Números 23:7 - Biblia Mixe de Quetzaltepec

⁷ Ënät ja Balaam ojts ya'atë aaw ayuk t'akäjpxy: Jam tunjotm matsow yë xëëw pyëtsimyën, jam Aram, maas të ntsoonyën etsës Balac yaa xyajminy mëti'ipë yajkutujkpën yaa ma Moab tnitänën. Tëë xy'ënëëmës min ets xypyokëty yë Israel ja'ayëty. Tuknikajpx yë ëxëëkpë yë Jacob yë nyaax kyajpn.

Números 23:7 ပူးပေါင်းရင်းမြစ်များ

Deuteronomio 23:4

Jä'ä ko jam mnajxtë ma nyaaxjotëtyën, ko jap mtso'ontë Egiptë, ni tu'ktsunyën wäänë ojts mkamo'ojëtë nëë ets nitu'ktukyën yë kääky ëkë tojkx. Ni'ikyë yë Balaam tmeenymyooytyë, yë Beor yë myaank, mëti'ipë jam tso'onën Petor, ma ja Mesopotamia naaxwiinyëtën ets jeexyë mpojkëtë.

Números 24:3

Ënät ja Balaam ojts ya'atë ja aaw ayuk tkäjpxy: Ya'atë ojts tkäjpxy tmëtyä'äky yë Balaam, yë Beor yë myaank, ja ja'ay mëti'ipë wa'ats ijxp koopën.

Números 23:18

Tä ja Balaam tyëjkëy kajpxpë. Ya'atë ayuk të tkäjpxy: Mijts Balac, yë Zipor yë myaank, tun yë mëyajtën, mëtoow'it tyaapës nikajpxa'anyën.

Miqueas 2:4

Jä'ä xëëw nëjkxëp miitsëty myajtukwin'ëwtë ja ëy mëti'ipë yajjëëy yajyaxpën. Jëtu'un myaj'ënëëmëtë: Tëë yajxon ntimy y'atëko'oytyä'äyëmë; ja nkajpn'ajtëmë, mëti'ipë ja Wintsën kyajpn'ajtypyën tëë ja nyiwintsën tyëkatsy ets ka'ap pën wi'ix të y'ënä'äny; yë nkam'ajt ntu'u'ajtëmë yë'ë të tpëjkwa'kxtë yë ja'ayëty mëti'ipë të xymyëmëtakëmën.

Salmos 78:2

Yë'ëjës yam nkajpxäämpy nmëtya'akäämpy yë winma'any tsipë etsës yam nikajpxa'any tëkokyë mëti'ipë yu'utsy'ijtpën, mëti'ipë ka'ap pën të tnijawën tëëyëp ets tyampaat.

Job 29:1

Jëtu'unpëk jeexyë jatëkok njuuky'ajtwinpityës maas ijty yë Tios xykyuwa'anyën.

Números 24:23

Ënät ojts näjyëtu'un ya'atë aaw ayuk tkäjpxy: Yë'ëjës nmëmoompy nmëtujkpy. ¿Wi'ix nëjkx yë ja'ay jyatë kyëpätë ko yë Tios jëtu'un tyajtun tyajjatëtëty?

Números 24:15

Ënät ja Balaam ojts ya'atë ja aaw ayuk tnikäjpxy: Ja aaw ayuk mëti'ipë kyajpxën yë Balaam, yë Beor yë myaank, ja ja'ay mëti'ipë wa'ats ijxp koopën,

Marcos 12:12

Tääts ojts tjamatsa'antë ja Jesús jä'äkyëjxm ko tja'aykyujkëtë yë'ë yowë yajnimëtyaktëp mëët ja ijxpäjtën. Je'eyëp ko tsyë'këtyëp ja mayjyä'äy, paaty ka'ap tmajtstë. Tääts jam tsyo'ontë.

Mateo 13:33

Ojts näjyëtu'un tyukmëmëtya'akëtë ya'atë ijxpäjtën: Jëtu'un ja tsajpjotmëpë kutujkën ijxtëm ja levadura, mëti'ipë ja to'oxytyëjk tëkëëk kijpxn tyukmëtijëyën ja tsajpmokway. Ënät ja levadura tuktëjkëtyääy ja jësty.

Proverbios 26:2

Jëtu'un tä tu'uk yë tsi'k kyääkjëtityën ets tä yë patutkën ka'apë tmëëtëtyën yë pyä'än, jëtu'un ja näpyokë ka'ap jyäty ma ja'ayën mëti'ipë nanëkoo pën të pyokyën ets ka'ap tii tuuntëko'oyën tmëëtëty.

Job 27:1

Ëjts Tiosës yam ntukajpxpejtyp, mëti'ipë maaytyääyëpën winë, mëti'ipë ka'ap tpaye'eyä'änyën yë njotmayës maas ëxëëk njaty nkëpetyën,

2 Samuel 23:9

Ok pyaminyë yë Eleazar, yë myaank yë Dodó, ahohitë ja'ay, nän yë'ë mëët ja nitëkëëkpë jotmëkjatyëtypë yajmëtyoy. Yë'ë ojts mëët yë David tu'ukyë yajpaaty ko ja tsip y'ijty jam Pasdamim mëët ja filistejë ja'ayëty, ma ja Israel ja'ayëty ojts kyä'äktën.

