Números 26:53 - Biblia Mixe de Quetzaltepec

⁵³ Ma ya'atë ja'ayëtyën nëjkxëp yë naax kam wyä'kxy. Nëjkxëp tyuka'ajëtë ja naax kam, jëtu'un tä jap të yajkëxja'atën ma ja jaaymyujkën të y'ityën.

Números 26:53 ပူးပေါင်းရင်းမြစ်များ

Josue 14:1

Ya'atë ja it naaxwiinyëtë mëti'ipë yajmooytyën ja Israel ja'ayëty tä tu'uk ja kuma'ayënën mëti'ipë ojts tyajwa'kxtën ja teety Eleazar, Josué, yë myaank yë Nun ets ja mëjja'aytyëjkëty mëti'ipë nyikopk'ajtëpën ja Israel ja'ayëty.

Josue 11:23

Jëtu'un'äämpy ja Josué tniwa'ktaay ja jampë ja it naaxwiinyëtë tä ënäty ja Wintsën të tuk'ëne'emyën ja Moisés, tää tkijpxwax'ktaay ets tmooytyääy ja Israel ja'ayëty mëti'ipë kyuma'ayën'ajtën. Ko jëtu'un nyäjxy ka'ap ojts maa y'ëktsiptuunëtë.

Salmos 105:44

ets myooyëtë ja naaxwiinyëtë mëti'ipë wiink kajpn jyä'ä'ajtypyën, ets ja jë'kxy pëky mëti'ipë wiink ja'ay nyitu'unëyën,

Apocalipsis 21:27

Nijëna'a jam kyatëkëty ja ëxëëkpë ku'oypyë ets ni ja ja'ay jam kyawin'ëëntëty ets tii ëxëëk tuntëty. Yi'iyë jam tëkëjaanp mëti'ipë ja xyëëw miintëpën kuja'ay ma ja nokyën juukyajtën mëëtpë mëti'ipë myëët'ajtypyën ja Kupixyny U'unk.

Apocalipsis 5:10

Tëë xypyëjktä'äky ets yajkutuktëty ets y'itëty teety, jëtu'unts tmëtuntëty ja Wintsën ets yajkutuktëty naaxwiiny.

Mateo 5:5

Jotkujk yë ja'ay yajpaatë mëti'ipë yu'unk naxymëtyën, jä'ä ko yë'ë naaxwiinyëtë kyuma'ayën'atantëp mëti'ipë të yajtukwinwanëtën.

Daniel 7:27

E ja kutujkën, mëk'ajtën ets ja mëj'ajt oyajtën mëti'ipë naaxwiinyëtë apëtsëmy yajpatpën yë'ë nëjkx yajmooytya'atë ja Tios Ni'ik ja nyaax kyajpn. Yë kyutujkën xëmëkyëjxm nëjkx yajpaaty ets tëkokyë yë naax kajpn naaxwiinyëtë apëtsëmy yë'ë nëjkx tmëtuntë ets tmëmëtowtë.

Ezequiel 47:22

Yë'ë nëjkx xykyuma'ayën'atë ets yë'ë nëjkx näjyëtu'un tkuma'ayën'atë jaaypyaat jaaypyo'kxy mëti'ipë y'u'unk myääy myëët'ajtëpën ma miitsëtyën. Yë jaaypyaat jaaypyo'kxy jëtu'un xyjyawëtëty tä jeexyë y'Israel ja'ay'atën. Ko ënäty xypyëjkwa'kxtë yë naax kam nëjkxëp näjyëtu'un yë jaaypyaat jaaypyo'kxy xymyo'otë yë jyä'äjëty mëti'ipë tsënaaytyëpën ma miitsëtyën.

Salmos 49:14

Jëtu'unpë ja'ayëty o'kën tu'uwinye'eyëtëp jam ma o'kpëjutën, jëtu'un tä ja'ay yë kupixyny twoowye'eyën. Ko ënäty xyiintyä'äky, yë oyjyä'äytyëjk yë'ë mëta'akantëp ma yë'ëjëtyën; yë jyot myëjaawëty nëjkxëp kyukëxë, ets o'kpë jut nëjkx xëmë tuktsëënëtë.

Génesis 12:7

Ënät ojts jam yë Tios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënät ojts yë Abram pojën t'oytyuny tu'uk ja wintsë'këntyakn, jä'ä ko ënäty jam yë Tios të nyänyikëxë'ëkyë.

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

Números 26:52

Ënät ja Tios ojts tmëkäjpxy yë Moisés ets t'ënëmaay:

Números 26:54

Ja ja'ayëty mëti'ipë nimayëtyën mëj nëjkx ja nyaax nyikääkëtë, e ja ja'ayëty mëti'ipë niwäänëtyën mutsk nëjkx ja naax nyikääkëtë. Tu'këëyi'ikyëty ja ja'ay nëjkxëp yë nyaax yajmo'otë jëtu'un tä jap myintën ja xyëëwëty ma ja jaaymyujkën të y'ityën.

Números 33:54

E jä'ä nëjkx xyajwa'kxtë ijxpëtsëmy. Jëtu'un xynyijawëtëty jënu'unjaty tyuka'ajëtën ja ja'ayëty tu'kunaax tu'kukajpnëpë ma ja tu'kja'ayjyätypyën. Pën nimay ja ja'ayëty tyu'kunaax'at tyu'kukajpn'atë, mëj yë nyaax xymyo'otëty. E pën niwäänëty, wäänë yë nyaax xymyo'otëty. Tu'kkajpnjaty ja nyaax pyaatëtëty, jëtu'un tä ënäty tyuka'ajëtën.

Josue 1:6

Jotkujk ets jotmëk mtimnyäyjyawëtëty, jä'ä ko mijts nëjkx xyajwä'kxy ja it naaxwiinyëtë ma ya'atë naax kajpnën, yë'ëjës ntukwinwa'anëy ja m'ap m'okëty koos n'ënëmaaytyë ko ja kyuma'ayën nmo'oja'antës.

1 Crónicas 16:18

ko y'ënäny: Mijts nmo'ojäämpy yë naax kam ma txëëwatyën Canaán ets yë'ë xykyuma'ayën'atëty.