Números 24:3 - Biblia Mixe de Quetzaltepec

³ Ënät ja Balaam ojts ya'atë ja aaw ayuk tkäjpxy: Ya'atë ojts tkäjpxy tmëtyä'äky yë Balaam, yë Beor yë myaank, ja ja'ay mëti'ipë wa'ats ijxp koopën.

Números 24:3 ပူးပေါင်းရင်းမြစ်များ

Números 24:16

mëti'ipë tu'ukyë yë jyot wyinma'any pyëjktäkpyën ma Tiosën, mëti'ipë wa'ats winë nyija'apën tä yë Tiosën Ni'ik Këjxmëpë, mëti'ipë y'ëxajëpën ja aaw ayuk ets yajxon timy'ixy wi'ix winë tyuna'any jyata'anyën, mëti'ipë Tios tuk'ijxëpën mëti'ipë maaytyääyëpën winë.

Números 23:7

Ënät ja Balaam ojts ya'atë aaw ayuk t'akäjpxy: Jam tunjotm matsow yë xëëw pyëtsimyën, jam Aram, maas të ntsoonyën etsës Balac yaa xyajminy mëti'ipë yajkutujkpën yaa ma Moab tnitänën. Tëë xy'ënëëmës min ets xypyokëty yë Israel ja'ayëty. Tuknikajpx yë ëxëëkpë yë Jacob yë nyaax kyajpn.

Números 24:4

Ko tu'ukyë yë jyot wyinma'any jam tpëjktä'äky ma Tiosën, wa'ats winë tnijawë, myëtoopy ja aaw ayuk, ets yajxon timy y'ixy wi'ix winë tyuna'any jyata'anyë. Yë'ë mëti'ipë yë Tios yaj'ijxëpën, mëti'ipë winë maaytyääyëpën.

Números 23:18

Tä ja Balaam tyëjkëy kajpxpë. Ya'atë ayuk të tkäjpxy: Mijts Balac, yë Zipor yë myaank, tun yë mëyajtën, mëtoow'it tyaapës nikajpxa'anyën.

Números 22:31

Tä ja Wintsën tyajkutujky ets ja Balaam t'ixëty ja Wintsën ja tsyajpjotmëtë kukäjpxy, mëti'ipë ënäty jam tënääpyën tu'ujoty, mëët tu'uk yë tëypyujxn kyë'ëjotm. Tä ja Balaam pojën nyäkyoxtënaaytyakë ets nyaaxkooy.

Números 24:15

Ënät ja Balaam ojts ya'atë ja aaw ayuk tnikäjpxy: Ja aaw ayuk mëti'ipë kyajpxën yë Balaam, yë Beor yë myaank, ja ja'ay mëti'ipë wa'ats ijxp koopën,

Job 29:1

Jëtu'unpëk jeexyë jatëkok njuuky'ajtwinpityës maas ijty yë Tios xykyuwa'anyën.

1 Reyes 22:17

Ënät ja Micaías y'ënäny: Tëës n'ixy wi'ix axit ako'owë yajpaatën yë Israel ja'ayëty jam tunkëjxm kopkkëjxm, jëtu'un tä yë kupixynyën ka'apë pën nyiwintsënën. Ets Wintsën të y'ënä'äny: Ya'atë ka'ap pën nyitu'uwinwoopë; nikë oy ko tyimwinpijta'atëty akujk jotkujk ma jyëën tyëjkëtyën.

1 Reyes 22:19

Tääts ja Micaías tjaaknikajpxëy ja y'ayuk: Mëët tä jam m'ëna'anyën, mëtow yajxon wi'ix yë Wintsën y'ënä'änyën: Tëës yë Wintsën n'ixy jam y'u'unyë ma kyutujktaknën ets aaktam nyatänëty ja kyukäjpxy y'anajny y'aka'any jam tsajpjotm.