Números 25:7 - Biblia Mixe de Quetzaltepec

⁷ Ko jëtu'un t'ijxy yë Finees, yë Eleazar yë myaank, yë Aarón yë y'ok'u'unk, ënät ojts y'ëpëkywyä'äky ma ënäty yë Israel yajpaatën tu'ukmukyë ets tkajpë'ky yë kyu'umën.

Números 25:7 ပူးပေါင်းရင်းမြစ်များ

Éxodo 6:25

Tu'uk yë y'u'unk yë Aarón mëti'ipë xyëëwajtypyën Eleazar, yë'ë ojts mëët pyiky yë nyëëx yë Futiel ets yë'ë ojts tyajminy tyajja'ty naaxwiiny ja mëti'ipë yajtijyën Finees. Ya'atë jëtu'un ojts tnikopk'atë yë Leví ja'ayëty, jëtu'un ja xyëëwëty këxja'ay myintë tä tyu'kja'ay'ajtën.

Salmos 106:30

Ënät yë Finees txajë'ky yë kyë'ë ets tyaj'o'ky ja mëti'ipë ënäty të pyokytyunyën. Täänëm ojts ja ëyo'on jotmay kyixy nyäxy.

1 Samuel 19:9

Ënät ja Saúl ojts jatëkok tyukja'tyë ja ëxëëk poj mëti'ipë ja Wintsën kë'ëm kyäjxën, e tamts ënäty y'u'unyë ma ja kyutujktaknën mëët ja kyu'umën, e ja David koop ënäty jam,

Éxodo 32:28

Ja Leví ja'ayëty ojts jëtu'un tpatuntë tä ënäty ja Moisés të tni'ënä'ämën, jä'ä ojts ja ye'etyëjktëjk y'ooktë jä'ä xëëw, naxy nitëkëëk mil.

Josue 22:13

Yë'ë ojts jëyëjp tkäxtë yë Finees, yë teety Eleazar yë myaank, jam Galaad ma ënäty jam yajpaatën yë Rubén, Gad ets je nikujkwä'kxypyë ja Manasés ja jyä'äy.

1 Crónicas 9:20

Ma ënäty ka'ap yajmo'otënëm jëtu'unpë ja tuunk, yë Finees yë'ë ojts nyikopk'atëtë. Wintsën kënu'kxëtëp.

Malaquías 2:5

Yë nkäjpxytyu'unënës yë'ë ënäty yajjotkujk'atanëp ets oy yajjuuky'atanëp yë Leví. Paatyës nmooy ets xywyinkutsë'ëkëtyës etsës xymyëjpëjkta'akëty ets yë'ë tëëjës xyjyänty wyinkutsë'ëkë ets tëëjës xyjyänty myëjpëjktä'äky.

Números 31:6

Yë Moisés yë'ë ojts tukpakexy yë Finees ja tsyiptuunpëtëjkëty, yë myaank yë teety Eleazar mëti'ipë myënëjkxën winë mëti'ipë ja Tios jyä'ä'ajtypyën ets ja pujxnxuxn mëti'ipë yajtukxuxpën ets ja Israel ja'ayëty tsyiptuntëty.

Esdras 7:5

Abisúa, Finees, Eleazar ets Aarón, mëti'ipë më''ëka'any teety'ajtën.