Números 25:6 - Biblia Mixe de Quetzaltepec

⁶ E tu'uk yë Israel ja'ay ijxnë kä'äxnë ojts yajxon tu'uk yë to'oxytyëjk, Madián ja'ay, timwyoownëjkxy ma tyëjkën. Ojts yë Moisés t'ixy ets Israel ja'ayëty, mëti'ipë ënäty jam të ye'eymyuktën, tam ënaty jyi'iytyë ya'axtë ma yajnitëkën yë wit tëjk ma ja näpyaatë y'ityën.

Números 25:6 ပူးပေါင်းရင်းမြစ်များ

Joel 2:17

Wä'än yë teetyëjk tjë'ëtë tya'axtë, mëti'ipë jap tsajptëkoty tuuntëpën, mëti'ipë yajpatëpën itkujky ma ja wintsë'këntyaknën ets ma ja tëjkëtyaknën, wä'än t'ëna'antë: Mä'kx, Wintsën yë mnaax mkajpn; këtii xyajkutukëty ets mnaax mkajpn pën tyukxi'ikëtëty; këtii xy'ëwa'atsëty ets wiinkëtypë naax kajpn myëmëta'akëtëty ets y'ëna'antë mëti'ipë ka'ap yë Wintsën t'ëwtatën: ¿Maa ënät ja Tyiosëty?

Números 22:4

Ënät ja Moab ja'ayëty ojts tmëkajpxtë ja mëjja'aytyëjkëty jampë yajpaatën Madián ets t'ënëmaaytyë: Tääpë ja'ayëty jëtu'un ënät tyajkëxa'antë yë nnaax'ajt nkam'ajtëmë, tä yë tsajpkaa tku'ojkta'ayën yë mëëy'u'unk kamjotm tu'ujotm. Jä'ä xëëw jä'ä jëmëjt ma jëtu'un tyuunën jyajtën, Balac ënäty jam ënä'ämp ma ja Moab kajpnën.

Judas 1:13

Jëtu'un ëxëëk y'ëtë'ëtstë y'ëna'antë ijxtëm yë mejyën, ijxtëm yë nëë o'pky pyëti'ikyën. Jëtu'un yë'ëjëty ijxtëm tu'uk yë matsa'a tsajpjotm tyu'utëkoyën, ets y'ita'any xëmëkyëjxm akootstuuy.

Jeremias 36:23

Ko ja Jehudí tkajpxta'ay ja noky tëkëëk taxk waats, tääts ja yajkutujkpë tuktsukë ja noky ets tjëënkupëky. Aakjëtu'un tuuntaay koonëm tno'ktaay.

Jeremias 8:12

Tsëtyuunëtëp jeexyë mëët ko je'eyë tuntë tkajpxtë ja mëti'ipës n'ëxëëk'ijxypyën. E ka'ap, ka'ap tsyëtyuntë, ka'ap t'ëknija'awënëtë tii ja'ay tyijp tsëtyu'un. Paatykyëjxm koos ënäty ntëytyuny nän jam nëjkx kya'atë ëxëëktum ma ja wiink ja'ayëtyën. Ëjts, Wintsën, ëjts ënaanp.

Jeremias 3:3

Paaty ka'ap y'ëktuunë potmjoty ets xëkopkjoty. Jëtu'un mkëxë'ëky into'oxyën.

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Jueces 2:4

Ko ja Tios ja kyukäjpxy kyajpxtaay ënät ja Israel ja'ayëty tyëjkëtyë yaxpë.

Números 31:2

Yajkutëkoy yë Madián ja'ayëty, mëët yë Israel ja'ayëty xyëëwkëjxm, ko jëtu'un tyuunta'a jyajta'ajëtëty tääts nëjkx mijts m'o'knë.

Génesis 37:28

Ko ja ajuupyëtëjk mëti'ipë Madián ja'ayëtyën jam nyajxtë winkon, ënät ja José yaju'tpëtsëëmy jap jutjoty ets yajto'ky ma ja Madián ja'ayëtyën mëti'ipë Ismael y'ap'ajtëpën, i'px tkujuuytyë aakyë'ë poop pujxn meeny. Jëtu'un ojts tyajnëjkxnëtë ja José jap Egiptë.

Números 16:47

Ënät ja Aarón jëtu'un tuuny tä ojts ja Moisés y'ënë'ëmxëtën. Pëyi'ikyë ojts nyijkxy ma ënäty ja ja'ay jam ni'ëmukë yajpaatën. Ja ëyo'on mëti'ipë ja Tios ënäty të tkexyën, tëë ënäty ëka'any nyatuuntëkooynyë ma ja kajpnën. Ënät ja Aarón ojts ja poom poj'am tjëënkupëky ets t'amëtooy ja Tios ja pokymyä'kxën ma ja naax kajpnën.

1 Reyes 11:18

Jam tsyo'ontë Madián ets jyajtë Parán; jamts ojts twoowmuktë ja'ay jampë kyukajpn'atën ets myëëtunëtëty. Ko jap Egiptë jyajtë ojts jam nyäkyajpxkëxë'ëkëtë ma ja yajkutujkpën, ja yajkutujkpë janty'oy ojts y'ëxajëtë, mooyëtë ka'ayën ukën ets naax kam.

Salmos 94:16

¿Pënës xy'ëkniwaantu'utëp ma ëxëëkja'ayëtyën, ma ja tuuntëkoopyë kajpxtëkoopyëtyën?