Números 24:6 - Biblia Mixe de Quetzaltepec

⁶ Yë tsyënaaytyaknëty janty'oy waatswitsy kyëxë'ëktë, jëtu'un janty tsuj yaj'ixtë tä tëëxykyepyën waatswitsypë të yajpääntëwtën nëëpë'aay; tä yë áloe mëti'ipë Wintsën të tkojyën; tä yë ajë kepyën nëëpë'aaypyë tyänëtën.

Números 24:6 ပူးပေါင်းရင်းမြစ်များ

Génesis 13:10

Ënät ja Lot nyajts'ijxëy jam joyjotm ma ja Jordán mëjnëëjën ets t'ijxy ko ka'ap jam tyëkoy'äty yë nëë, tsuj jyänty kyëxë'ëky, tä tu'uk yë jë'kxykyamën mëti'ipë japën Egiptë, jampaat jyä'ty ma ja Zoar kajpnën. Jëtu'un ënäty ya'atë naax kajpn yajpaaty ma ka'anëm ja Tios ja Sodomë kajpn ets Gomorra kajpn tyajkutëkoynyëmën.

Salmos 1:3

Tääpë ja'ay jëtu'un npëjktakmëty ijxtëm tu'uk yë mëj kepyën nëë ëkë'ëypyë tyänën, ko tyëëmpety yë'ënëm yë xëëw po'o tyukpatyp, ets ka'ap nijëna'a y'ääy xyootsy, tu'kë'ëyë mëti'ipë tyuunpyën aak'oy wyimpëtsëmy.

Salmos 104:16

Näyjyëtu'un yë aay kepy wa'ats xyo'kta'atë, tä yë ajë kepyën mëti'ipë Tios kyojën jam Líbano.

Salmos 45:8

Tëkokyë yë mwit mtujkxy aak pa'akxu'kp. Jap ma mkutujktaknën mëti'ipë oytyunyën mëët yë pajk juunpë ets oyëtypë, xuxtëp koowtëp jap ja'ayëty.

Cantares 6:11

Tëës jam n'oty ma nuez kepy yukën, yë'ëjës ojts të n'ixy wi'ix tsyuxkëtyën yë aay ujts jam nëëwokjotm; yë'ëjës të nja'ixa'any pën kujk myuxy yë tsatym tyëëmp jam kamjotm ets pën jam mëti'ipë pëjpën.

Isaías 41:19

Jam ma ka'ap tii y'ity wyintëyën, jamës nyajyona'any, acacië kepy, arrayanes kepy ets olivë kepy; jam ma tëë naaxwiinyëtë tyëëtsë'ktaaynyën jamës nyajyona'any tsiin kepy, mëët yë ajë kepy ets wiinkëtypë kepy,

Isaías 58:11

Ëjts mijts xëmë ntu'uwinwowäämpy, je'eyëm nyajkayä'äny nyaj'uuka'any oy ënäty muum të'ëts'itum myajpaaty; ets ja mjot mnini'kx amëk jotmëk yajpaatëty, jëtu'un y'ita'any tä tu'uk pëjykyamën mëti'ipë xëmë xo'kpën, ëkë tä nëëkopkën ma nëë xëmë pyëtsëëmtëyën.

Jeremias 17:18

Yë'ë wë'ëmtëp nëxi'iky tukxi'iky mëti'ipës xy'ixjëtijt xypyajëtijtëpën, ka'ap y'ëjtsëty; wä'än tsë'ëkëtë tjawëtë, e ëjts ka'apës mëpaat jëtu'un njaty. Mijts myajkutukëp ets o'ktëy jyatëty kyëpätëty, tuktëjëtya'a tukwäjxëtya'a.

Jeremias 31:12

Minantëp yaa ma Sión kajpnën ets y'ëwa'antë akujk jotkujk, yë'ë tyukxoonta'akantëp ko ënäty ja Wintsën të myo'ojëtë ja tsajpmok, ja tsatym nyëë tëëpë nyimaanaxyën, ja olivë on, ja kupixyny ets tsajpkaa. Jëtu'un nyaxa'antë tä tu'uk kam tu'ujën mëti'ipë xëmë yajnëëkuwoopën, këtiipë myëjaawkëxtëty.

Ezequiel 47:12

Ma nëëpa'ajën, mäjtskpa'ajëty, aay kepy jam yonaanp mëti'ipë tëëmpätëpën ets yajë'kxëty. Ka'ap yë y'ääy kya'aja'any nijëna'a ets xëmë tyëëmpäta'any. Wimpo'o tyëëmpäta'any jä'ä ko ja nëë mëti'ipë tso'onpën ma tsajptëjkën yë'ë xëmë xook yaj'itäämpy ja naax. Yë tyëëm yë'ë yajjë'kxëp e yë y'ääy tsooy wya'anëty.

Joel 3:18

Jä'ä xëëw yë tsatsymnyëë ets tsi'tsknëë pyëyë'ëka'antë tä mëjnëëjën jam tunkëjxm kopkëjxm ets ma Judá y'itjotmën; komnëë jam pëyë'ëkaanp wokjotm. Jam maas yë ntsajptëjkën jam yë nëë myuuta'any mëti'ipë Sitim itjot yajxookäämpyën.

Números 24:5

Mijts Jacob, Israel ja'ayëty, janty'oy kyëxë'ëktë yë wit tëjk mëti'ipë mtuktsëna'ayëtëpën. Tsuj jyänty yaj'ixy ja it naaxwiinyëtë ma të mtsënaaytyaknpëjktën miitsëty Israel ja'ay yë y'u'unk y'ëna'k.