Números 26:28 - Biblia Mixe de Quetzaltepec

²⁸ Ma y'u'unk y'okën yë José mëti'ipë jyä'äyajtën yë Manasés ets Efraín.

Números 26:28 ပူးပေါင်းရင်းမြစ်များ

Génesis 46:20

Yë y'u'unk y'ëna'k yë José mëti'ipë tyo'oxytyëjk Asenat yajmiin yajja'ajtën naaxwiiny jä'ä xyëëwajtë Manasés ets Efraín, jap ojts myintë naaxwiiny Egiptë. Yë Asenat yë'ë tyeety'ajt yë Potifera mëti'ipë ënäty teety'ajtpën jap tyuny tsajptëkoty ma ja kajpn txëëwatyën On.

Génesis 48:5

E tyam ënät yë mmaank Efraín ets Manasés, mëti'ipë të myintën naaxwiiny yaa Egiptë, maas ënäty ka'anëm nminyëm yaa ma mijts myajpaatyën, ëjts yë njä'ä'ajtëp. Jëtu'unës yë njawëtë tääjës njawëtën yë Rubén ets Simeón.

Deuteronomio 33:16

ujts nëjkx yajpaaty ja nyaax kyam mëët oyëtypë jë'kxy pëky. Yë Tios mëti'ipë ojts nyänyikëxë'ëkyën ma zarsa aatsën mëj nëjkx nyi''ijxkëtä'äkyë. Tëkokyë ya'atë të yajnikäjpxyën, yë'ë jam'ataanp ma Joséjën, mëti'ipë ojts yajwin'ixyën ma jyiiky myëku'ukën.

Josue 14:4

Yë José yë y'u'unk y'ok mäjtskpëky ënäty nyäwyä'kxyë, tu'kpëky mëti'ipë ja Manasés jyä'äy'äjtypyën ets tu'kpëky mëti'ipë ja Efraín jyä'äy'äjtypyën, e jä'äts ja Leví ja'ayëty ka'ap ojts nitu'knu'un yajmo'otë ja nyaaxëty; yi'iyë yajmooytyë ja kajpn ma tsyëënëtëtyën ets wäänë ja naax ma tyajtänëtyën ja jyëyujk tsyajpkaajëty.

1 Crónicas 5:23

Kujkwä'kxy yë Manasés yë y'u'unk y'ok jam tsyënaaytyë ma ja itjotmën mëti'ipë jam yajpatpën ma ja Basán ja y'itjot tsyo'ontä'äkyën ets jyëjpkëxy jam Baal-hermón, ets jatëkok kyutëkë ma yajtijyën Senir ets kyëtä'äky jam ma txëëwatyën Hermón, tyaapë ja'ayëty nimay ijty oyëty.

1 Crónicas 7:14

Ja Manasés ja y'u'unk y'ëna'k mëti'ipë mëët t'u'unk'ajtyën ja mëmäjtskpë ja tyo'oxytyëjk, sirië ja'ay; jä'ä xyëëwajtë: Asriel ets Maquir, mëti'ipë tyeety'ajtën ja Galaad.