Números 26:20 - Biblia Mixe de Quetzaltepec

²⁰ Paatykyëjxm ma Judá jyä'äyën yë'ë ojts yajkëxja'atë ma jaaymyujkën y'ijtyën yë Selá, Fares ets Zara y'u'unk y'okëty.

Números 26:20 ပူးပေါင်းရင်းမြစ်များ

Nehemías 11:24

Ja ja'ay mëti'ipë kyutënääpyën ja naax kajpn ma ja mëj yajkutujktaknën jampë Persië y'ëne'emyën yajkutukyën ets tyajnaxy ja naax kajpn ja y'amay jyotmay jä'ä mëti'ipë txëëwajtpën Petahías, myaank yë Mesezabel, yë'ë y'u'unk y'ok yë Zérah, myaank yë Judá.

Génesis 46:12

Yë Judá jä'ä y'u'unk y'ëna'k xyëëwajtë: Er, Onán, Selá, Fares ets Zara. Er mëët yë Onán jam ënäty të y'ooktë Canaán. E yë y'u'unk y'ëna'këty yë Fares jä'ä xyëëwajtë Hesrón ets Hamul.

Lucas 3:33

yë Aminadab y'u'unk, yë Admín y'u'unk, yë Arní y'u'unk, yë Esrom y'u'unk, yë Fares y'u'unk, yë Judá y'u'unk,

Mateo 1:3

Judá yë'ë teety'ajtë Fares ets Zérah ets Fares ets Zérah yë'ë tyaak'ajtë Tamar. Fares yë'ë teety'ajtë Esrom, Esrom yë'ë teety'ajtë Aram,

Nehemías 11:6

Jä'ä nyiwinë'atë yë y'u'unk y'ok yë Fares mëti'ipë tsënaaytyaknpëjktën jam Jerusalén taxk mëko'px ja tëkë'px tuktujk aak ye'etyëjktëjk mëti'ipë tsip'ixyëtyën.

Nehemías 11:4

Ojts yë Judá jyä'äy ets Benjamín jyä'äy jam Jerusalén tsyënaaytyaknpëktë yë'ë Judá kyutënääpyë, tä ja mëti'ipë txëëwajtëpën: Ataías, Uzías yë myaank, myaank yë Zacarías, myaank yë Amarías, myaank yë Sefatías, myaank yë Mahalalel, y'u'unk y'ok yë Fares;

1 Crónicas 4:21

Yë y'u'unk y'ok yë Selá, myaank yë Judá, jä'ä xyëëwajtë Er, mëti'ipë tyeety'ajtën Lecá, Ladá mëti'ipë tyeety'ajtën Maresá, ja myëku'uktëjkëty mëti'ipë ijty tyuunk'ajtën ja yajwitkojk oyjyätyëtypë jam Bet-asbea.

Génesis 38:14

Ënät tjeeny ja wyit mëti'ipë myëku'ookytyo'oxy'äjtypyën ets nyätyukwinkuyä'pëy yë wit këtiipë pën y'ixkapëtëty ets jam nyaaxwe'tsy tu'u'am, ma ja kajpn yajnitëkën, mëti'ipë xyëëwajtypyën Enaim. Jam yë tu'u nyäxy mëti'ipë nëjkxpën Timnat. Paaty jëtu'un yë Tamar wyinma'anypyäty ets jëtu'un y'ëtë'ëtsëty, jä'ä ko jya'ijxnëp ënäty ko ja Selá myëjnë'ajnë, e ka'ap nyäky pyiky mëët yë'ë.

Génesis 38:11

Ënät yë Judá t'ënëmaay yë xyäkxy Tamar: Wë'ëm jëtu'un atu'uk ma mteety yë tyëjkën, koonëm yë nmaankës, Selá y'ëkyääk, y'ëkpatëty. Yë Judá namääpy natajp ënäty, jä'ä ko näjyëtu'un nëjkx ja myaank Selá y'ëk'o'knë, ijxtëm ënäty ja myëkä'äxtëjk të jyat të kyëpätën. Ënät yë Tamar ojts nyëjkxnë tsënääpyë ma ja tyeety ja tyëjkën.

Génesis 38:5

Tää wiinkpë u'unk maay tjaakyajmëxu'unk'ajty, jä'ä tukxëëwajty Selá, yë Selá jää ojts myëxu'unk'aty ma ënäty yë Judá jam yajpaatyën Quezib.

Apocalipsis 7:5

Ets mil yajwinwijtstë ja Judá y'u'unk y'ok, nimajkmäjtsk mil ja Rubén ja y'u'unk y'ok, nimajkmäjtsk mil ja Gad ja y'u'unk y'ok,

Génesis 49:8

Mijts Judá mtukxoonta'akanëp yë mjëëky mëku'uk, jëtu'unyë mmëtsip xyo'kmëmatsëja'any. Yë mjëëky mmëku'uk yë'ë kë'ëm mwinkoxtänëtëp ets mwinkutsë'ëkëtëty.

Números 26:21

Ma jyä'äyën yë Fares yë'ë ojts yajkëxja'atë yë Hesrón ets Hamul yë y'u'unk y'ok.

1 Crónicas 9:4

Ja Judá y'u'unk y'ok mëti'ipë xyëëwajtën: Utai, myaank yë Amiud, myaank yë Omri, myaank yë Omri, myaank yë Paní, Fares y'u'unk y'ok, Judá y'ëna'k.

1 Crónicas 9:5

Silonitë jyä'äy jä'ä xyëëwajtë: Asaías, mëti'ipë kä'äxkopk'ajtën.