Números 23:10 - Biblia Mixe de Quetzaltepec

¹⁰ Jëtu'un yë'ëjëty tä naaxwayën. ¿Pën y'ëkmëtyowëp? ¿Pën ëkmayëtëp tnijawëty jënu'un nyimay'atë? Jëtu'unës njatsoky, jeexyë n'ookyës ntëkoyës tä yë'ëjëtyën. Wa'ats, nitii tuuntëko'oyën tkamëët'atë etsës jeexyë jëtu'un nkëxy nnaxy, tä yë'ëjëtyën.

Números 23:10 ပူးပေါင်းရင်းမြစ်များ

Salmos 37:37

Yë'ë ënät ëk'ix ëktun yë ja'ay mëti'ipë ka'ap tii tuuntëkoyën ets oypyë xëmë jyä'äy'ätyën: yë jëtu'unpë ja'ay yë'ë y'a'ijxyp jyëjp'ijxyp yë akujk'ajt jotkujk'ajtën.

Génesis 13:16

Ëjts nyajnimayëjäämpy ijxtëm naaxwayën yaa naaxwiiny, jëtu'un tä ka'ap tjëkyäpëtyën yajmëtyowëty tä naaxwayën.

Salmos 116:15

Yë Wintsën mëk tjawë ko t'ixy y'ooktë yë ja'ay mëti'ipë tsojkëpën.

Apocalipsis 14:13

Ënätës nmëtooy tu'uk ja ayuk mëti'ipës xynyëmaayën: Kuja'a ya'atë: Jotkujk mëti'ipë tyam o'ktëpën ets mëti'ipë ookantëpën, mëti'ipë tu'ukyë ja Wintsën mëët y'itën. Jëtu'un ja Kënu'kxymyëkajtën y'ënä'äny: Jatëp jëtu'un. Po'kxantëp jä'ä, jä'ä ko oy të tyuntë, jääpaat ja tyuunk y'ëyo'on të tyajnaxtë.

2 Corintios 5:1

Jëtu'un ëëtsajtëm tä tu'uk ja tëjkën naaxwiinypë yajpaatyën, tä wit tëjkën mëti'ipë ka'ap jeky y'ityën; je'eyëp ko nnija'awëm pën ya'atë tëjk wintëkoopy, tap ja Tios xytyukjëjp'ijxëm tu'uk ja tëjk tsajpjotm mëti'ipë xëmëkyëjxm ijtpën, mëti'ipë ka'ap jyä'äyëty të tkojyën.

Proverbios 14:32

Yë ëxëëk ja'ay kë'ëm ëxëëk nyätyunyë ko ëxëëk y'ëti'itsy y'ënä'äny; e yë ja'ay mëti'ipë tëy tëtä'äky winë tyuunpyën, yë'ë kuwanëp ma mëtëy tyu'uye'eyën.

Números 2:31

Jëtu'un nëjkx ja Dan ja tsyënaaytyakn wyi'imy tëkëëkpëky, jam y'itëty ja tsiptuunpëtëjk ets jä'ä nëjkx nyiwinë'atë mëko'px ja wëxtyikxy majkmokx mäjtsk mil ja tëtujk mëko'px. Aakyë'ë ye'etyëjkëty mëti'ipë nëjkx tukjëjpkëxtën ja wääpy'ajtën mëët ja myëjwit wintëy.

Números 2:24

Jëtu'un'äämpy jam tsyënaaytyaknpëktëty yë tsiptuunpëtëjkëty tëkëëkpëky ma Efraín yë tsyënaaytyaknën. Jä'ä nyiwinë'atëty mëko'px ja tuktujk mil ja mëko'px, aak ye'etyëjktëjk, mëti'ipë nëjkx ye'eytyën ma ja mëtëkëëk këëyi'ikpyën.

Números 2:9

Jëtu'un'äämpy nyäwya'kxëtëty tëkëëkpëky ja tsiptuunpëtëjkëty ma ja Judá ja jyä'äyëty tsyënaaytyaknpëka'antën, jä'ä nyiwinë'atëty mëko'px ja majkta'px tëtujk mil ja taxk mëko'px, aak ye'etyëjktëjk mëti'ipë jëjp'am ye'eytyëpën.

Génesis 28:14

Yë m'u'unk m'ok jëtu'un nyimay'ata'antë ijxtëm yë naaxwayën ets xiitsow yaatsow tyajwintuka'antë yë naaxwiinyëtë, jëtu'un anëkëjxy'äämpy ets ëpa'tkë'ëy'äämpy, a'oytsyow ets anajnytsyow. Tu'kë'ëyë ja'ayëty kënu'kxy y'ita'antë mëët mijtskyëjxm ets m'u'unk m'ëna'këty.

Génesis 22:17

ko nkënu'kxa'any mëjwiin këjää. Yë m'u'unk m'ok janty nimay y'ita'antë jëtu'un tä yë mëtsa'ajën ets jëtu'un nyimay'ata'antë ijxtëm yë jin kyëxë'ëkyën nëë''ëkë'ëy. Yë'ëjëty xëmë tmëmëta'aka'antë yë myëtsipëty,

Números 2:16

Jëtu'un'äämpy jam tëkëëkpëky nyäwya'kxëtëty ja tsiptuunpëtëjkëty ma Rubén yë tsyënaaytyaknën, jä'ä nyiwinë'atëty mëko'px ja wëxtyikxy majk tu'uk mil ja taxk mëko'px ja wëxtyikxy majk, aak ye'etyëjk. Yë'ë nëjkx ye'eytyë ma ja mëmäjtsk këëyi'ikpyën.

Números 31:8

Ojts tyaj'ooktë ja Eví, Réquem, Zur, Hur ets Reba, jä'ä ja nimëkoxpë ja yajkutujkpëty mëti'ipë jam ënä'ämtëpën ma Madián ja'ayëtyën. Näyjyëtu'un ja Balaam ojts tyaj'ooktë, ja myaank ja Beor.