Números 24:24 - Biblia Mixe de Quetzaltepec

²⁴ Jam Chipre nëjkxëp jam tsyoony mëjjatyëtypë kepy nëëwinye'epyë ets min tyaj'atëkoytyë yë Asiria kajpn ets Éber kajpn, jä'ä ko yë Éber kutëkoyaanp näjyëtu'un.

Números 24:24 ပူးပေါင်းရင်းမြစ်များ

Génesis 10:4

Yë y'u'unk y'ëna'k yë Javán jä'ä ojts txëëwatë Elisá, Tarsis, Quitim ets Rodanim.

Daniel 11:30

Yë tsyiptuunpëtëjk yë'ë nëjkx wyinkuwa'akëty yë ja'ayëty mëti'ipë tso'ontëpën maatsow yë xëëw kyëtä'äkyën, kepytyëjk nëëwinye'epyëjoty nëjkx nyiminyë ets mëët yë tsë'ëkë nëjkx tyäty kyä'äktë. Ënät nëjkx ja yajkutujkpë anëkëjxytsyowpë tukjoot'anpëky ja käjpxytyu'unën wa'atspë, yë'ë nëjkx tkajpxpäjtën'aty ko ënäty ja ja'ayëty të kyamëjwa'kpetyë mëti'ipë myëjpëjktaktëpën ja käjpxytyu'unën.

Números 24:20

Ënät yë Balaam näjyëtu'un tninajts'ijxëy yë Amalec yë y'itjot ets tkajpxpëtsëëmy ya'atë aaw ayuk: Yë Amalec yë nyaax kyajpn mëj'äämpy oypyënëty jyëkyepyë, e ko xëëw jëmëjt tpaatëty tëkokyë nëjkx y'atëkooytyä'äy.

Juan 11:48

Ko n'ëxmajtsmëty ets jëtu'un tjaaktunëty, ni'ëmukë ënät yë ja'ay myëpëkëtëty ets myina'antëty ja Romë ja'ayëty ets tjitëty yë nmëj tsajptëjk'ajtëmë ets xypyëjkëmëty yë nnaax'ajt nkajpn'ajtëmë.

Mateo 24:15

Ojts ja käjpxynyajxpë Daniel tkuja'ay ja ëxëëkpë ja tuuntëko'oyën. Ko miits xy'ixtëty ma ja wa'atspë ja itën, mëti'ipë nokykyajpxpën wä'än tja'akyukë,

Daniel 11:45

Jam nëjkx nyäpyëjktä'äkyë itkujky ma ja mejyën mëët nyäpyäätyë ja kopk wa'atspë ets oypyë tsujpë. Je'eyëp ko tëë ënäty tyukja'tyë ja xëëw jëmëjt ma y'ookanën ets jämyë nëjkx y'ooky ets ka'ap ni pën maa y'ëknimëtyakënë.

Daniel 10:20

Ënätës të xy'ënëëmë: ¿Mnija'ap wi'ix ko të niminyë? Jä'ä koos tsiptunaanpës jatëkok mëët yë tsajpjotmëtë kukäjpxy mëti'ipë pyutëjkëpën yë Persië kajpn. E koos ënäty ntsiptuunta'ay mëët yë'ë, tääts myina'any yë tsajpjotmëtë kukäjpxy mëti'ipë pyutëjkëpën yë Grecië kajpn.

Daniel 8:21

Yë tsajppax yë'ë y'antijpy yë Grecië yajkutujkpë, e yë wyaj mëjpë kyëxë'ëkyën wyimpoktuuy yë'ë yë yajkutujkpë mëti'ipë ënä'ämaanpën.

Daniel 2:45

Yë'ë yë yajkutujkpë të twin'ixy ko të t'ixy tu'uk ja mëjtsaa të kyutëkë ma ja kopkën ets ka'ap pën të kyutijnaxyë; ja tsaa mëti'ipë ojts tyaj'awinpijta'ayën naaxwayën ja poop pujxn, pu'ts pujxn, tsuxkpujxn, juunpujxn ets ja mo'onts. Yë mëjpë Tios tëë tuknijawë yë yajkutujkpë mëti'ipë tunan jatanëpën. Yë kuma'ay tëy yë'ë ets wi'ix nyiwijyën nän mëtëy yë'ë.

Daniel 2:35

E ja pujxn ets ja juunpujxn ets ja tsuxkpujxn ets ja poop pujxn ets ja pu'ts pujxn naaxwayën të jyajta'ay, jëtu'un tä yaj'ixyën yë naaxway ko xyëkopk'aty ko yë tsajpmok pyajk'aty ets të wyimpapojta'ay, ka'ap të wyi'imy nitu'uk nu'unën. E ja tsaa mëti'ipë të yajma'ta'ayën jëtu'un të y'awinpity tä tu'uk mëj kopkën ets tëë tyajwintujkta'ay yë naaxwiinyëtë.

Isaías 23:1

Ma yaj'akäjpxyën wi'ix yë Tirë kajpn jyata'any kyëpäta'anyën: Je'eyë jyaak mu'uy jyaak niitsy ja kepy nëëwinye'epyë mëti'ipë jam Tarsis tso'onpën, jä'ä ko tëë ja mëtsip tyajma'ta'ay ma jyajta'aktën. Tëë mya'ta'ay ma jya'tën mëti'ipë tso'onpën jam Chipre.

Génesis 14:13

E tu'uk yë ja'ay mëti'ipë ënäty të kyäktso'okyën ma ja tsipën, ojts myiny ma ja Abram, hebreo ja'ay jam yajpaatyën, jampë tsyëënën xojjoypyë'am ma tjä'ä'atyën yë Mamré ja Amor ja'ay. Tääts yajtukmëmëtyäky ko ënäty yë Lot të yajmatsy ets të yajmënëjkxy. Yë Mamré tu'kmëkä'äx ënäty mëët yë Escol ets Aner, yë'ëjëty oy ënäty mëët yë Abram nyäyaj'itëtë ets näpyutëjkëtëp ko muum tsyippaatë.

Lucas 20:24

Tuk'ijxtëkës tu'uk ja meeny. ¿Pën ya'atë wyiin jyëjp yam nikojtu'uty ets pën yë xyëëw yam këxja'ay miimp? Ets y'ëtsoowtë: Yë'ë yajkutujkpë César.

Números 24:23

Ënät ojts näjyëtu'un ya'atë aaw ayuk tkäjpxy: Yë'ëjës nmëmoompy nmëtujkpy. ¿Wi'ix nëjkx yë ja'ay jyatë kyëpätë ko yë Tios jëtu'un tyajtun tyajjatëtëty?

Ezequiel 27:6

ja kepy mëti'ipë myajtuka'pën ets nëëwiinkëjxy mye'ey yë'ë ja nuez kepy mëti'ipë Basán tso'onpën; yë mniwop'ajtyp yë'ë ciprés kepy jampë Chipre tsyoonyën ets yë'ë mëët të yaj'awojpmuky yë elefantë y'apajk.

Isaías 10:5

Yë Asiria kajpn yë'ëjës nyajtunäämpy tä jeexyë tu'uk kepy nkajpë'ëkyënës mëti'ipës ntukwopantëpën koos të xyajjoot'anpëktë.

Isaías 10:12

Ko ënäty ja Wintsën të tyajnaxy ja tsyip y'äkë ma ja Jerusalén ja'ayëtyën, tääts tëytyu'una'any ja Asiria yajkutujkpë, mëët ko ënäty amëj akëjxm të jyuuky'äty.