Números 24:4 - Biblia Mixe de Quetzaltepec

⁴ Ko tu'ukyë yë jyot wyinma'any jam tpëjktä'äky ma Tiosën, wa'ats winë tnijawë, myëtoopy ja aaw ayuk, ets yajxon timy y'ixy wi'ix winë tyuna'any jyata'anyë. Yë'ë mëti'ipë yë Tios yaj'ijxëpën, mëti'ipë winë maaytyääyëpën.

Números 24:4 ပူးပေါင်းရင်းမြစ်များ

Génesis 15:1

Ënät yë Tios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Génesis 15:12

Ko ojts kyootsënë, ënät yë Abram yë mëk ma'ayë myajtsë. Ajotkumonë ojts t'ixy, ko yë kootsajtën të nya'ëwtijta'ayë. Ënät ojts mëk tsyë'ëkë.

1 Reyes 22:17

Ënät ja Micaías y'ënäny: Tëës n'ixy wi'ix axit ako'owë yajpaatën yë Israel ja'ayëty jam tunkëjxm kopkkëjxm, jëtu'un tä yë kupixynyën ka'apë pën nyiwintsënën. Ets Wintsën të y'ënä'äny: Ya'atë ka'ap pën nyitu'uwinwoopë; nikë oy ko tyimwinpijta'atëty akujk jotkujk ma jyëën tyëjkëtyën.

Salmos 89:19

Ojts tu'kxëëw tu'kjëmëjt xymyëkäjpxy yë mtuunpëtëjk, jëtu'un tä ja'ay tii twin'ixyën, ets ojts xy'ënëëmë yë mja'ay mëti'ipë ënäty oy mëtuunëpën: Tëës tu'uk jotmëkja'ay nwin'ixy maas yë nnaax nkajpnën, mëj'äämpyës të npëjktä'äky ets tëës nputëkë.

Ezequiel 1:28

Tä i'tyën mëti'ipë këxë'kpën xëëw'an akujky ko tyu'uja'any, jëtu'unës ja Tios ja myëj'ajt y'oyajtën të n'ijxë. Koos jëtu'un të n'ixy täätsës të nwintä'äky të nnaaxkoy, yë'ëjës yë nwinpok ntukpatyp yë naax.

Números 12:6

Ënät ja Tios y'ënëmaayëtë: Mëtoow'itë mëti'ipë yam ntuk'ënëëmëjantëpën: Ko tu'uk yë nkäjpxynyajxpës yajpaaty ma miitsëtyën, ëjts mëtyakpës mëët kuma'ayjoty ets ntuk'ijxypyës oytyiijëty tä ja'ay y'ijxën myä'ätyën.

Números 22:20

Yë Balaam tap ënäty myaanë, ko ojts yë Wintsën koots nyänyikëxë'ëkyë ma yë'ëjën ets y'ënëmaayë: Pën tääpë ja'ayëty mijts të mniminyë, pëtë'ëk ets panëjkx. Jä'ä tëy, mijts yi'iyë mtunëp mëti'ipë ënäty ntuk'ënëmääpyën xytyunëty.

Números 22:31

Tä ja Wintsën tyajkutujky ets ja Balaam t'ixëty ja Wintsën ja tsyajpjotmëtë kukäjpxy, mëti'ipë ënäty jam tënääpyën tu'ujoty, mëët tu'uk yë tëypyujxn kyë'ëjotm. Tä ja Balaam pojën nyäkyoxtënaaytyakë ets nyaaxkooy.

Números 24:15

Ënät ja Balaam ojts ya'atë ja aaw ayuk tnikäjpxy: Ja aaw ayuk mëti'ipë kyajpxën yë Balaam, yë Beor yë myaank, ja ja'ay mëti'ipë wa'ats ijxp koopën,

Números 24:5

Mijts Jacob, Israel ja'ayëty, janty'oy kyëxë'ëktë yë wit tëjk mëti'ipë mtuktsëna'ayëtëpën. Tsuj jyänty yaj'ixy ja it naaxwiinyëtë ma të mtsënaaytyaknpëjktën miitsëty Israel ja'ay yë y'u'unk y'ëna'k.

Hechos 10:10

Yuu'o'këp ënäty mëk ets kayaanp. E tap ënäty ja kyääky tyojkx yaj'oytyunyëm, ko ja Tios tyuk'a'ijxnajxë

Hechos 10:19

Tam ënäty ja Pedro tmëmay tmëtajynyëm mëti'ipë të yajktuk'ixyën, ko ja Kënu'kxymyëkajtën y'ënëmaayë: Simón, tää ja'ay nitëkëëk m'ixta'ayë.

Hechos 22:17

Ko nwinpijtyës jam Jerusalén, jamës ojts nëjkxy ma ja mëjtsajptëjkën Tios mëkajpxpë, ënät ja Tios ojts xytyuk'a'ijxnaxyës,

Apocalipsis 1:10

Wintsën ënäty ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,

Apocalipsis 1:17

Koos jëtu'un n'ijxy ënätës n'o'ktsoky ets nkëtaayës ma ënäty jam tyänën. Ënät ja y'a'oykyë'ë mëët xymyäjtyës ets xynyëmaayës: Këtii mtsë'ëkë. Ëjts winë nyajtso'ontakës ets ëjts näjyëtu'un nyajjëjpkëxäämpyës.

1 Samuel 19:24

Ëpëky ojts nyänyijään nyäy'ixjäänënë ets y'ëti'itsy y'ënä'äny jëtu'un niwa'ats ëxwa'ats ets jëtu'un xyëëwnajxy tsyuunajxy jam ma Samuel wintuuyën. Jam jëtu'un yë ayuk tsyo'ony, mëti'ipë ënaanpën: ¿Näyjyëtu'un yë Saúl käjpxynyajxpë yë'ë?