Números 25:12 - Biblia Mixe de Quetzaltepec

¹² Paaty ënëëmë tyamës ntuna'any tu'uk yë käjpxytyu'unën mëët yë'ë ets jotkujk xëmë jyuuky'atëty,

Números 25:12 ပူးပေါင်းရင်းမြစ်များ

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Ezequiel 34:25

Ntunäämpyës tu'uk yë käjpxytyu'unën mëët yë'ëjëty ets jeky jyuuky'atëty jotkujk. Nyajkutëkoyäämpyës yë jëyujk ma naax kajpnën, jëtu'un yë nkupixynyës jotkujk jyuuky'atëty mëjwintuuy ëwaatsëtuuy ets jotkujk mya'atëty pyo'kxtëty aayjoty kepyjoty.

Isaías 54:10

Oy ja tun kopk wya'ktëkatsëty, ets jyitëty, yë ntsojkënës nja'awënës ka'ap tyëkatsa'any ets nkäjpxytyu'unënës ka'ap kyëxa'any nyaxa'any. Yë'ë jëtu'un Wintsën ënaanp mëti'ipë mpa'ëyoowëpën.

Números 13:29

Maa ja it naaxwiinyëtë txëëwatyën Négueb, yë'ë jam tsënaaytyëp yë Amalec ja'ayëty. E ma ja it naaxwiinyëtën mëti'ipë kopkjotmën, yë'ë jam tsënaaytyëp yë Hit ja'ayëty, Jebús ja'ayëty, Amor ja'ayëty, e ma mëjmejyën ets Jordán mëjnëëjën, yë'ë jam tsënaaytyëp yë Canaán ja'ayëty.

Salmos 106:30

Ënät yë Finees txajë'ky yë kyë'ë ets tyaj'o'ky ja mëti'ipë ënäty të pyokytyunyën. Täänëm ojts ja ëyo'on jotmay kyixy nyäxy.

Salmos 106:31

Yë Tios oy ojts tjawë ja jëtu'unpë ja tu'unën kajpxën, jëtu'un y'ënäny ko xëmë yaja'amyätsëty ni'u'unk ni'ëna'k, niteety ni'ap.

Ezequiel 37:26

Ntunäämpyës tu'uk yë käjpxytyu'unën mëët yë'ëjëty jekpyë y'itëtyën, jëtu'un akujk jotkujk jyuuky'atëty. Nëjkxëpës nyajnimayëtë ets xëmëkyëjxm nëjkx yajja'amyetsy yë ntsajptëjkës ma yë'ëjëtyën.

Malaquías 2:8

E miitsëty teetytyëjkëty, tëë ja ntu'ujës xy'ëxmajtsnëtë; aak tëkatsyjyäty ja ja'ay winë të xytyukni''ixëtë ets xyajwinma'anytyëkoytyë. Jëtu'un të xyajma'atë ja nkäjpxytyu'unënës mëti'ipës mëët ja Leví ojts ntunyën.