Números 23:27 - Biblia Mixe de Quetzaltepec

²⁷ Ënät yë Balac jatëkok y'ënäny: Min yaatsow, wä'änxyëp yë Tios ka'ap wi'ix tjawëty ko yamtsow xypyokëty yë Israel kajpn.

Números 23:27 ပူးပေါင်းရင်းမြစ်များ

Romanos 11:29

Ka'ap ja Tios wyinma'any tyëkatsy ko pën tii tmo'oy mëti'ipë të twin'ixyën.

Isaías 14:27

Yë Wintsën mëti'ipë maaytyääyëpën winë, tëë tuknipëjktaakë, ni pën tkajëkyepy y'ëtukëtëty. Yë ëyo'on mëti'ipë yajkëta'akäämpyën, ka'ap tjëkyepy pën t'akajpxtukëty.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Proverbios 19:21

Yë ja'ay kanaakpëky winë tnimay tnitajë, e yi'iyë tyuunpy mëti'ipë Tios të tyajkutukyën.

Job 23:13

Ko yë'ë tuknipëjktaakë tii tuna'any, tyuunpy yë'ë; ka'ap pën tjëkyepy wyinma'anytyuktëkëtëty.

Números 23:13

Ja Balac ni'ikyë kyajpx'ëtë'ëtsy: Pamiinkës yaatsow ets yi'iyë xy'ixëty ja kajpnpa'a, këtiipë tu'ukyë xy'ijxta'ajëty ja kajpn, jam xyajtso'onta'akëty ets xypyokëty.

Malaquías 3:6

Ëjts Wintsën, ka'apës nyajtëkatsy yë njot nwinma'any, paaty miitsëty Jacob yë y'u'unk y'ok ka'ap m'atëkoytyë.

Números 23:26

Tä ja Balaam ojts y'ëtsoy: ¿Tii këtii xyjyä'ämetsyë, ko të n'ënëëmë, ëjts yi'iyës ntuunpy mëti'ipës Tios xytyuk'ënä'ämpën?

Números 23:28

Jëtu'un'äämpy yë Balac ojts jam tyajnëjkxy yë Balaam ma Beor kopkën. Wa'ats jam yajtuk'ixë ja të'ëts'it të'ëtsjotm.

Números 22:6

Paaty yam npëjktsoyës ets minëty poj'am, tääts ya'atë kajpn xypyokëty. Jä'ä ko jëtu'unës n'ixy njawë, ka'apës yowë xyajmëta'akëty. E ko xypyokëty wä'änës ëjts nmëta'akëty etsës n'ixwojpta'atëty maas n'itjotmën. Ëjts wa'atsës nijawë, ko pën xykyënu'kxy ets ko pën xypyoky atëëp.