Números 23:3 - Biblia Mixe de Quetzaltepec

³ Tääts yë Balaam t'ënëmaay yë Balac: Yaa këwent'at ya'atë wintsë'kën, ëjts nëjkxës n'ëk'ixy wi'ix yë Wintsën y'ënä'äny. Tääts yam ok ntukwinjawëty wi'ixës xy'ënëëmën. Ënät ojts yë Balaam nyijkxy ma tu'uk yë mutsk kopkën, jampë yajpaatyën të'ëts'itjotm.

Números 23:3 ပူးပေါင်းရင်းမြစ်များ

Génesis 22:13

Ënät yë Abraham y'ijxë'ky ets t'ijxpaty tu'uk yë kupixyny mëti'ipë ënäty të jyänën yë wyaj ma ujts xe'entyën. Ënät ojts ninëjkxy ja kupixyny, tääts yë'ë tkëxko'ky jam ma ja wintsë'këntyaknën ets jä'ä ja Tios ojts tukwintsë'ëkë ijxtëm ja y'u'unkën jeexyë.

Génesis 22:2

Tää yë Tios y'ënëmaayë: Wow yë Isaac, mëti'ipë oy xytsyokyën ets nëjkx ma ja Moriah naaxjotmën, jamës xymyo'ojëty yë nwintsë'kënës ma ja kopkën, mëti'ipë ntuk'ënä'ämäämpyën.

Génesis 8:20

Tä yë Noé ojts tnipëjktaakë ets t'oytyuuny tu'uk wintsë'këntyakn. Yë Noé ojts yë Tios tukwintsë'ëkë jëyujk ets joonëty jëyujkëty mëti'ipë wa'atsëtyën, tu'kë'ëyë jëyujk wi'ixëty y'ixë'atën.

Éxodo 18:12

Ënät ja Jetro ojts tu'uk tyaj'ooky yë jëyujk ets tnino'oka'any jam Tios wyintum, tmëjjawëja'any ets tkënu'kxyjyawëja'any ja Tios, ëpëky ojts tkë'ëyäky yë näyoxë. Ënät yë Aarón ets ja mëjja'aytyëjkëty, mëti'ipë nyimëjja'ay'ajtëpën ja naax kajpn ojts jam nyëjkxtë kääpyë ukpë mëët ja Moisés ja myë't Tios wintum.

Levitico 1:1

Ënät yë Tios ojts tmëkäjpxy yë Moisés jap ma ja wit tëjkën ma ja näpyaatë y'ityën ets t'ënëmaay:

Números 23:12

Ënät ja Balaam y'ëtsooy: Ëëts'ajtëm tyaa të näy'ëna'anëmë, ko yi'iyës nikajpxëp mëti'ipës yë Wintsën xytyuk'ëwa'anëpën.

Números 23:15

Ënät yë Balaam t'ënëmaay yë Balac: Yaa ëwxit ma ya'atë wintsë'kën yaa y'ityën, ëjts nëjkxës mëët yë Wintsën n'ëknäpyäätyë.

Números 23:2

Balac ojts tuny tä ja Balaam y'ënëmaayën, nimäjtsk ojts ja wintsë'kën tyaktë ma tu'ukjaty ja wintsë'këntyaknën, tu'ukjaty ja tsajpkaayä'äy mëët tu'uk ja kupixyny yä'äy tëëpë yä'kpetyën.

Números 23:26

Tä ja Balaam ojts y'ëtsoy: ¿Tii këtii xyjyä'ämetsyë, ko të n'ënëëmë, ëjts yi'iyës ntuunpy mëti'ipës Tios xytyuk'ënä'ämpën?

Números 23:4

Ma ojts ja Tios mëët nyäpyäätyë ets t'ënëmaay: Tëës nyaj'oyë wëxtujk yë potsy ma mijts të ntukwintsë'ëkën tu'ukjaty yë tsajpkaa ets tu'ukjaty yë kupixyny ayääkë ma tu'ukjaty yë potsyën ma ja wintsë'kën yajyäkyën.

Números 24:1

E yë Balaam tëë ënäty tja'akyukë ko yë Tios y'oyjya'ap ets ja Balaam tkënu'kxëty ja Israel ja'ayëty; ka'ap ojts y'ëkjëtu'un'ajnë tä ja mëtu'k'okpën ets mëmäjtsk okpën ma pyatooy pyanajxyën, paaty jam je'eyë jyaak najts'ijxëy ma ja të'ëts itjotmën.

Mateo 4:8

Ets ja mëjku'u ojts wyoownëjkxyë ma ja kopkën ets tyuk'ijxtaayë ja naax kajpn mëj'äämpyë ets kumeenypë y'itën naaxwiinyëtë apëtsëmy,

Josue 24:10

E ëjts ka'apës ojts n'ëwa'atsy ets ja Balaam mpokëtëty, ni'ikyë ojts mkënu'kxëtë, jä'ä ko jëtu'unës n'ënëmaay. Jëtu'un'äämpy miitsëty mtsoktë.