Números 26:3 - Biblia Mixe de Quetzaltepec

³ Ënät yë Moisés ets Eleazar ojts t'ënëëmëtë yë Israel ja'ayëty ets jam nyëjkxtëty ma ja mëj joyën mëti'ipë yë Moab ijty nyitënääpyën. Ma nyäxyën ja Jordán mëjnëë, winkonpë wyi'imyën ma Jericó kajpnën.

Números 26:3 ပူးပေါင်းရင်းမြစ်များ

Números 22:1

Yë Israel ja'ayëty ojts tyu'uye'ey'ëtë'ëtstë ets jam jyajtë Moab. Joy jot ijty jam, jamts tsyënaaytyaknpëjktë awinmtsow ma ja Jordán mëjnëëjën, yë'ë mëët nyäwyinku'ixëty yë Jericó.

Números 26:4

Ets nyäkyajpxkëxë'ëkëtëty tëkokyë ja ye'etyëjkëty mëti'ipë ja jyëmëjtëtyën i'px ets jaakpetyëty ma ja jaaymyujkën pyëti'kyën. Jëtu'un tä ënäty ja Wintsën të tuk'ëne'emyën ja Moisés. E ya'atë ojts y'itë mëti'ipë tso'ontën jap Egiptë.

Números 26:63

Ya'atë jaaymyujkën ojts tyajpëtë'ëktë yë Moisés mëët yë teety Eleazar, jam ma ja mëj joyën mëti'ipë yë Moab nyaaxjot'ajtypyën, ma Jordán mëjnëë nyäxyën; yë'ë mëët nyäwyinku'ixëty yë Jericó kajpn.

Números 31:12

ojts tukninëjkxtë ja Moisés, ja teety Eleazar ets ja naax kajpn, ma ënäty jam tsyëënëtën ja'ayjyotm, mëti'ipë Moab ja'ay nyitënääpyën, winkon ma ja Jordán mëjnëëjën, mëti'ipë wintuuytsyow wë'ëmpën ma Jericó kajpnën.

Números 33:48

Ko jam tsyo'ontë Abarim, jam jyajtë Moab joyjyotm. Winkon wyi'imy ma ja Jordán mëjnëëjën mëët yë Jericó kajpn.

Números 35:1

Ënät yë Wintsën ojts tmëkäjpxy yë Moisés, jam joyjyotm ma tnitänën yë Moab, winkon ma ja Jordán mëjnëëjën, yë'ë mëët nyäwyinku'ixëty yë Jericó kajpn ets t'ënëmaay:

Deuteronomio 34:1

Ënät ja Moisés jam tsyo'ony Moab mëti'ipë të'ëts'itjotmën ets ojts jam nyijkxy ma ja Nebo kopkën, jam ojts pyety ma Pisgá kopkën, jyä'äjty ma ja kopkupi'tsykyën ma mëët nyäwyinku'ixëty yë Jericó kajpn. Ënät ja Wintsën jam y'ënëmaayë: Tuk'ijxëtya'a yë Galaad y'itjotm ets jampaat ma ja Dan y'itjotmën,

Deuteronomio 34:6

Jam nyaaxtëjkëy joyjyotm ma ja Moab tnitänën, winkon ma ja it naaxwiinyëtë txëëwatyën Bet-peor, tyampaat ni pën tääpë it naaxwiinyëtë tkanijawë.

Deuteronomio 34:8

Yë Israel ja'ayëty tu'kpo'o tnijëëy tniyaxtë yë Moisés ko y'oky jam Moab, i'px majk xëëw y'ijtë mon tuk, jä'ä ko jëtu'un ënäty myontë tyuktë ko pën y'ooky.