Números 23:24 - Biblia Mixe de Quetzaltepec

²⁴ Ya'atë naax kajpn jëtu'un pyëti'iky tä tu'uk yë kaa jëyujkën ets ka'ap pyo'kxa'any, koonëm tmatsëty ja mëti'ipë y'ixtääpyën ets t'uuka'any tjë'kxa'any ja jyot nye'pyny.

Números 23:24 ပူးပေါင်းရင်းမြစ်များ

Génesis 49:9

Mijts Judá u'unk maay, jëtu'un mijts tä tu'uk yë kaa u'unkën mëti'ipë amëk jotmëk jëyujk'ajtpën ets ko tsu'tsta'ay twëjtsta'ay yë jyëyujk'ooky, tääts nyämyëkäjxtä'äkyë ets myä'äy pyo'kxy akujk jotkujk ijxtëm tu'uk yë mëj kaajën. ¿Pën nëkoo ëkyajjotkëxanëp?

Génesis 49:27

Benjamín jëtu'un yë'ë tä tu'uk yë kaajën, mëti'ipë jopyëp nyas'ookë tsyu'tsypyën, e ko jyënäky xyëëwajnë, tääts tjaakyajwa'kxta'ay mëti'ipë të tsu'tsnatëkën.

Apocalipsis 5:5

Tääts tu'uk ja mëjja'ay xynyëmaayës: Këtii myä'äxy. Yë'ë tu'uk ja mëk'ajtënmëëtpë, ja Judá y'u'unk y'ok, mëti'ipë David y'u'unk'ajtyp y'ok'ajtypyën, yë'ë të myëtä'äky ets tyaj'ëwa'atsëty ja noky mëti'ipë wëxtujkpëky tsyä'äyëtyën.

Zacarías 12:6

Jä'ä xëëw, jëtu'un tä jëënpajkën nyaj'awinpijta'aja'anyës yë wintsëntëjkëty mëti'ipë jam Judá yajpatëpën, ëkë jëtu'un tä jëënyä'änkën mëti'ipë akëxë'këpën ajktsjoty. Anajny aka'any nëjkx tyajtooytyëkoytyë yë naax kajpn mëti'ipë mëët tyu'kmëtsëpa'an'atën, e yë Jerusalén ja'ayëty jotkujk nëjkx jam kyajpnjotm jyuuky'ajtëpë.

Números 24:17

Wa'atsës n'ixy tii miimp wiinkoonpën, n'ijxypyës wa'ats tii miimp këtakpën. Tu'uk yë ja'ay pyëtsëma'any ma Jacob yë y'u'unk y'okën mëti'ipë nëjkx mëj'äämpy y'ityën. Yë'ë nëjkx y'ëne'emy ma Israel ja'ayëtyën. Nëjkxëp tjä'ä'ajta'ay jënu'un ja Moab tnitänën ja it naaxwiinyëtë, nëjkxëp tyajkutëkooytyä'äy ja ja'ayëty jampë tsyëënëtën ma Set ja y'u'unk y'okën.

Nahúm 2:11

¿Tii jam jaakwë'ëmëp ma kaa y'aankën, ma kaa u'unk y'itën? Yë kaa mëët yë y'u'unk y'ëna'k janty jotkujk ënäty jam nyäyjyawëtë, nitii tkatsë'ëkëtë.

Amós 3:8

¿Pën jëtää katsë'ëkëp ko yë kaa myu'uy? ¿Pën kakajpxaanp ko yë Tios tni'ënä'ämë ets tu'uk yë ja'ay kyajpxëty?

Daniel 2:44

Ma ënäty tääpë yajkutujkpëtëjk y'ënä'ämtën, jää nëjkx yë Tios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kutujkën tyajkutëkooytyä'äy ets yë'ë xëmëkyëjxm nëjkx y'ity.

Isaías 31:4

Jëtu'unës ja Wintsën të xy'ënëëmë: Jëtu'un tä tu'uk mëj kaajën mëti'ipë të tyaj'ookyën tu'uk yë kupixyny, oy jënu'un ja ja'ay jyamuktëty ets jya'ëtsë'ëkëja'anëtëty, yë'ë ka'ap tsyë'ëkë; nän timjëtu'un ja Wintsën mëti'ipë maaytyääyëpën winë, ko ënäty myiny ets tniwaantu'uty ja nyaax kyajpn mëti'ipë jam tsënaaytyëpën ma Sión kopkën.

Proverbios 30:30

yë kaa, mëti'ipë aak tsë'këyëpën oypyënëty, ka'ap kye'eky ets nitii tkakuke'eky;

Salmos 17:12

Jëtu'un yë'ëjëty tä kaajën, mëti'ipë ëwa'anëtyën, jäpyë t'ëwxity ma y'aankën, jëna'a jap ja jëyujk y'ëkwiinkuja'tëty ets tmatsa'any.

Deuteronomio 33:20

Ënät ojts tkënu'kxy yë Gad, mëët ya'atë aaw ayuk: kënu'kxy nëjkx y'ity yë ja'ay mëti'ipë ënäty yajmoopyën yë nyaax kyam mëjwiin këjää. Gad jëtu'un nëjkx jëjp'ixy y'ity, tä tu'uk yë kaato'oxyën, ko yë myëtsip jyaniminëtëty, mëti'ipë ënäty ëxëëk ja tunanëpën, jëtu'unyë nëjkx ja myëk'ajtën ets ja kyutujkën tjaamtä'än naaxtä'änë.

Números 23:25

Tä yë Balac t'ënëmaay yë Balaam. Jä'ä ko ka'ap tjëkyepy xypyokëty tääpë kajpn, këtii näjyëtu'un xykyënu'kxëty.

Nahúm 2:12

Yë kaateety je'eyë nëjkx muum jyëyujk matsy ets tyajwä'kxy ma kaato'oxyën mëët ja y'u'unk y'ëna'k, ujts tyaj'ity ja y'aank mëët ja jëyujk ooky.

1 Reyes 10:20

Majkmäjtsk ja kuxyëpëjy ojts t'oytyuntë aak tänë, tëtujkjaty yajpaatë tu'kpa'ajaty. Nijëna'a ënäty jëtu'un maa kyayaj'ixynyëm ja kutujkëntëjk.

2 Crónicas 9:18

Ja ënyääypyäjn tëtujk niyujkwä'äky pyotsyëty ets tu'uk wya'kpäjn aak pu'ts pujxn mëët y'oytyunyëty, tam tmëëtëty pa'apa'a nyimajtstakn ets yajtukpa'akojëy potsy jëtu'unpë kyëxë'ëkyën kaajën.