Números 24:16 - Biblia Mixe de Quetzaltepec

¹⁶ mëti'ipë tu'ukyë yë jyot wyinma'any pyëjktäkpyën ma Tiosën, mëti'ipë wa'ats winë nyija'apën tä yë Tiosën Ni'ik Këjxmëpë, mëti'ipë y'ëxajëpën ja aaw ayuk ets yajxon timy'ixy wi'ix winë tyuna'any jyata'anyën, mëti'ipë Tios tuk'ijxëpën mëti'ipë maaytyääyëpën winë.

Números 24:16 ပူးပေါင်းရင်းမြစ်များ

Números 24:4

Ko tu'ukyë yë jyot wyinma'any jam tpëjktä'äky ma Tiosën, wa'ats winë tnijawë, myëtoopy ja aaw ayuk, ets yajxon timy y'ixy wi'ix winë tyuna'any jyata'anyë. Yë'ë mëti'ipë yë Tios yaj'ijxëpën, mëti'ipë winë maaytyääyëpën.

1 Corintios 13:2

Oyës ja Tios ja y'aaw y'ayuk njanikajpxë ëkë oyës njaja'akyujkëtyä'äy mëti'ipë ja ja'ay nyija'awëtëp kyanija'awëtëpën, ets oyës mëk njamëët'aty ja mëpëjkën ets ja kopk nyajnëjkxëtyës wiinktsow ets pën ka'apës ja nmëku'uk ntsoky njawë, nitiijës nkakëjxmëty.

1 Corintios 8:1

Tyamës nnikajpxa'any wi'ix yajtunëtyën ja kääky uuky mëti'ipë ënäty të yajtukwintsë'ëkën ja awinax. Tëy ja ayuk y'ënä'äny: Ko ëëtsajtëm aak nnija'awëm winë. Je'eyëp ko tii yajjaty yajnijawë, amëj akëjxm ja ja'ay tyaj'awinpity; e ja tsojkën ja'awën yajmëjnajxyp ja naax kajpn.

Números 24:3

Ënät ja Balaam ojts ya'atë ja aaw ayuk tkäjpxy: Ya'atë ojts tkäjpxy tmëtyä'äky yë Balaam, yë Beor yë myaank, ja ja'ay mëti'ipë wa'ats ijxp koopën.

Números 24:15

Ënät ja Balaam ojts ya'atë ja aaw ayuk tnikäjpxy: Ja aaw ayuk mëti'ipë kyajpxën yë Balaam, yë Beor yë myaank, ja ja'ay mëti'ipë wa'ats ijxp koopën,

Números 24:17

Wa'atsës n'ixy tii miimp wiinkoonpën, n'ijxypyës wa'ats tii miimp këtakpën. Tu'uk yë ja'ay pyëtsëma'any ma Jacob yë y'u'unk y'okën mëti'ipë nëjkx mëj'äämpy y'ityën. Yë'ë nëjkx y'ëne'emy ma Israel ja'ayëtyën. Nëjkxëp tjä'ä'ajta'ay jënu'un ja Moab tnitänën ja it naaxwiinyëtë, nëjkxëp tyajkutëkooytyä'äy ja ja'ayëty jampë tsyëënëtën ma Set ja y'u'unk y'okën.

Génesis 14:18

Näyjyëtu'un yë Melquisedec, mëti'ipë ënäty yajkutujkpën jam Salem ets teety ma ja Wintsën Ni'ik Këjxmëpë, tä tyajpëtsëëmy yë tsajpkääky ets uuky,

Génesis 17:1

Ko ënäty yë Abram yë jyëmëjnë majkta'px majkmokx majktaxk, ënäty yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.