Números 26:63 - Biblia Mixe de Quetzaltepec

⁶³ Ya'atë jaaymyujkën ojts tyajpëtë'ëktë yë Moisés mëët yë teety Eleazar, jam ma ja mëj joyën mëti'ipë yë Moab nyaaxjot'ajtypyën, ma Jordán mëjnëë nyäxyën; yë'ë mëët nyäwyinku'ixëty yë Jericó kajpn.

Números 26:63 ပူးပေါင်းရင်းမြစ်များ

Números 26:3

Ënät yë Moisés ets Eleazar ojts t'ënëëmëtë yë Israel ja'ayëty ets jam nyëjkxtëty ma ja mëj joyën mëti'ipë yë Moab ijty nyitënääpyën. Ma nyäxyën ja Jordán mëjnëë, winkonpë wyi'imyën ma Jericó kajpnën.

Números 26:62

Yë ye'etyëjktëjk mëti'ipë Leví y'u'unk'ajt y'ok'ajtën, mëti'ipë ënäty tu'kpo'o ëka'any jyuuky'ätynyëmën ets mëjja'aypyaat, jä'ä nyiwinë'ajtë i'px tëkëëk mil. Yë'ëjëty ka'ap ojts jap ja xyëëwëty yajjaaypyätë ma ja Israel ja'ayëty yajjaaypyäjtën, jä'ä ko ka'ap ojts ja nyaax kyam yajmo'otë tä ja myëku'uktëjkëtyën.

Números 26:64

Ma tääpë jaaymyujkën pyëti'kyën nitu'uk ojts yë xyëëw kyayajpëjkta'aktë jap, mëti'ipë ojts nyokytyëkëtën ma ja Moisés mëët yë Aarón jyääymyujkyën.

Josue 5:6

Yë Israel ja'ayëty wëxtyikxy jëmëjt jam jyëtijtë të'ëts'itjotm, ja ja'ayëty mëti'ipë jap tso'ontën Egiptë tëë ënäty y'o'ktaaynyëtë, mëti'ipë jyëkyäjpnëtëp tsyiptuntëty. Tääpë ja'ayëty ka'ap ënäty të tmëmëtowtë ja Wintsën, paaty ojts yajxon tyim'ënëmxëtë ko ka'ap nëjkx tyëkëtë ma ja it naaxwiinyëtën mëti'ipë të yaj'ëwaanëtën ja y'ap y'okëty ko yë'ë yajmo'oja'antë ja it naaxwiinyëtë ma ja jë'kxy pëky ka'ap y'ëmaaytyä'äkyën.

Números 1:19

Jëtu'un tä ënäty ja Tios të tni'ënä'ämën. Ya'atë jaaymyujkën jam ojts pyëti'iky ma ja të'ëts'it të'ëtsnaax txëëwatyën Sinaí.