Números 25:1 - Biblia Mixe de Quetzaltepec

¹ Ko yë Israel ja'ayëty jam jyajtë Sitim ets jam tsyënaaytyaknpëjktë, ja ye'etyëjktëjk ojts tmëët'ijt tmëëtsënaaynyëtë ja to'oxytyëjkëty mëti'ipë Moab ja'ayëtyën.

Números 25:1 ပူးပေါင်းရင်းမြစ်များ

1 Corintios 10:8

Ka'ap pën ja jyot nyini'kx tookëty, ijxtëm pënëty ojts y'ëtë'ëtstën, ma ojts y'ooktën i'px tëkëëk mil tu'kxëëwpë.

Josue 2:1

Jam ënäty yajpaatë Sitim ko ojts yë Josué tkexy nimäjtsk yë ja'ay jam Jericó ets nëjkx y'ixtë tyuntë ma ja naax kajpnën, jëtu'un t'ënëmaay: Nëjkxtë ixtë tuntë tääpë it naaxwiinyëtë ets xykyëwentëpëktëty wi'ix yajpaatyën yë Jericó kajpn. Ënät ojts nyëjkxtë ets jyajtë jam ma tu'uk ja to'oxytyëjk ja tyëjkën mëti'ipë ja jyot nyini'kx nyimeenypyijkpyën, jä'ä txëëwaty Rahab, jam ojts ja tsuu tyajnaxtë.

Números 33:49

Ja tsënaaytyakn ma jyajtaktën, winkon ma ja Jordán mëjnëëjën, jampaat ënäty y'ëwtity Bet-jesimot ets tyimja'ajty jam Abel-sitim, jam joyjyotm mëti'ipë nyitënääpyën yë Moab.

Apocalipsis 2:14

E tam wäänë mëti'ipës ka'ap n'oyjyawën ma mijtsën: tam ma mijtsën jënaakën yë ja'ay mëti'ipë ka'ap t'ëxmatstën ja Balaam ja y'ijxpëjkën, mëti'ipë ojts t'akajpxën ja Balac ets ja Israel ja'ay pyokytyuntëty ets tjë'kxtëty ja mëti'ipë yajtukwintsë'këpën ka'apë Tyiosëty ets ko pyokytyuntëty mëët ja wiinkpë to'oxytyëjkëty.

Miqueas 6:5

Nnaax nkajpnës, ja'amyäts wi'ix ojts yë Balac tjatuknipëjktaakën, jampë yajkutukyën Moab ets wi'ix y'ëtsoowinpijtyën ja Balaam, Beor yë myaank. Ja'amyäts ko mnajxy jam Sitim ets mja'ajty Guilgal, mëjpëjkta'ak wi'ix ojts yë Wintsën myëtä'äkyën tsipjotm.

Josue 3:1

Komjëpom janty tsojk ojts yë Josué pyëtë'kojy mëët tëkokyë yë Israel ja'ayëty ets tsyo'ontë jam Sitim, jyajtë ma ja Jordán mëjnëëjën; jamts tyaj'o'oyëtyë ja wyitëjkëty ets jam wäänë y'ita'antë.

Eclesiastés 7:26

Tëës npaaty tu'uk yë winma'any mëti'ipë yajma'typën yë juukyajtën: tu'uk yë to'oxytyëjk mëti'ipë yë jot winma'any je'eyë tyuk'ëyi'kpyën ets tyajjaty yë aaw jot tsumpyën xotypyën. Mëti'ipë ja'ay jyä'ämyejtsypyën yë Tios kyukä'äkëp yë jëtu'unpë, e mëti'ipë najtspëkë ja'ay'ajtpën poj'am jam kya'ajëty.

Éxodo 34:15

Nitii käjpxytyu'unën mëët xykyamëët'atëty tääpë ja'ayëty jampë jyuuky'atën ma tampë itjotmën. Këtii xy'oytyijtëty yë wyintsën ets këtii xyjyë'kxtëty xypyëktëty yë jyi'kxyëty, mëti'ipë të tukwintsë'ëkëtën ets të tkë'ëmo'otën yë wiink tios mëti'ipë yë'ë y'ëwtajtëpën.

Números 25:17

Nëjkx mtsiptuntë mëët yë Madián ja'ayëty ets xytyimyaj'o'kta'atëty.

