëty ets m'o'knëty, paatykyëjxm, mëkajpx yë Josué tääts jam nimäjtsk mnëjkxtëty ma ja wit tëjkën ma näpyaatë y'ityën ets ntuk'ëwaanëtëty tii mtuntëpën. Ënät yë Moisés ojts tmëkäjpxy yë Josué ets ojts nimäjtsk nyëjkxtë ma ja wit tëjkën ma näpyaatë y'ityën mëët yë Tios.

1 Reyes 5:5

Paatyës tu'uk ntuknipëjktaakë nkoja'any yë tsajptëjk ma yajpaatëtyën yë Wintsën, mëti'ipës n'ëwtajtypyën, jëtu'un yajniwa'akëty ko ja Wintsën kë'ëm t'ënëmaay ja nteetyës David ko yë myaank mëti'ipë ënäty kutëjkëyëpën ënä'ämpë yë'ë nëjkx tkojy tu'uk ja tsajptëjk, ma yajmëjjawëtyën ja Wintsën.

Números 27:15

Ënät ja Moisés t'ënëmaay ja Wintsën:

2 Reyes 11:8

Miitsëty tu'ukyë xynyapikëtëty ja yajkutujkpë, aakjam xymyëët'atëty ja mëti'ipë mnätyukuwa'anëtëpën, e pën jap nëkoo natëkëjaanpën ma ënäty miitsëty mkëwent'atën nëjkxëp y'ooky. Miitsëty ka'ap ninu'un xytyim'ëxmatstëty ja yajkutujkpë oy maa nyëjkxëty.

Eclesiastés 12:7

Kom ok, naaxway jatëkok y'awinpity ja jot nini'kx, e ja jot ja'awën jam jatëkok wyimpity ma Tiosën, mëti'ipë jot ja'awën yäjkpyën.

Jeremias 32:27

Ëjts jëtu'un Wintsënajtp, mëti'ipë Tyios'ajtëpën tëkokyë juukpyë. Nitii kyatsiptä'äky mëët ëjts.

Jeremias 38:16

E ja Sedequías yajkutujkpë ame'tsyë ojts tatskmëkajpxë ja Jeremías ets t'ënëmaay: Yë Wintsënës yë xyëëw ntukkajpxypejtypyës ko ka'ap mijts ni'ënä'ämëja'any, ka'ap pën myaj'ookëtëty ets ka'ap nkë'ëyaka'any ma ja ja'ayëtyën mëti'ipë ënantëpën ko m'ookëty.

Ezequiel 18:4

Aak ëjts njä'ä'ajtyp yë naaxwiinyëtë ja'ay, näjyëtu'un yë teety taak ets u'unk ëna'k. Mëti'ipë pokytyuunpën yë'ë ookaanp.