Números 23:12 - Biblia Mixe de Quetzaltepec

¹² Ënät ja Balaam y'ëtsooy: Ëëts'ajtëm tyaa të näy'ëna'anëmë, ko yi'iyës nikajpxëp mëti'ipës yë Wintsën xytyuk'ëwa'anëpën.

Números 23:12 ပူးပေါင်းရင်းမြစ်များ

Números 22:38

Ënät ja Balaam ojts y'ëtsoy: Tyaajës të nminy, mijts nimiimpy. Yë'ë ntuk'ëwaanëjäämpy koos ka'apës njëkyepy tii kë'ëmwinma'any nkajpxëty. Yi'iyë nkajpxäämpyës mëti'ipës yë Tios të xytyuk'ëne'emyën.

Números 24:13

oy jeexyë xyjyatimmyooytyääpyës yë pu'ts pujxn ets poop pujxn mëti'ipë jap ma mkutujktaknën. Ëjts ka'apës njëkyepy yë Wintsën nkäjpxykyutëjëty ets nitii tkajëkyepy ntunëtyës, oy ka'oy kë'ëmwinma'any. Yi'iyës nikäjpxyp mëti'ipës Tios xytyuk'ënä'ämpën.

Números 23:26

Tä ja Balaam ojts y'ëtsoy: ¿Tii këtii xyjyä'ämetsyë, ko të n'ënëëmë, ëjts yi'iyës ntuunpy mëti'ipës Tios xytyuk'ënä'ämpën?

Números 23:20

Ëjts nmëët'ajtypyës yë ënä'ämën, ets tääpë kajpn nkënu'kxëtyës. Pën yë Tios yë'ë tääpë kajpn kyënu'kxyp, ëjts ka'apës njëkyepy tëkatsy yë njä'ä nmëtëkëty.

Tito 1:16

Jëtu'un y'ëna'antë ko Tios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Tios tsyojkpyën.

Proverbios 26:25

Këtii xymyëpëkëty ko ëxëëk ja'ay janty'oy mmëmëtya'akëtëty, jap ma jyot wyinma'anyën ujts jap mëët yë ëxëëkajtën.

Números 22:20

Yë Balaam tap ënäty myaanë, ko ojts yë Wintsën koots nyänyikëxë'ëkyë ma yë'ëjën ets y'ënëmaayë: Pën tääpë ja'ayëty mijts të mniminyë, pëtë'ëk ets panëjkx. Jä'ä tëy, mijts yi'iyë mtunëp mëti'ipë ënäty ntuk'ënëmääpyën xytyunëty.

Éxodo 4:15

Kajpx mëtya'ak mëët ets tuk'ëwa'anëtya'a tii kyajpxëpën, ëjts yajpataanpës xëmë mëët yë'ë ets näjyëtu'un mëët mijts, yë'ë mtukni''ixëjanëp tii mëpaat xytyuntën.

Números 23:13

Ja Balac ni'ikyë kyajpx'ëtë'ëtsy: Pamiinkës yaatsow ets yi'iyë xy'ixëty ja kajpnpa'a, këtiipë tu'ukyë xy'ijxta'ajëty ja kajpn, jam xyajtso'onta'akëty ets xypyokëty.

Números 23:3

Tääts yë Balaam t'ënëmaay yë Balac: Yaa këwent'at ya'atë wintsë'kën, ëjts nëjkxës n'ëk'ixy wi'ix yë Wintsën y'ënä'äny. Tääts yam ok ntukwinjawëty wi'ixës xy'ënëëmën. Ënät ojts yë Balaam nyijkxy ma tu'uk yë mutsk kopkën, jampë yajpaatyën të'ëts'itjotm.