Números 24:8 - Biblia Mixe de Quetzaltepec

⁸ Ja Tios mëti'ipë ojts yajpëtsëmëtën jap Egiptë, yë'ëjëty jëtu'un tmëët'atë tääpë Tios tä tu'uk yë patsajpkaa inpë tjawën yë wyaj. Yë Israel ja'ayëty nëjkxëp tyajkutëkooytya'atë ja naax kajpn mëti'ipë tyam mëtsip'ajtëpën. Nëjkxëp tuktëjëtya'a tukwäjxëtya'atë ja wyääy pyajk, ets mëët ja tyi'pxnëty nëjkx tkuti'pxta'atë.

Números 24:8 ပူးပေါင်းရင်းမြစ်များ

Salmos 45:5

Mijts yajkutujkpë, aak mwinkoxtënaayëp yë ja'ay wiink kajpnëpë tsyoontën, yajxon yë mti'pxn jyëjpme'eyëty, ets ko mmëtsip pyäätyë timtukjë'p najxëp yë jyot wyinma'any.

Jeremias 50:17

Yë Israel kajpn jëtu'un tä tu'uk yë kupixyny tyëkoy'ityën mëti'ipë kaa papooyëpën. Yë'ë jëyëjp të myätsyë tä kaajën yë yajkutujkpë, Asiria ja'ay; ok yë Nabucodonosor, yë Babilonyë yajkutujkpë, mëti'ipë jëtu'un tä kaajën të tsyu'utsyën.

Salmos 2:9

Mëët yë mpujxn ntajk nëjkx xyajkutëkoy ja yajkutujkpëtëjk mëti'ipë y'ënä'ämtëpën ja naax kajpn. Piw nuuk xytyuna'any jëtu'un tä naaxtu'ts jyätyën ko pyu'uy.

Números 23:24

Ya'atë naax kajpn jëtu'un pyëti'iky tä tu'uk yë kaa jëyujkën ets ka'ap pyo'kxa'any, koonëm tmatsëty ja mëti'ipë y'ixtääpyën ets t'uuka'any tjë'kxa'any ja jyot nye'pyny.

Números 23:22

Yë Tios mëti'ipë jap yajpëtsëëmëtën Egiptë, yë'ë tyimtukjotmëk'ajtëp ets timjyawëtë tä yë tsajpkaa in yë wyaj tjawën.

Números 14:9

E këtii xykyäjpxy kumëtoownaxtë yë Wintsën. Këtii xytyimtsë'ëkëtëty tääpë ja'ayëty, mëti'ipë jam tsënaaytyëpën. Jä'ä ko yë'ëjëty jëtu'un yë nyaxa'antë tä jeexyë yë tsajpkääky nka'ayëmën. Yë'ëjëty ka'ap tmëët'atë pën putëkëtëpën. E ëëtsajtëm yë Tios yë'ë mëët nyajpatëmë. Paaty myaj'ënëëmëtë ets këtii mtsë'ëkëtëty.

Jeremias 50:9

Ëjts nyajkutukäämpy ets kajpn mëkëtypë tyu'ukmuktëty jam anëkëjxmtsow ets jä'ä xëëw yë Babilonyë kajpn tukja'tëty. Waatswitsy nëjkx jam tsyoontë ets ja naax kajpn tjä'äpëktëty. Tsip'ixy yë'ëjëty, ko tu'uk tyi'pxë'ëky kopkpëky ko jam tyajja'ty ma tukni''ixyën.

Isaías 38:13

Jëtu'un tääjës jeexyë kaa xy'akääp xytyuk kääpën, jëtu'unës një'ëy nyä'äxy xëëny koots. Xëëny kootsës xyaj'ëyoy.

Daniel 6:24

Ja yajkutujkpë ojts tni'ënä'ämë ets tyajmintëty ja ja'ayëty mëti'ipë ënäty ja Daniel të tni'ëënëtë ets jap yajkujëpijpëtyë kaa kemyjoty mëët ja y'u'unkëty y'ëna'këty ets ja y'u'unk tyo'oxytyëjkëty; ka'ap ënäty jap y'oyjya'tënëm ko ja kaa myajtstaayëtë ets tsyu'tstaayëtë.