Mateo 13:35

Paaty ya'atë tyuunë jyajtë ets y'atëwëty mëti'ipë Tios tyukkajpxnajxën ja kyäjpxynyajxpëtëjkëty: Mëëtës yë Ijxpät nmëtya'aka'any; nikajpxëpës mëti'ipë ka'anëm yajnijawën ko naaxwiinyëtë tsyo'ontäky ets tyampaat.

Habacuc 2:6

E ja naax kajpn mëti'ipë të yajmëmëta'aktën nëjkxëp tnëxi'ik tukxi'iktë ja kajpn mëti'ipë ënäty të myëmëta'akëtën ets jëtu'un nëjkx tkuuy'ëwtë: Mon tuk mijts myajpaaty ko mnäyajkumeenytyä'äkyë mëët mëti'ipë ka'ap xyjyä'äjëtyën. ¿Jëna'apaat xynyipëjkpäta'any ja wit meeny mëti'ipë nu'kx m'amëtoowën?

Ezequiel 20:49

Täätsës n'ëtsooy: Aay Wintsën, ja'ay jëtu'un y'ëna'antë ko ëjts yi'iyës nkäjpxyp nmëtyäkpy mëti'ipë ka'ap ni pën tja'akyukën.

Ezequiel 17:2

Mijts ye'etyëjk, tukmëmëtya'ak yë naax kajpn tu'uk yë ijxpäjtën.

2 Samuel 21:21

e yë'ë ojts ja Israel ja'ay tmëmayë ko mëët tsyiptuna'any; yë Jonatán, Israel ja'ay, yë'ë yaj'o'kë, yë myaank yë Simea, yë David yë myëkä'äx.

1 Samuel 17:45

Ja David tyaa ojts y'ëtsoy: Mijts jä'äs xynyiminy mëët yë mpujxn, mku'umën ets tëypyujxn. E ëjts mijts ninëjkxy mëët yë Wintsën yë xyëëw mëti'ipë yë Israel tsiptuunpëty Tyios'ajtëpën, mëti'ipë mijts je'eyë xëmë nkajpxjoot'anpëjkpyën.

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.

1 Samuel 17:10

Ya'atë xëëw yam miitsëty nkajpx'aanpëktë, miitsëty tsiptuunpëtëjkëty mëti'ipë Israel ja'ayëtyën: Mooytyëkës tu'uk ja'ay wä'änës mëët n'ëktsiptuny.

Números 24:21

Ënät näjyëtu'un tninajts'ijxëy yë quenitëja'ayëty ets tkajpxpëtsëmy ya'atë aaw ayuk: Miitsëty Caín yë y'u'unk y'ok. Oy yë mnaax mkajpnëty ta'tspëky xyjyayaj'itë ets jëtu'un jap mjayajpaatë tä yë joon yë pyä'än tpëjktä'äkyën tsaa'akujky. Tääpë mjëën mtëjkëty nëjkxëp yajnino'kta'ay ko ënäty yë Asiria ja'ay mtukja'tëtë ets tsumy xotsy mënëjkxëtëty.

Números 22:17

Ëjts nmo'ojäämpy yam mijts winë mëj këjää ets nmo'ojëp tii mtimtsyojkpy. E min jëtu'un ets xytyunëty tu'uk yë mëyajtën xypyokëty tääpë naax kajpn.

Números 22:11

ko tu'uk yë kajpn jap të tsyoony Egiptë ets të jya'të ma Balac y'itjotmën. E yë'ë tsyojkpy etsës nëjkx npoky tääpë kajpn ets yaj'ixëty pën jëtu'un'äämpy myëtä'äky ets t'ëxwojpta'aja'any jam ma ja y'itjotmën.

Génesis 28:7

Ko ja Jacob ojts ënätyë nyijkxy jam Padán-aram, ijxtëm ënäty ja tyeety tyaak të y'ënë'ëmxëtyën.

Génesis 28:2

Nëjkx jam Padán-aram ma ja tyëjkën yë mtatwelë Betuel ets jam mëët mpëkëty yë nyëëx yë mjämy Labán.

Génesis 10:22

Ya'atë ojts t'u'unk'aty yë Sem, Elám, Asur, Arfaxad, Lud ets Aram.

Números 23:6

Ënät ja Balaam wyimpijty ets jam jyä'äjty ma ja Balac ënäty tkëwent'atyën ja wintsë'kën mëët ja mëjja'aytyëjk, mëti'ipë mëj'äämpy ijtëpën jam Moab.

Salmos 49:5

¿Wi'ixës ko ntsë'ëkëty pën ëxëëk yë xëëw jëmëjt wyinkony, ëkë pën ëxëëk y'ëtë'ëtstë y'ëna'antë yë nmëtsiptëjkës nwintuuy npë'aayës?