Números 23:14 - Biblia Mixe de Quetzaltepec

¹⁴ Ënät ja Balac ojts ja Balaam jam twoownëjkxy Zofim ets tyajpejty ma ja Pisgá kopk kupi'tykyën. Jamts t'oytyuuny wëxtujk yë potsy ma ja wintsë'kën yajyäkyën ets tu'ukjaty yë tsajpkaa ets kupixyny yä'äy mëti'ipë tëë yä'kpetyën, tä tyäjky ma tu'uk ja potsyën ma ja wintsë'kën yajyäkyën.

Números 23:14 ပူးပေါင်းရင်းမြစ်များ

Oseas 12:11

Jam Galaad tam wiink tios jyätyë, je'eyëp ko yë'ë mëti'ipë ka'ap myëtëyëtyën. Jam Guilgal yë'ë jam wintsë'kën'ajtp yë tsajpkaa; ets yë'ë jam wintsë'këntyakn'ajtp yë tsaanipiy ma të t'awitstën yë kam tu'u.

Isaías 46:6

Tä ja'ay mëti'ipë may yë pu'ts pujxn yäjkpyën ets may yë poop pujxn tkijpxtä'äky ets t'ënëëmë tu'uk ja ja'ay ets t'oytyunëty yë awinax, yë'ëts y'ëwtajtyp ets twinkoxtänë.

Deuteronomio 34:1

Ënät ja Moisés jam tsyo'ony Moab mëti'ipë të'ëts'itjotmën ets ojts jam nyijkxy ma ja Nebo kopkën, jam ojts pyety ma Pisgá kopkën, jyä'äjty ma ja kopkupi'tsykyën ma mëët nyäwyinku'ixëty yë Jericó kajpn. Ënät ja Wintsën jam y'ënëmaayë: Tuk'ijxëtya'a yë Galaad y'itjotm ets jampaat ma ja Dan y'itjotmën,

Deuteronomio 4:49

Yë'ë nyitënääpy tëkokyë yë Arabá, mëti'ipë wë'ëmpën jam ëpa'tkë'ëmtsow ma ja Jordán nëëjën ets jyä'ty jam ma ja Ookymyëjmejyën, jam Pisgá kopk'ëjxm.

Deuteronomio 3:27

Pät jam kopkkëjxm ma txëëwatyën Pisgá ets xynyajts'ixëty tääpë itjot, jampaat ëpa'tkë'ëmtsow, anëkëjxytsyow, a'oytsyow ets anajnytsyow. Yë Jordán mëjnëë ka'ap xytyuknaxëty.

Números 23:29

Tääts yë Balaam t'ënëmaay jam jatëkok yë Balac: Oytyun yaa wëxtujk yë potsy ma ja wintsë'kën yajyäkyën ets jää jëjp'ixy xytyimyaj'itëty wëxtujk yë tsajpkaa ets wëxtujk yë kupixyny.

Números 21:20

e ko jam Bamot tsyo'ontë jam jyajtë ma ja mëj joyën, mëti'ipë nyitënääpyën yë Moab; jamtëkë yajpaaty ma jyëjpkëxyën yë Pisgá y'it nyaaxwiinyëtë ets jam yaj'ijxnëp ja të'ëts'itjotm.

Números 23:13

Ja Balac ni'ikyë kyajpx'ëtë'ëtsy: Pamiinkës yaatsow ets yi'iyë xy'ixëty ja kajpnpa'a, këtiipë tu'ukyë xy'ijxta'ajëty ja kajpn, jam xyajtso'onta'akëty ets xypyokëty.

Números 23:15

Ënät yë Balaam t'ënëmaay yë Balac: Yaa ëwxit ma ya'atë wintsë'kën yaa y'ityën, ëjts nëjkxës mëët yë Wintsën n'ëknäpyäätyë.