Números 26:10 - Biblia Mixe de Quetzaltepec

¹⁰ E ko ja naax y'ëwatsy ma ënäty yajpaatën, jap kyënajxtaaytyë nimäjtsk mëët ja Coré. Ets tëkokyë jënu'un ënäty të myëjwa'kpätëtën, ojts y'o'kta'atë mëët ja mëj jëën, jä'ä y'ijtë nimäjtsk mëko'px ja wëxtyikxy majk aak ye'etyëjktëjk. Ya'atë paaty jëtu'un tyuunë jyajtë ets ja Israel ja'ayëty ijxpäjtën twa'antëty.

Números 26:10 ပူးပေါင်းရင်းမြစ်များ

Números 16:38

Tääpë ja'ayëty yë jyëëntsijtkëty, mëti'ipë të y'ooktën, wa'ats yë'ë. Jä'ä ko yë poom mëti'ipë të tno'oktën, ëjts të xytyukwino'oktës. Paaty yam n'ëna'anyës ets xyaj'awinpitëty tä yë pujxnwojptëypyën ets yë'ë wintsë'këntyakn xytyukwinwopëtëty, yë'ëts yë Israel ja'ayëty ijxpäjtën wya'antëp.

2 Pedro 2:6

Näyjyëtu'un ja Tios tyajkutëkooy jëënmëët ja Sodomë kajpn ets ja Gomorra kajpn, koonëm tyaj'awinpijtaay kuyjaam ets jä'ä t'ijxpajn'atëty ja ëxëëkja'aytyëjkëty mëti'ipë ënäty juuky'atantëpnëm.

Judas 1:7

Ijxtëm ja anklëstëjk ja Tios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Tios yajkutëkooyëtë mëët ja jëën. Jëtu'unts ja Tios ja nija'awën të xymyo'oyëmë.

Ezequiel 14:8

Tyamës mëët näy'ixëtëty tääpë ja'ay ets ntëytyunäämpyës yam mëti'ipë nëjkx ijxpät wyi'imyën, mëti'ipë nëjkx ja'ay tnimëtya'aktën etsës njo'otsa'any maas yë nnaax nkajpnën. Ets nëjkx miitsëty xynyijawëtë ko ëjts Wintsën.

Jeremias 29:22

E ko ënäty yë Judá ja'ayëty pën tpoktë mëti'ipë jam Babilonyë yajpatëpën tsumy matsy, jëtu'un nëjkx y'ëna'antë: Yë Wintsën mtëytyunëtëp ijxtëm tëytyuunyën yë Sedequías ets Ahab, mëti'ipë yë Babilonyë yajkutujkpë yajjëëntëtsën.

1 Samuel 2:34

Yë'ë nëjkx xytyuk'ixy wi'ix nimäjtsk ja maank y'ooka'antën mëti'ipë xyëëwajtëpën Finees ets Hofní ets nimäjtsk nëjkx tyim'ooktë jä'ä xëëw.

Números 16:2

ojts ja Moisés tmëtsiptsoontë. May ja ja'ay pyuwa'akëtë, mäjtsk mëko'px ja wëxtyikxy myajkën ja Israel ja'ayëty mëti'ipë ënäty mëj'äämpy ijtëpën ma ja naax kajpnën. Yë'ë tyuk'ijtëtyëp ja ja'ayëty mëti'ipë ëëwij kajpxwijtëpën ets mëj yajjëkyäptë.

Números 27:3

Ëëts yë nteetyëty jam y'o'ky të'ëts'itjotm. E yë'ë ka'ap tmëjwa'kpejty yë Coré, mëti'ipë ojts tmëtsiptsoonyën yë Wintsën. Yë'ë kyë'ëmpoky ojts tku'ookë ets ka'ap nitu'uk yë y'u'unk y'ijty mëti'ipë ye'etyëjkën.

Éxodo 16:35

Yë Israel ja'ayëty jä'ä ja maná tkaaytyë t'uktë wëxtyikxy jëmëjt, koonëm ojts jam jya'të ma ja naax kajpnën, ma ja tsyëpa'an nyäxyën ja Canaán itjotm.

Deuteronomio 11:6

Wi'ix ojts tyajjaty tyajkëpetyën yë Datán ets Abiram, yë y'ëna'k yë Eliab, yë jyä'äy yë Rubén. Wi'ix ja naaxwiinyëtë y'ëwatsyën ets ojts jap kyënajxta'atë mëët tëkokyë ja y'u'unk y'ëna'këty, ja y'u'unk tyo'oxytyëjkëty, ja jyëën tyëjkëty ets tëkokyë jënu'un ënäty winë tmëët'atën. Tyaapë ma jëtu'un jyä'äjty kyëpejtyën, wa'ats ojts yë Israel ja'ayëty t'ijxta'a tnija'awëtya'atë.

Deuteronomio 28:46

Ya'atë pojkën nëjkxëp tyunyë jyätyë ma mijtsën ets ma m'u'unk m'ëna'kën.

Números 17:3

E ja tajk mëti'ipë ja Leví ja'ay jyä'ä'ajtëpën, jam nëjkx ja Aarón ja xyëëw xykyëxpëjkë, tu'ukjaty mëpaat ja'ay ja tajk tpëjkta'aktë.