Números 24:9 - Biblia Mixe de Quetzaltepec

⁹ Ko muum tsyënaaytyaknpëktë, jëtu'un yaj'ixtë tä tu'uk yë kaa nyäkyo'okyën, pën ëkmëmayëtëp. Kënu'kxy yë ja'ay yajpaatëty mëti'ipë ënäty mkënu'kxëtëpën, e mëti'ipë mpojkëtëpën, nëjkxëp näjyëtu'un yajpoky.

Números 24:9 ပူးပေါင်းရင်းမြစ်များ

Génesis 12:3

Nkënu'kxäämpyës mëti'ipë ënäty mkënu'kxëpën, npokäämpyës mëti'ipë ënäty mpojkëp mijts kyëjxmën; mëët mijtskyëjxm nkënu'kxta'ajäämpyës yë ja'ay naaxwiinyëtë apëtsëmy.

Génesis 27:29

May ja ja'ay mëtunëtëty ets mwinkoxtänëtëty ja naax ja kajpn mijts mwintuuy. Mijts mniwintsën'atëp ja mjëëky mmëku'uk, ets näjyëtu'un mwinkoxtänëtëty. Pën mpojkëp, poky näjyëtu'un wyë'ëmëty; e pën mkënu'kxëp, kënu'kxy näjyëtu'un wyë'ëmëty.

Génesis 49:9

Mijts Judá u'unk maay, jëtu'un mijts tä tu'uk yë kaa u'unkën mëti'ipë amëk jotmëk jëyujk'ajtpën ets ko tsu'tsta'ay twëjtsta'ay yë jyëyujk'ooky, tääts nyämyëkäjxtä'äkyë ets myä'äy pyo'kxy akujk jotkujk ijxtëm tu'uk yë mëj kaajën. ¿Pën nëkoo ëkyajjotkëxanëp?

1 Reyes 10:20

Majkmäjtsk ja kuxyëpëjy ojts t'oytyuntë aak tänë, tëtujkjaty yajpaatë tu'kpa'ajaty. Nijëna'a ënäty jëtu'un maa kyayaj'ixynyëm ja kutujkëntëjk.

2 Crónicas 9:18

Ja ënyääypyäjn tëtujk niyujkwä'äky pyotsyëty ets tu'uk wya'kpäjn aak pu'ts pujxn mëët y'oytyunyëty, tam tmëëtëty pa'apa'a nyimajtstakn ets yajtukpa'akojëy potsy jëtu'unpë kyëxë'ëkyën kaajën.

Ester 6:13

Jamts tukmëmëtyaktaay ja jyiiky myëku'uk ets ja tyo'oxytyëjk wi'ix ënäty të jyäty të kyëpetyën. E yë'ëjëty jëtu'un t'ëtsoowtë ja Amán: Pën mijts tëë mtsuu'ixyë tääpë Mardoqueo mëti'ipë Jutiiyë ja'ayën, tsip ets ënät xymyëmëta'akëty ets ëxëëk xytyunëty. Tyam yajxon mtimyaj'ënëëmë ko ka'ap mmayä'änyë.

Job 41:10

Ko nëkooyë pën myëmayëty, ëxëëk yë jyoot'anpëky; ka'ap tjëkyepy pën wyinkuwa'akëtëty.

Salmos 122:6

Amuumtu'ukjot nikajpxtë: Wä'än tjam'aty ja jotkujk'ajtën Jerusalén; ets wä'än tjuuky'atë jotkujk mëti'ipë mtsojkëyëp mja'awëpën.

Éxodo 23:22

E pën mëmëtoopy ets mtuumpy jëtu'un ijxtëm yam n'ënëëmën, ëjts nmëtsip'atëpës ja mëti'ipë mmëtsip'ajtëpën ets njëjpkuwa'akëjäämpyës ja mëti'ipë mjëjpkuwa'këyëpën.

Isaías 31:4

Jëtu'unës ja Wintsën të xy'ënëëmë: Jëtu'un tä tu'uk mëj kaajën mëti'ipë të tyaj'ookyën tu'uk yë kupixyny, oy jënu'un ja ja'ay jyamuktëty ets jya'ëtsë'ëkëja'anëtëty, yë'ë ka'ap tsyë'ëkë; nän timjëtu'un ja Wintsën mëti'ipë maaytyääyëpën winë, ko ënäty myiny ets tniwaantu'uty ja nyaax kyajpn mëti'ipë jam tsënaaytyëpën ma Sión kopkën.

Miqueas 5:8

Ënät jam naaxwiinyëtë itkujky, ja Jacob ja y'u'unk y'ok mëti'ipë ënäty të jyaakwë'ëmtën, nëjkx yajpëjkta'aktë tä tu'uk kaajën ma jëyujkëtyën, tä tu'uk kaajën kupixyny itkujky, ko tu'uk wyinnaxyë jëtu'unyë t'anuk tuknukë ets ka'ap nitu'uk juuky t'ëxmatsy.

Números 22:12

Ënät ja Tios t'ënëmaay ja Balaam: Këtii xypyanëjkxëty ets ni mka'ëna'anëty ënät ets xypyokaanpëty tääpë naax kajpn. Jä'ä ko tääpë kajpn ëjtsës të nkënu'kxy.

Números 22:6

Paaty yam npëjktsoyës ets minëty poj'am, tääts ya'atë kajpn xypyokëty. Jä'ä ko jëtu'unës n'ixy njawë, ka'apës yowë xyajmëta'akëty. E ko xypyokëty wä'änës ëjts nmëta'akëty etsës n'ixwojpta'atëty maas n'itjotmën. Ëjts wa'atsës nijawë, ko pën xykyënu'kxy ets ko pën xypyoky atëëp.

Números 23:24

Ya'atë naax kajpn jëtu'un pyëti'iky tä tu'uk yë kaa jëyujkën ets ka'ap pyo'kxa'any, koonëm tmatsëty ja mëti'ipë y'ixtääpyën ets t'uuka'any tjë'kxa'any ja jyot nye'pyny.

Números 24:10

Ko ja Balac jëtu'un tmëtooy ja aaw ayuk, ënät tukjoot'anpëjky ja Balaam ets ja kyë'ë t'akojxmujky ets t'ënëmaay: Mijtspaat të nmëkäjpxy etsës yë nmëtsip xypyokëty. E tyam mëtëkëëk'ok ëka'any xykyënu'kxnë.

Mateo 25:40

Ënät ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënäty yajpatëpën ëmaay amutsk, ëjts jëtu'un të xymyëtuntë.

Mateo 25:45

Ets ja yajkutujkpë y'ëtsowa'anëtë: Tëy miits n'ënëëmëtë, ko tu'kë'ëyë mëti'ipë miits ka'ap të xytyuntë oy ma tyaapë ja'ayëtyën ëmaay amutskpë, ëjtsën jëtu'un miits të xytyuntë.

Hechos 9:5

Tääts ja Saulo tyajtëëy: ¿Mpën mijts, Wintsën? Ets y'ëtsooy: Jesusës ëjts, mëti'ipë m'ixjëtijtyp mpajëtijtypyën.

Deuteronomio 30:7

Yë Wintsën mëti'ipë miits mTiosajtëpën tyajkëtä'äky ja jotmay ma mmëtsipëtyën jëtu'un tä të yajnikäjpxyën ets mëti'ipë ënäty të m'ëxëëk'ixëtën ets të m'ixjëtit të mpajëtitëtën.