Números 26:65 - Biblia Mixe de Quetzaltepec

⁶⁵ Jä'ä ko yë Tios tëë ënäty y'ënë'ëmxëtë ko jam nëjkx y'o'kta'atë të'ëts'itjotm. Yi'iyë yë Caleb, yë myaank yë Jefuné ets Josué, yë myaank yë Nun, yi'iyë ojts wyë'ëmtë juukyajtën mëët.

Números 26:65 ပူးပေါင်းရင်းမြစ်များ

Números 14:38

Yi'iyë ja Josué ets ja Caleb ojts wyë'ëmtë juuky.

Romanos 11:22

Ix, wi'ix ja Tios y'oyëtyën ets näjyëtu'un wi'ix tpëjktä'äkyën ja tsaatsytyu'unën; mëk tsaatsytyuny mëti'ipë pokyjotm ka'atëpën, e mijts oy të mmëët'atyë. Je'eyëp ko kopkpëky ko mjuuky'atëty xëmë oy ijxtëm yë'ë t'oy'ixyën; jä'ä ko tsojk näjyëtu'un myajkatspuxëty.

Números 14:35

Ëjts mëti'ipë Wintsën'ajtpën, ëjts ënaanp: Jëtu'unës ntuna'any ya'atë kajpn, mëët ko të nyämyukëtë etsës të xynyipëtë'ëktë. Yaa të'ëts'ituuy kyëxtëty nyaxtëty. Ets yaa ënät y'o'kta'atëty.

Judas 1:5

Oy miits të xyjyanijawëtë, ntukja'amyäjtstëp yam jatëkok ko ja Wintsën ojts tyajpëtsëmy ja Israel ja'ay jap Egiptë ets ojts tyajkutëkoy mëti'ipë kamëpëjkëtën.

Éxodo 12:37

Jam ojts yë Israel ja'ayëty tsyoontë ma tu'uk yë kajpnën mëti'ipë xyëëwajtypyën Ramsés ets jam jya'ajtë Sucot, jä'ä ënäty ja ye'etyëjktëjk nyiwinë'atë nitëtujk mëko'px, mëti'ipë jyëkyäjpnëp tsyiptuntëtyën. Yë to'oxytyëjkëty ets pi'k'ëna'këty ka'ap ojts yajmëtyowtë.

Números 14:26

Ënät ja Wintsën ojts tmëkäjpxy ja Moisés ets ja Aarón ets t'ënëmaay:

Números 14:32

Miits yë mnini'kxëty jëtu'unyë yaa kujy jëpipy wyë'ëma'antë të'ëts'ituuy.

Números 27:3

Ëëts yë nteetyëty jam y'o'ky të'ëts'itjotm. E yë'ë ka'ap tmëjwa'kpejty yë Coré, mëti'ipë ojts tmëtsiptsoonyën yë Wintsën. Yë'ë kyë'ëmpoky ojts tku'ookë ets ka'ap nitu'uk yë y'u'unk y'ijty mëti'ipë ye'etyëjkën.

Números 34:19

Ya'atë ja'ayëty nëjkx xyaxtsowtë: Ma Judá yë jyä'äyën yë'ë nëjkx xywyoowtsowtë yë Caleb, Jefuné yë myaank.

Deuteronomio 1:36

Yi'iyë Caleb, yë myaank yë Jefuné, nëjkxëp jam jyä'ty mëët yë y'u'unk tyo'oxytyëjk ets y'u'unk y'ok. Mëët ko yë'ë jëtu'un winë t'ëy tkäjpxy tääjës ntukjotkëtä'äkyën.

Josue 5:4

Ya'atë nätsyukë paatykyëjxm ojts jëtu'un tuny, jä'ä ko ja ja'ayëty mëti'ipë jap tso'ontën Egiptë tëë ënäty ja xyëëw jyëmëjt tpatnëtë ets nyëjkxtëty tsiptuunpë, ojts ja y'o'ktaaynyëtë jam të'ëts'itjotm.

Salmos 37:9

Yë ëxëëkja'aytyëjk nëjkxëp yaj'ixkäxtë ma ja naax kajpnën, e mëti'ipë Wintsën tyuk'ijxpäjtëpën yë'ë nëjkx ja y'ijtakn tpaatë ma ja naax kajpnën.