Números 24:1 - Biblia Mixe de Quetzaltepec

¹ E yë Balaam tëë ënäty tja'akyukë ko yë Tios y'oyjya'ap ets ja Balaam tkënu'kxëty ja Israel ja'ayëty; ka'ap ojts y'ëkjëtu'un'ajnë tä ja mëtu'k'okpën ets mëmäjtsk okpën ma pyatooy pyanajxyën, paaty jam je'eyë jyaak najts'ijxëy ma ja të'ëts itjotmën.

Números 24:1 ပူးပေါင်းရင်းမြစ်များ

Números 23:23

Yë Jacob ka'ap tjëkyepy wi'ix n'ëkpojkmëty ets npato'oy npanajxmëty, tyam yë'ë kopkpëky ets n'ënëmä'ämyëty yë Israel. Ix yë Tios janty mëj janty këjää të tyaj'ixyë yë myëj'ajtën ma mijtsën.

Números 23:3

Tääts yë Balaam t'ënëmaay yë Balac: Yaa këwent'at ya'atë wintsë'kën, ëjts nëjkxës n'ëk'ixy wi'ix yë Wintsën y'ënä'äny. Tääts yam ok ntukwinjawëty wi'ixës xy'ënëëmën. Ënät ojts yë Balaam nyijkxy ma tu'uk yë mutsk kopkën, jampë yajpaatyën të'ëts'itjotm.

Apocalipsis 2:14

E tam wäänë mëti'ipës ka'ap n'oyjyawën ma mijtsën: tam ma mijtsën jënaakën yë ja'ay mëti'ipë ka'ap t'ëxmatstën ja Balaam ja y'ijxpëjkën, mëti'ipë ojts t'akajpxën ja Balac ets ja Israel ja'ay pyokytyuntëty ets tjë'kxtëty ja mëti'ipë yajtukwintsë'këpën ka'apë Tyiosëty ets ko pyokytyuntëty mëët ja wiinkpë to'oxytyëjkëty.

Números 31:16

Wi'ix ko të xyajwë'ëmtë, tii këtiijën xyjyä'ämyätstë ko yë'ë ojts yë Balaam kyajpxwijëtë wi'ix yë Israel ja'ayëty tkäjpxykyumëtoownaxtëty ja Wintsën ets t'ëwtatëty ja Baal-peor. Paatykyëjxm ja Wintsën tyaj'o'ky ja mayjyä'äy.

Números 23:28

Jëtu'un'äämpy yë Balac ojts jam tyajnëjkxy yë Balaam ma Beor kopkën. Wa'ats jam yajtuk'ixë ja të'ëts'it të'ëtsjotm.

Números 23:20

Ëjts nmëët'ajtypyës yë ënä'ämën, ets tääpë kajpn nkënu'kxëtyës. Pën yë Tios yë'ë tääpë kajpn kyënu'kxyp, ëjts ka'apës njëkyepy tëkatsy yë njä'ä nmëtëkëty.

Números 23:15

Ënät yë Balaam t'ënëmaay yë Balac: Yaa ëwxit ma ya'atë wintsë'kën yaa y'ityën, ëjts nëjkxës mëët yë Wintsën n'ëknäpyäätyë.

Números 22:13

Komjëpom ko ja Balaam myä'äypyëti'ky, ënät t'ënëmaay ja mëjja'aytyëjkëty mëti'ipë Balac të kyäxëtën: Nëjkxtë ma mnaax mkajpnëtyën, jä'ä ko yë Wintsën ka'ap t'a'ixë ets miits npanëjkxtëty.

1 Samuel 26:25

Tä ja Saúl mëk yujk'ënany: Tios mkënu'kxëtëp David, u'unk maay. Mijts mëj këjää nëjkx winë xytyuny ets oy winë mwinpëtsë'ëm njëjpëtsë'ëmxëtëty. Tä ojts ja Saúl wyimpijnë ma tyëjkën ets ja David ja tyu'u jatëkok tpëjky.

1 Samuel 26:2

Ënät ja Saúl poj'am tsyo'ony, mëët ja tsyiptuumpëtëjk nitëkëëk mil aakyë'ë mëti'ipë tsip'ixëtyën ets jotmëkëtyën jam ma Israel kajpnën, jam tnitso'ony ma ja it txëëwatyën Zif ets ja David t'ixta'aja'any.

1 Samuel 24:20

Tyamës yajxon nijawë ko mijts jëtu'un nëjkx jëna'a myajkutujkpë'aty ets Israel yë nyaax kyajpn nëjkxëp jëna'a yeeky pyety.

Números 22:7

Ënät ja mëjja'aytyëjkëty ojts jyänty tyoontë ets tninëkxtë ja Balaam. May ojts ja wit meeny tmënëjkxtë ets tmëjuya'antë ja Balaam, ko tpokëty ja Israel ja'ayëty. Ko jam jyajtë ënät tukmëmëtyaktë jëtu'un tä ënäty ja Balac të tyukmëkäxëtën ja aaw ayuk.

Números 23:30

Balac ojts jëtu'un tuny tä Balaam y'ënëmaayën ets ma tu'ukjaty ja wintsë'këntyaknën, tu'ukjaty ja tsajpkaayä'äy ojts jam tyaj'ooky ets näjyëtu'un ja kupixyny yä'äy mëti'ipë të yä'kpetyën.