Números 24:13 - Biblia Mixe de Quetzaltepec

¹³ oy jeexyë xyjyatimmyooytyääpyës yë pu'ts pujxn ets poop pujxn mëti'ipë jap ma mkutujktaknën. Ëjts ka'apës njëkyepy yë Wintsën nkäjpxykyutëjëty ets nitii tkajëkyepy ntunëtyës, oy ka'oy kë'ëmwinma'any. Yi'iyës nikäjpxyp mëti'ipës Tios xytyuk'ënä'ämpën.

Números 24:13 ပူးပေါင်းရင်းမြစ်များ

Números 22:20

Yë Balaam tap ënäty myaanë, ko ojts yë Wintsën koots nyänyikëxë'ëkyë ma yë'ëjën ets y'ënëmaayë: Pën tääpë ja'ayëty mijts të mniminyë, pëtë'ëk ets panëjkx. Jä'ä tëy, mijts yi'iyë mtunëp mëti'ipë ënäty ntuk'ënëmääpyën xytyunëty.

Números 22:18

Ënät ja Balaam y'ëtsoowëtë: Oyxyëpës yë Balac xyjyatimmyooytyääpyë yë pu'ts pujxn ëkë poop pujxn mëti'ipë japën ma kyutujktaknën, ëjts ka'apës njëkyepy tii ntunëty kë'ëmwinma'any mëj'äämpyë ëkë yiinpë wäänpë, pën yë Wintsën mëti'ipës nTios'ajtypyën ka'ap t'a'ixë.

Números 16:28

Tä ja Moisés tjaaknikäjpxy ets y'ënaan'ëtëtsy: Ya'atë mëët yajnijawëty ko Tios të xytyuk'ëne'emy ets ntunëtyës tëkokyë ya'atë ets ko ka'apës kë'ëmwinma'any tii ntuny.

1 Reyes 13:8

E ja Wintsën ja myëtuunpë tyaa t'ëtsooy ja yajkutujkpë: Oyxyëp jeexyë kujkwä'kxy xyjyamooypyës yë mkutujktakn, ëjts, ka'apës yam mijts mpanëjkxëty ets ka'apës yam nkayëty ma mjëën mtëjkën ets ni nëës nka'uukëty ma ya'atë itjotmën;

1 Reyes 22:14

Tä ja Micaías y'ëtsooy: Tyam mijts yajxon n'ënëëmëty ets Wintsënës yam ntukajpxypejtyp, ko yi'iyës yam nikajpxäämpy mëti'ipës yë Wintsën xytyuk'ënä'ämpën.

Números 22:8

Tä ja Balaam y'ënëmaayëtë: Kwanë ënät mwë'ëmtëty, jä'ä ko jëyëjpës yë Wintsën yam n'ëkyajtëwëty ets miits n'ëtsoowinpitëty jopy. Jëtu'un'äämpy ja mëjja'aytyëjkëty ojts jyänty wyë'ëmtë tu'ktsuu.