Números 26:62 - Biblia Mixe de Quetzaltepec

⁶² Yë ye'etyëjktëjk mëti'ipë Leví y'u'unk'ajt y'ok'ajtën, mëti'ipë ënäty tu'kpo'o ëka'any jyuuky'ätynyëmën ets mëjja'aypyaat, jä'ä nyiwinë'ajtë i'px tëkëëk mil. Yë'ëjëty ka'ap ojts jap ja xyëëwëty yajjaaypyätë ma ja Israel ja'ayëty yajjaaypyäjtën, jä'ä ko ka'ap ojts ja nyaax kyam yajmo'otë tä ja myëku'uktëjkëtyën.

Números 26:62 ပူးပေါင်းရင်းမြစ်များ

Deuteronomio 10:9

E paatykyëjxm yë Leví ja'ayëty ka'ap yë nyaax kyamëty të tpëktë ets ka'ap yë kyuma'ayën të yajmo'otë ma ja jyiiky myëku'ukëtyën, jä'ä ko yë Wintsën yë'ë kyuma'ayën'ajtëp, jëtu'un ijxtëm yë Wintsën të tnikäjpxyën.

Números 3:39

Ko yë Moisés ets Aarón ojts ya'atë jaaymyujkën tyajpëtë'ëktë ma Leví ja'ayëtyën, tä ënäty yë Tios të tyuk'ënä'ämëtën. Ënät ojts tjaaypyëtsëmtë ja ye'etyëjktëjk mëti'ipë të pyo'opätën je'eyë ets mëjja'aytyëjkëty, jä'ä nyiwinë'atë i'px mäjtsk mil.

Números 1:49

Ko ënäty yë jaaymyujkën xyajpëtë'ëky ma Israel ja'ayëtyën, këtii yë Leví y'u'unk y'ëna'k xyajnokytyëkëty.

Josue 14:3

E ja nimäjtsk ja kujkmëpë ja naax kajpn ja Moisés tëë ënäty ja nyaax tmo'otë jamtsow nëë'awinm, jä'ä ja jyä'äyëty ja Rubén, ja Gad ets nikujkwä'kxy ja Manasés ja jyä'äy.

Josue 13:33

Yë'ë tëy ja Leví ja'ayëty ka'ap ja nyaax yajmooytyë; je'eyë yaj'ënëmaaytyë: Miitsëty yë'ëmës yë mkuma'ayën'ajtëp yë Wintsën mëti'ipë yë Israel ja'ayëty Tyios'ajtëpën.

Josue 13:14

Yë Moisés ka'ap ojts tmo'oy yë nyaaxëty yë Leví ja'ayëty, jä'ä ko yë'ëjëty ojts yajtuknipëktë ets tjä'ä'atëty ja mëti'ipë yajno'kpën Tios wintuuy mëti'ipë yë Israel ja'ayëty y'ëwtajtëpën, jëtu'un tä ënäty yë'ë kë'ëm të tni'ënä'ämën.

Números 4:48

Jä'ä nyiwinë'ajtë tuktujk mil ja mëkoxk mëko'px ja majkta'px.

Números 4:27

Yë Aarón mëët yë myaank yë'ë nëjkx tuk'ëwaanëtë yë Guersón yë y'u'unk y'ok tii mëpaat tuntën ets tii mëpaat tmënëjkxtën.

Números 1:47

Yë Leví ja'ayëty ka'ap jap yë xyëëw yajkëxjaaytyë ma jaaymyujkën, mëti'ipë ojts pyëti'ikyën, ma myëku'uktëjkëty yë xyëëw pyäjtën, yë'ë jëtu'un yë Israel ja'ayëty.

Números 26:63

Ya'atë jaaymyujkën ojts tyajpëtë'ëktë yë Moisés mëët yë teety Eleazar, jam ma ja mëj joyën mëti'ipë yë Moab nyaaxjot'ajtypyën, ma Jordán mëjnëë nyäxyën; yë'ë mëët nyäwyinku'ixëty yë Jericó kajpn.