Números 31:2

Yajkutëkoy yë Madián ja'ayëty, mëët yë Israel ja'ayëty xyëëwkëjxm, ko jëtu'un tyuunta'a jyajta'ajëtëty tääts nëjkx mijts m'o'knë.

Deuteronomio 3:29

E jëtu'un ojts jam nwë'ëmtës joyjyotm, winkon ma txëëwatyën Bet-peor.

Deuteronomio 4:3

Miitsëty ojts kë'ëm xytyim'ixtë wi'ix yë Wintsën tuunyën yë Baal-peor ets wi'ix tyajkutëkooytyääyën tëkokyë ja ja'ay jampë ënäty yajpaatën ma tääpë it naaxwiinyëtën, mëti'ipë wiink wintsën y'ëwtajtëpën.

Deuteronomio 32:38

ja mëti'ipë jyë'kxtëp pyëjktëpën ja wintsë'kën, ets mëti'ipë y'uktëpën ja tsatym nyëë mëti'ipë mooytyëpën, ets mtukwintsë'këtyëpën? Wä'än yë'ë tminy ets mputëkëtëty. Wä'än mniminëtë ets mkëwent'atëtëty.

Josue 22:17

¿Wi'ix, namaa natiijën xyjyawëtë yë nëë poky mëti'ipë tyuuntën ja Peor kajpn mëti'ipë tyampaat ka'ap yajja'atyëkoynyëm ets ko ja ja'ay may tku'o'këyë?

Jeremias 40:11

Näyjyëtu'un yë jutiiyë ja'ayëty mëti'ipë jam yajpatëpën Moab, Amón, Edom ets ma wiinkëtypë kajpnën, ojts tnijawëtë ko ënäty yë yajkutujkpë të tpëjktä'äky yë Guedalías jam ënä'ämpë.

Ezequiel 20:21

E yë y'u'unk y'ëna'këty ojts xykyäjpxy kumëtoownaxtës. Ka'ap tpatuuntë ja ntëyajtënës ets ka'ap tmëmëtoowtë ja n'ënä'ämënës, mëti'ipë yajjuuky'ajtpën ko yajpatuny, e yë'ëjëty ojts ja npo'kxën nxëëwës tyaj'ëxëëkëtë. Ojtsës nja'ëna'any ets jeexyë jam të'ëts'itjotm nyajkutëkooytyës ets jeexyë ja n'äkës xyeemy,

Oseas 9:10

Jëtu'un yë Wintsën y'ënä'äny: Koos mpaty yë Israel, jëtu'unës jotkujk näjya'awëy tä ja'ay tpaatyën yë tsatsym jam të'ëts'itjotm. Yë m'ap m'okëty jëtu'unës n'ijxy tä yë higos tsojk tsyaamë'ëkyën. E ko jam jyajtë Baal-peor wiink tios ojts nyätyukmëkënu'kxëtë ets ojts tuntë winë ëxëëk tä y'ëxëkëtyën yë y'awinaxëty mëti'ipë ënäty tsyojkën'ajtëpën.

Éxodo 22:19

Pën mëët yë jëyujk y'ijtmuky ets jëtu'un tmëët'ataanpëty tä tu'uk yë ye'etyëjkën, ëkë to'oxytyëjkën, yë jëtu'unpë ja'ay nitëjkëyëp ets y'ookëty.

Números 7:15

ëpëky tjaakyäjky tu'uk yë tsajpkaayä'äy ayääkë, tu'uk yë kupixyny yä'äy mëti'ipë tëë yä'kpetyën ets tu'uk yë kupixyny ayääkë tu'kjëmëjt petypë mëti'ipë yajnino'okëpën,

2 Reyes 23:7

Ojts tjijtë'kta'ay ja tëjk ma ënäty ja ye'etyëjktëjk ja nyini'kx to'knëtën ma ja Wintsën ja tsyajptëjkën ets ma ja to'oxytyëjk ijty tnixuyëtën ja awinax Aserá.

Salmos 106:28

Tä ojts tmëtuntë ja wiink tios mëti'ipë tyijtëpën Baal-peor, ets tkaaynyëtë tjë'kxnëtë ja ka'ayën ukën mëti'ipë të yajtukwintsë'ëkën ja tios ka'apë jyuukyëtyën.