Números 26:29 - Biblia Mixe de Quetzaltepec

²⁹ Ma Manasés yë jyä'äyën yë Maquir yë jyä'äy, e ma Maquir yë y'u'unk y'ëna'kën yë Galaad yë jyä'äy.

Números 26:29 ပူးပေါင်းရင်းမြစ်များ

Josue 17:1

Ya'atë jëtu'un ja itjot naaxjot mëti'ipë ojts tyuka'ajëtën ja Manasés ja jyä'äy, mëti'ipë kyä'äxkopk'ajtypyën yë José. Mëjëyëjp ja Maquir mëti'ipë kyä'äxkopk'ajtypyën yë Manasés, yë Galaad yë tyeety. Tsip'ixy ijty yajxon, yë'ë ojts tyuka'ayë ja Galaad ja y'itjot nyaaxjot jampë yajpaatyën Galaad ets Basán, a'oytsyow wyi'imy ma ja Jordán mëjnëëjën.

Números 36:1

Ja ja'ayëty mëti'ipë ënäty nyikopk'ajtëpën ja Galaad ja'ayëty. Ja y'u'unk y'ok ja Maquir, Manasés ets José. Ënät ojts tninëjkxtë ja Moisés ets ja mëjja'aytyëjkëty, mëti'ipë mëj'äämpy ijtëpën ma ja Israel ja'ayëtyën ets t'ënëmaaytyë:

Jueces 5:14

Ojts yë Efraín yë jyä'äyëty näjyëtu'un tsyoontë ets ojts nyëjkxtë jam joyjyotm tsiptuunpë, ojts näjyëtu'un pyanëjkxëtë yë Benjamín yë jyä'äy. Ojts tsyoontë yë Maquir yë wyintsëntëjkëty, ets Zabulón yë kyutuunktëjkëty.

Deuteronomio 3:15

Yë Maquir yë'ëjës ojts nmo'oy yë Galaad yë y'it nyaaxwiinyëtë.

Génesis 48:14

E ko ojts yë Israel xyajtëy, tä ojts ja kyë'ë tyajnäywyinnaxyë ets ja kyë'ë ja a'oy'äämpyë jam tpëjktä'äky ma Efrainkën, mëti'ipë ënäty mutsknëmën, e ja anajny'äämpyë jam tpëjktäky ma ja Manasesën, oy ënäty jä'ä jyakä'äxkopkëty.

Génesis 50:23

ojts tjaak'ixy yë Efraín yë y'ok'u'unk y'ok'ëna'k ets näjyëtu'un tjaak'ijxy y'u'unk y'ëna'k yë y'ok'u'unk mëti'ipë xyëëwajtypyën Maquir mëti'ipë ënäty y'u'unk'ajtypyën yë Manasés.

1 Crónicas 2:21

Ko yë Hesrón ënäty yë jyëmëjt tëkë'px, ënät ojts mëët pyiky ja nyëëx ja Maquir, yë Galaad tyeety ets ja tyo'oxytyëjk tyajmiiny tu'uk ja u'unk maay naaxwiiny mëti'ipë tyijtën Segub.