Números 24:5 - Biblia Mixe de Quetzaltepec

⁵ Mijts Jacob, Israel ja'ayëty, janty'oy kyëxë'ëktë yë wit tëjk mëti'ipë mtuktsëna'ayëtëpën. Tsuj jyänty yaj'ixy ja it naaxwiinyëtë ma të mtsënaaytyaknpëjktën miitsëty Israel ja'ay yë y'u'unk y'ëna'k.

Números 24:5 ပူးပေါင်းရင်းမြစ်များ

Números 24:4

Ko tu'ukyë yë jyot wyinma'any jam tpëjktä'äky ma Tiosën, wa'ats winë tnijawë, myëtoopy ja aaw ayuk, ets yajxon timy y'ixy wi'ix winë tyuna'any jyata'anyë. Yë'ë mëti'ipë yë Tios yaj'ijxëpën, mëti'ipë winë maaytyääyëpën.

Números 24:6

Yë tsyënaaytyaknëty janty'oy waatswitsy kyëxë'ëktë, jëtu'un janty tsuj yaj'ixtë tä tëëxykyepyën waatswitsypë të yajpääntëwtën nëëpë'aay; tä yë áloe mëti'ipë Wintsën të tkojyën; tä yë ajë kepyën nëëpë'aaypyë tyänëtën.

Éxodo 38:21

Yë Moisés ojts tni'ënä'ämë ets yë'ë ojts tuknipëky yë Itamar, yë teety Aarón yë myaank ets yë'ë tyu'uwinwowëty ma ja Leví ja'ayëtyën ets tmëtyoowmujkta'atëty tëkokyë ja pujxn mëti'ipë ënäty të tyunyën ma Tios ja jyëën tyëjkën, mëti'ipë myë'ijtypyën ja käjpxytyu'unën.

Levitico 23:42

Miitsëty ninu'un m'Israel ja'ay'atën, ja wëxtujk xëëwpë yajpëjktä'äkyën mxëëwtuntëty, yë'ë nëjkx xytyuk'itëtë ja tëjk mëti'ipë ja'ayë nikemy nixo'omyën.

Números 2:34

Yë Israel ja'ayëty ojts jëtu'un tjantytyuntë, tä ënäty ja Wintsën të tuk'ëne'emyën ja Moisés. Tu'ukëëyi'ikyjyäty ja tsiptuunpëty aakmëët ja wyitwintëyëty aakmëët ja jyä'äyëty ets aakmëët ja y'u'unk tyo'oxytyëjkëty.

Números 24:2

Ko yë Balaam t'ijxy, ko yë Israel ja'ayëty jä'ä ënäty të tsyënaaytyaknpëktë tu'kja'ayjyätyëty, jëtu'un tä tyu'kmëku'uk'atën. Ënät ja Tios ja myëk'ajtën y'oyajtën tyuktëjkëyë.

Deuteronomio 33:29

Janty jotkujk ets xoontä'äky myajpaatëty mijts Israel ja'ay. ¿Pën nëjkx m'ëk mëëpaatyë tä ënäty myajpaatyën? Yë Wintsën yë'ë kë'ëm të myajtso'okyë, ets yë'ë të mkuwa'anyë, yë'ë xëmë të mputëkëty oy jëna'a ja putëjkën të xyajmëyäty. Yë Wintsën yë'ë mëët'ajtyp tä tu'uk yë yenypyujxnën mëti'ipë myajmëtakëpën xëmë. Ko xëëw po'o tpaatëty, yë ja'ayëty mëti'ipë mëtsip'ajtëtëpën nëjkxëp kyoxtänëtë mijts mwintuuy ets nëjkx xyaj'atëkoy ma ënäty amëj akëjxm jyä'äy'atën.

Josue 24:10

E ëjts ka'apës ojts n'ëwa'atsy ets ja Balaam mpokëtëty, ni'ikyë ojts mkënu'kxëtë, jä'ä ko jëtu'unës n'ënëmaay. Jëtu'un'äämpy miitsëty mtsoktë.

Nehemías 13:2

Jä'ä ko yë'ëjëty ka'ap ojts tjëjpye'eytsyowtë yë Israel ja'ayëty mëët ja ka'ayën ukën ets ja jë'kxy pëky, nikyënëm ojts tmëjuytyë ja Balaam ets tpokëty, je'eyëp ko tääpë ja pojkën kënu'kxën ja ojts wyimpity.

Salmos 84:2

Janty itaanpës ets janty nëjkxaanpës ma mtsajptëjkën, winë aaw winëjot nkuuy'iy nkuuyä'äxyës mëti'ipë juukyajtën yäjkpyën.

Cantares 4:7

Janty mkëxë'ëky mijts to'oxytyëjk, mëti'ipës ntsojkpy nja'apën; tyimtso'ontä'äky ma mtekyën ets tyimkëpety ma mkëpajkën. Ma mijtsën nitii ma'at kyayajpaaty.

Cantares 6:4

Mijts to'oxytyëjk, mëti'ipës ntsojkpy nja'apën, m'oy mtsuj mijts ets oytyukxootaknë mijts tä yë Tirsá kajpnën ets Jerusalén kajpnën; tsip jeky myajwintänëty ijxtëm yë tsiptuunpëtëjkëtyën ko waatswitsy ye'eytyë.

Malaquías 2:12

Jääpëk yë Tios jëtu'unpë ja'ay tyaj'atëkoy mëti'ipë ëxëëk winë tyuunpyën, oymyëti'ipëty, oy yë'ëjëty mëti'ipë ënäty ja wyintsë'kën të tyäkyën Tios wintum, mëti'ipë maaytyääyëpën winë.