Números 23:8 - Biblia Mixe de Quetzaltepec

⁸ E ëjts, ¿Wi'ixës n'ëkpokëty mëti'ipë Tios ka'ap tpokyën? ¿Wi'ixës ja ëxëëkpë ntuknikajpxëty mëti'ipë Wintsën ka'ap ëxëëkpë të tuknikäjpxyën?

Números 23:8 ပူးပေါင်းရင်းမြစ်များ

Números 23:23

Yë Jacob ka'ap tjëkyepy wi'ix n'ëkpojkmëty ets npato'oy npanajxmëty, tyam yë'ë kopkpëky ets n'ënëmä'ämyëty yë Israel. Ix yë Tios janty mëj janty këjää të tyaj'ixyë yë myëj'ajtën ma mijtsën.

Isaías 44:25

Ëjts ka'apës nyajkutuky ets tyunëtëty jyatëtëty ja aaw ayuk mëti'ipë ka'ap y'oyëtyën, mëti'ipë të t'akajpxtën ja käjpxnyajxpëtëjkëty ka'apë tii oy tnikajpxtën; Ëjts njo'ptaayëpës ja najtsja'apëtëjk ja y'aaw y'ayukëty. Ëjts nyajkutujkpy ets ja ixpëkyjyä'äytyëjk ka'ap nyäjyä'äkyukëtëty ets mëti'ipë jyanimëtyaktëpën tsuu poj yajja'akyukëty.

Números 23:20

Ëjts nmëët'ajtypyës yë ënä'ämën, ets tääpë kajpn nkënu'kxëtyës. Pën yë Tios yë'ë tääpë kajpn kyënu'kxyp, ëjts ka'apës njëkyepy tëkatsy yë njä'ä nmëtëkëty.

Números 22:12

Ënät ja Tios t'ënëmaay ja Balaam: Këtii xypyanëjkxëty ets ni mka'ëna'anëty ënät ets xypyokaanpëty tääpë naax kajpn. Jä'ä ko tääpë kajpn ëjtsës të nkënu'kxy.

Números 22:6

Paaty yam npëjktsoyës ets minëty poj'am, tääts ya'atë kajpn xypyokëty. Jä'ä ko jëtu'unës n'ixy njawë, ka'apës yowë xyajmëta'akëty. E ko xypyokëty wä'änës ëjts nmëta'akëty etsës n'ixwojpta'atëty maas n'itjotmën. Ëjts wa'atsës nijawë, ko pën xykyënu'kxy ets ko pën xypyoky atëëp.

Números 23:7

Ënät ja Balaam ojts ya'atë aaw ayuk t'akäjpxy: Jam tunjotm matsow yë xëëw pyëtsimyën, jam Aram, maas të ntsoonyën etsës Balac yaa xyajminy mëti'ipë yajkutujkpën yaa ma Moab tnitänën. Tëë xy'ënëëmës min ets xypyokëty yë Israel ja'ayëty. Tuknikajpx yë ëxëëkpë yë Jacob yë nyaax kyajpn.

Proverbios 26:2

Jëtu'un tä tu'uk yë tsi'k kyääkjëtityën ets tä yë patutkën ka'apë tmëëtëtyën yë pyä'än, jëtu'un ja näpyokë ka'ap jyäty ma ja'ayën mëti'ipë nanëkoo pën të pyokyën ets ka'ap tii tuuntëko'oyën tmëëtëty.