Salmos 21:12

jä'ä ko mijts jëtu'unyë xyajkä'äka'any xyajputa'any, ets mti'pxn aakjam kya'ataja'any ma yë'ëjëtyën.

Deuteronomio 32:42

Nëjkxëpës yë mayjyä'äy nyaj'o'kta'ay, ets jëtu'unës nëjkx ja jyot nye'pyny ntäämëtë nja'tsëtë, këtii yowë y'ëmaayëty, ets nkupujxta'aja'anyës tëkokyë mëët ja nyenypyujxnës, temy je'etsy nëjkx yë nye'pny y'itë yë tsëtyutja'ayëty, ets tsumjyä'äytyëjkëty. Ja mëtsip ja wyintsëntëjkëty mëti'ipë ja wyääyëtyën yeny.

Deuteronomio 32:23

E tyam tëëjës ntuknipëjktaakë ko ma yë'ëjëtyën kanaakjëjpës yë ëyo'on nyajkëta'aka'any. Jëtu'unës jam ja ëyo'on mpëjkta'aka'any ma yë'ëjëtyën, tä yë ja'ay yë tyi'pxn tnajtstijëy jam ma tyajja'ta'anyën.

Deuteronomio 7:1

Yë Wintsën mëti'ipë miits mTiosajtëpën yë'ë mputëkëjanëtëp ets jam mja'tëty ma ja it naaxwiinyëtën mëti'ipë mjä'ä'atantëpën, ënät nëjkx xyajkutëkoytyë ja wëxtujkpë ja naax kajpn jampë yajpaatën mëti'ipë mëj'äämpy ijtëpën ma jotmëkja'ay tsyëënëtën. Yë'ë yajtijtëp ja Hit ja'ayëty, gergeseos ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty.

Números 21:5

Ënät tyëjkëtyë kajpxpë, jä'ä ja Tios nyi'ojëtyëp ets ja Moisés, jëtu'un y'ëna'antë: ¿Tiijën koos të xy'ëkyajpëtsëëmtëpë jap Egiptë? ¿Jä'äkyëjxm të xyjyuutës ets yaa të'ëts'ituuy n'ooktëtyësë? Ni kääky ni uuky yaa kya'ity, ya'atë jë'kxy tëëjës xynyatsyijpnëtë.

Mateo 2:15

Jam ojts tsyëënëtë, koonëm ja Herodes y'o'ky. Jëtu'un tyuunë jyajtë ets y'atëwëty mëti'ipë ja Tios tyukkajpxnajxën ja kyäjpxynyajxpë: Jap Egiptë ojts nmëkäjpxyës ja n'u'unkës.

Josue 2:10

Ëëtsëty wa'atsës nnijawëtë ko jap mtso'ontë Egiptë ets ko xytyuknaxantë ja Tsapts mëjnëëmejy. Ko Tios tyajtëtsy tääpë mëjnëëmejy poj'am ets të'ëts wa'ats xytyuknajxtë. Nija'awëtyëpës näjyëtu'un ko ojts xyajkutëkoytyë yë yajkutujkpë Sihón ets yajkutujkpë Og mëti'ipë ënäty jam ënä'ämtëpën ma Amor ja'ayëtyën mëti'ipë yajpatëpën jam nëëwinnaxy ma Jordán mëjnëë jyënäkyën.

Éxodo 23:22

E pën mëmëtoopy ets mtuumpy jëtu'un ijxtëm yam n'ënëëmën, ëjts nmëtsip'atëpës ja mëti'ipë mmëtsip'ajtëpën ets njëjpkuwa'akëjäämpyës ja mëti'ipë mjëjpkuwa'këyëpën.

Salmos 45:6

Yë m'ënä'ämën mkutujkën, mijts Tios, ijtëëp yë xëmëkyëjxm, yë'ë ja kutujkën ma xëmë y'ityën ja mëtëypyë ja nipaye'eyën.