Números 24:18 - Biblia Mixe de Quetzaltepec

¹⁸ Nëjkxëp tmëmëtä'äky yë Edom ets tjä'ä'atëty yë Seir kajpn mëti'ipë mëtsip'ajtëpën. Yë Israel ja'ayëty nëjkxëp winë mëj këjää tuntë tkajpxtë.

Números 24:18 ပူးပေါင်းရင်းမြစ်များ

Amós 9:12

ets Israel ja'ayëty tjä'ä'atëty jatëkok mëti'ipë jam Edom të jyaakwë'ëmyën ets ma wiinkëtypë naax kajpnën mëti'ipë yë Israel ja'ay ijty nyitënaaytyëpën. Jëtu'un yë Tios të kyäjpxy ets pyatunäämpy ja y'aaw y'ayuk.

2 Samuel 8:14

Ojts jam Edom tyajwë'ëmy yë tsyiptuunpëtëjk ets tëkokyë yë Edom ja'ayëty aakyë'ë ojts ja David y'ënä'ämëtë, ja mëti'ipë ënäty xëmë ja Wintsën putëjk pupäjtëpën oy maa tyimnëjkxy.

Génesis 27:29

May ja ja'ay mëtunëtëty ets mwinkoxtänëtëty ja naax ja kajpn mijts mwintuuy. Mijts mniwintsën'atëp ja mjëëky mmëku'uk, ets näjyëtu'un mwinkoxtänëtëty. Pën mpojkëp, poky näjyëtu'un wyë'ëmëty; e pën mkënu'kxëp, kënu'kxy näjyëtu'un wyë'ëmëty.

Isaías 63:1

¿Pën ja'ay yë'ë, tampë myinyën Posrá, mëti'ipë Edom myëjkajpn'ajtypyën, tsapts yë wyit, jëtu'un yaj'ixy ne'pnymyëëtën yowë? ¿Pën yë tääpë oypyë të nyäxyoxyën ets amëjaaw myiny?

Isaías 34:5

Jëtu'un jam tsyoona'any ja amay jotmay tsajpkëjxm tä ja'ay tëypyujxn tjëpijpminy tjëpijxëpyën, jam kyëta'aka'any Edom, mëti'ipë tëë yajtuknipëjktaakën ets kyutëkoyëty.

Salmos 60:1

Mëëtkyëjxm ko të mjoot'anpëky, mijts Tios, paaty ëëtsëty të xy'ëxmatstë, ixpëky ixtuny të xyajwë'ëmtës; e tyam ënät, tun yë mëyajtën mooytyëkës jatëkok ja jot mëjaaw.

Génesis 32:3

Ënät yë Jacob mäjtsk tëkëëk tkejxy yë tyuunpë jam Seir ma ja nyaaxjotmën ja Edom, tääts tuk'ëwaanëja'any ja y'äjty Esaú ko tää wyinkony.

Génesis 27:40

Kë'ëm nëjkx mnäkyuwa'anyë mëët ja mtujn mpujxn, yë m'uty yë'ë mëtunëp. E ko mëk mnäpyëjkta'akëtëty, tääts mnäyaj'ëwaatspëtsëmëtëty ma yë'ëjën.

Números 20:18

E ja yajkutujkpë mëti'ipë jam ënä'ämpën Edom tyaa y'ëtsoowëtë: Ka'apës yam n'ëwa'atsy ets mnaxtëty maajës yë nnaaxjotmën. E pën kë'ëmwinma'any mtimnyaxa'antë maajës yë nnaaxjotmën, ëjts tsoonëpës yaa mëët yë ntsiptuunpëtëjk ets n'ëwa'ktuktëty.

Números 24:19

Tu'uk yë ja'ay jam tsyoona'any ma Jacob yë kyajpnën mëti'ipë myëmëtakta'ajäämpyën tu'kë'ëyë yë naax kajpn ets ja ja'ayëty mëti'ipë ënäty jam jaakjuuky'ajtëpën nëjkxëp tyaj'o'kta'ay.

Amós 9:11

Pyätyp ja xëëw jëmëjt ma ja David nkoj'oyëja'anyënës yë tyëjkxo'omy mëti'ipë ojts kyëtäyën. Nyaj'ëtujkta'ajäämpyës yë jut, nyajpëtë'kta'ajäämpyës yë potsy maajaty të jyutyën ets nkoj'o'oyëtya'aja'anyës mëti'ipëjaty të jyityën ets jëtu'un nyaj'awinpita'anyës tä ijty tëëyëpën ma ënäty jyotkujk'atyën,

Abdías 1:2

Mutsk kajpn yam mpëjkta'aka'any ma wiinkëtypë naax kajpnën ets ka'ap nëjkx pën mtsokyë.

1 Reyes 11:14

Ënät ojts ja Wintsën kë'ëm tyajkutuky ets ja Salomón tu'uk ja myëtsip nyipëtë'ëkëtëty: Hadad xyëëwajtyp, Edom ja'ay.

1 Reyes 11:15

Ko ja David ka'ap tyajmëtäky ja Edom, ja tsyiptuunpë wintsën mëti'ipë xyëëwajtypyën Joab, ko ojts nyijkxy ets tyajnaaxtëkëja'any ja o'kpë, wa'ats tjaakyaj'o'ktaay ja Edom ja jyiiky myëku'uk ye'etyëjkpë;