Números 25:18 - Biblia Mixe de Quetzaltepec

¹⁸ Jëtu'un tä yë'ëjëty të mtunëtën mëët ja y'ëxëëkjot y'ëxëëk winma'anyëty ko të mtuk'ëwtatëtë ja Baal-peor. Näyjyëtu'un tä të y'ëti'itsyën yë Cozbí, ja Madián ja'ay ja nyëëx, mëti'ipë ojts ja ku'umën mëët yajtukjë'pnaxyën. Koos nkejxy ja ëyo'on jotmay, mëët ko ënäty ja Israel ja'ayëty të t'ëwtatë ja Baal-peor.

Números 25:18 ပူးပေါင်းရင်းမြစ်များ

Apocalipsis 2:14

E tam wäänë mëti'ipës ka'ap n'oyjyawën ma mijtsën: tam ma mijtsën jënaakën yë ja'ay mëti'ipë ka'ap t'ëxmatstën ja Balaam ja y'ijxpëjkën, mëti'ipë ojts t'akajpxën ja Balac ets ja Israel ja'ay pyokytyuntëty ets tjë'kxtëty ja mëti'ipë yajtukwintsë'këpën ka'apë Tyiosëty ets ko pyokytyuntëty mëët ja wiinkpë to'oxytyëjkëty.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënäty jemnyëm t'ëxmatstë ja ëxëëk juukyajtën.

2 Corintios 11:3

E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

Éxodo 32:35

Ënät ja Tios tkejxy jam ja ëyo'on ma ja naax kajpnën, mëët jä'ä ko ja wiink wintsën ënäty të t'ëwtatë. Jä'ä ja awinax jëtu'unpë yaj'ixyën tä tsajpkaajën, mëti'ipë ënäty ja Aarón të tyajkojyën.

Éxodo 32:21

Tä ojts t'ënëëmë ja Aarón: ¿Tii jëtu'un ya'atë naax kajpn të mtukmëtuuntëkoyë ets jëtu'un xyajpokytyunëty mëjwiin këjää?

Génesis 26:10

Tä yë Abimélec y'ënëmaayë: ¿Wi'ix ko ëëtsëty jëtu'un xytyuntë? Wäänë jeexyë jyaak'ity, tääts jeexyë pën yë mto'oxytyëjk myëëtko'knëty ets mëj këjää jëtu'un ja poky jeexyë yajtuuntëkoy.

Génesis 3:13

Ënät yë Tios tyajtëëy yë to'oxytyëjk ets t'ënëmaay: ¿Wi'ix ko jëtu'un të m'ëtë'ëtsy? Ënät yë to'oxytyëjk y'ëtsooy: Yë tsa'any yë'ëjës të xywyin'ëëny, paatyës yë tääpë ujtstëëm të një'kxy.

Números 25:15

Ja to'oxytyëjk mëti'ipë Madián ja'ayën, jä'ä xyëëwajtyp Cozbí, yë'ë nyëëx yë Sur, mëj'äämpy ënäty y'ity yë Sur jam ma Madián ja'ayëtyën.

Números 25:17

Nëjkx mtsiptuntë mëët yë Madián ja'ayëty ets xytyimyaj'o'kta'atëty.

Números 26:1

ko nyäjxy ja ëyo'on jotmay ma ja ja'ay y'o'ktën, ënät yë Wintsën t'ënëmaay yë Moisés ets Eleazar, teety Aarón yë myaank:

1 Reyes 11:18

Jam tsyo'ontë Madián ets jyajtë Parán; jamts ojts twoowmuktë ja'ay jampë kyukajpn'atën ets myëëtunëtëty. Ko jap Egiptë jyajtë ojts jam nyäkyajpxkëxë'ëkëtë ma ja yajkutujkpën, ja yajkutujkpë janty'oy ojts y'ëxajëtë, mooyëtë ka'ayën ukën ets naax kam.