Números 25:4 - Biblia Mixe de Quetzaltepec

⁴ ets t'ënëmaay yë Moisés: Yajmujkta'a yë mëjja'aytyëjk mëti'ipë mëj'äämpy ijtëpën ma naax kajpnën ets xyo'ktëëytya'ajëty ëjts nwintuuyës ets ja'ay t'ixtëty. Jëtu'un xyäämëty yë n'äkës mëti'ipës nmëët'ajtypyën mëët yë Israel ja'ayëty.

Números 25:4 ပူးပေါင်းရင်းမြစ်များ

Deuteronomio 13:17

Nitii xykyamëwë'ëmtëty, mëti'ipë ënäty yë Wintsën të tuknipëjktaakën kyutëkoyëty ets jëtu'un nëjkx ka'ap mtukjoot'anpëkëtë. Ni'ikyë nëjkx mpa'ëyow mnajts'ëyowëtë ets nëjkxëp myajmëj myajmayëtë jëtu'un tä ojts tukwinwanën ja m'ap m'okëty.

Deuteronomio 4:3

Miitsëty ojts kë'ëm xytyim'ixtë wi'ix yë Wintsën tuunyën yë Baal-peor ets wi'ix tyajkutëkooytyääyën tëkokyë ja ja'ay jampë ënäty yajpaatën ma tääpë it naaxwiinyëtën, mëti'ipë wiink wintsën y'ëwtajtëpën.

2 Samuel 21:6

yë'ëjës ntsojktëp etsës niwëxtujk yë jyä'äy xytyukkë'ëtëkëtëty, etsës jam ntëyë'ëktëty Wintsën wyintum jam Guibeá ma ja Saúl tnitänën, ja Saúl mëti'ipë yë Wintsën kë'ëm wyin'ijxën. Ja yajkutujkpë ojts tkupëky ja mëti'ipë yajtukmëmëtyakën,

Deuteronomio 21:23

Yë jyot nyini'kx ka'ap mëpaat wyi'imy tu'ktsuupaat këxtëy ma ënäty të y'ookyën, ënätyë xyajnaaxtëkëtëty ko ënäty të tsyu'ujënyë jä'ä xëëw. Jä'ä ko yë Wintsën mëti'ipë mTiosajtëpën pyojkpy yë ja'ay mëti'ipë kutëy o'kpën kepykyijxy, miitsëty ka'ap mëpaat nëkoo ja it naaxwiinyëtë xyaj'ëxëëkëtë mëti'ipë ja mWintsën mo'ojanëtëpën ets xyjyä'ä'atëty.

Números 25:11

Finees yë'ë të tuny mëti'ipës ntukjotkëtäkpyën etsës yë n'äkë të xyeemy, jä'ä ko yë'ë näjyëtu'un të tukjoot'anpëky tä ëjtsën. Paatykyëjxm ka'apës yë n'äkë të nätyuk'ëne'emyë ets ka'ap të nyajkutëkooytya'atës.

Jonás 3:9

wä'änxyëp yë Tios xynyijoowinpijtmëty ets xyäämëty yë tsyip y'äkë ets jëtu'un ka'ap n'o'kmëty.

2 Samuel 21:9

tääts tkë'ëmooy ja Gabaón ja'ayëty ets jam tyo'ktëëytyë ma tu'uk ja kopkën Wintsën wyintuuy. Jëtu'un ojts niwëxtujk y'ooktë ma ënäty kujk ja tsajpmok myëjayën.

Josue 23:2

Ënät ojts yë Josué tmëkajpxta'ay yë mëjja'aytyëjk, ëna'ktëjk, tsiptuunpëëwintsëntëjk ets tëkokyë yë Israel ja'ayëty, t'ënëmaay: Ëjts tëëjës nmëjja'ayënë ets nxëëw njëmëjtës kujënajknëp ni'ikyë.

Josue 22:17

¿Wi'ix, namaa natiijën xyjyawëtë yë nëë poky mëti'ipë tyuuntën ja Peor kajpn mëti'ipë tyampaat ka'ap yajja'atyëkoynyëm ets ko ja ja'ay may tku'o'këyë?

Deuteronomio 13:15

Nëjkxëp xykyupujxta'atë, mëti'ipë ënäty jëtu'unpë ja winma'any pyanëjkxtëjkëtyëpën, tu'kë'ëyë mëët yë jyëyujk tsyajpkaajëty ets tëkokyë mëti'ipë myëët'ajtëpën ma ja nyaax kyajpnëtyën, wa'ats xyajkutëkooytyääyëtëty.

Deuteronomio 13:13

ka'apë yë Wintsën tmëmëtowtën. Je'eyë nëkoo oypyënëty twin'ëën twinxajtë ets tukjëjpye'eytyu'uta'antë yë mWintsën Tiosëty yë nyëë'aaw tyu'u'aaw, ma tuk'ëwtata'antën ka'apë wyintsënëtyën.

Números 25:18

Jëtu'un tä yë'ëjëty të mtunëtën mëët ja y'ëxëëkjot y'ëxëëk winma'anyëty ko të mtuk'ëwtatëtë ja Baal-peor. Näyjyëtu'un tä të y'ëti'itsyën yë Cozbí, ja Madián ja'ay ja nyëëx, mëti'ipë ojts ja ku'umën mëët yajtukjë'pnaxyën. Koos nkejxy ja ëyo'on jotmay, mëët ko ënäty ja Israel ja'ayëty të t'ëwtatë ja Baal-peor.

Éxodo 18:25

Ojts twin'ixy ja ja'ayëty mëti'ipë winë oy tyuuntëpën jam ma ja Israel kajpnën ets tmooy ja ënä'ämën kutujkën ma ja ja'ayëtyën tu'kmiljatypë, nimëko'pxjatypë, niwëxtyikxymyajkjatypë ets ma ja nimajkjatypyën.

Salmos 106:29

Mëët ja y'ëxëëktu'un y'ëxëëk kajpxënëty yë'ë ojts mëët ja Tios tyajjoot'anpëktë, paatykyëjxm ojts tu'uk yë mëj ëyo'on kyëtä'äky ma yë'ëjëtyën.

Deuteronomio 13:11

Jëtu'un'äämpy ja Israel ja'ayëty nijawëtëty ets ja tsë'ëkë tmëët'atëty, këtiipë ja ëxëëkpë t'ëktuuntëkooynyëtëty.

Deuteronomio 21:22

Pën tëë yajni'ënä'ämë ets tu'uk yë ye'etyëjk y'ookëty kutëy kepykyijxy, mëët ko ja mëjpoky të tuuntëkoy.