Números 22:8 - Biblia Mixe de Quetzaltepec

⁸ Tä ja Balaam y'ënëmaayëtë: Kwanë ënät mwë'ëmtëty, jä'ä ko jëyëjpës yë Wintsën yam n'ëkyajtëwëty ets miits n'ëtsoowinpitëty jopy. Jëtu'un'äämpy ja mëjja'aytyëjkëty ojts jyänty wyë'ëmtë tu'ktsuu.

Números 22:8 ပူးပေါင်းရင်းမြစ်များ

Ezequiel 33:31

Ets jëtu'un ja nnaax nkajpnës mniminyë ets nyaaxwäätstë mijts mwintuuy, jëtu'un tä xëmë tuunk'atën ets tmëtoow'ita'antë ja n'aaw n'ayukës. Je'eyëp ko ka'ap tpatuntë. Jëtu'un t'akajpxëtë janaam jatsojk tä ja'ay tkuuy'iyën yë nätsyok näjyawë, e ma jyot wyinma'anyëtyën, yi'iyë myëmaay myëtajtëp wi'ix wit meeny tpaatëty t'ixtëty.

Jeremias 12:2

Jëtu'un mijts të xyajjuuky'äty tä jeexyë ujts xypyenyën, jëtu'un mëk y'itë tä ujtsën mëti'ipë tiktskäkpën ets ënät winë tuntë tä jeexyë tyëëmpätën. Ko mkajpxpaatyë nëkoopë je'eyë tyajmëtoyë, jä'ä ko wiinkë'ëy akë'ëy je'eyë mnikäjpxyë.

Números 23:12

Ënät ja Balaam y'ëtsooy: Ëëts'ajtëm tyaa të näy'ëna'anëmë, ko yi'iyës nikajpxëp mëti'ipës yë Wintsën xytyuk'ëwa'anëpën.

Números 12:6

Ënät ja Tios y'ënëmaayëtë: Mëtoow'itë mëti'ipë yam ntuk'ënëëmëjantëpën: Ko tu'uk yë nkäjpxynyajxpës yajpaaty ma miitsëtyën, ëjts mëtyakpës mëët kuma'ayjoty ets ntuk'ijxypyës oytyiijëty tä ja'ay y'ijxën myä'ätyën.

Números 22:7

Ënät ja mëjja'aytyëjkëty ojts jyänty tyoontë ets tninëkxtë ja Balaam. May ojts ja wit meeny tmënëjkxtë ets tmëjuya'antë ja Balaam, ko tpokëty ja Israel ja'ayëty. Ko jam jyajtë ënät tukmëmëtyaktë jëtu'un tä ënäty ja Balac të tyukmëkäxëtën ja aaw ayuk.

Números 22:9

Ënät ja Tios jä'ä tsuum nyänyikëxë'kë ma ja Balaam ets yajtëëwë: ¿Pën ja'ay tääpëty, mëti'ipë të myaawë'ëmtën ma mtëjkën?

Números 22:18

Ënät ja Balaam y'ëtsoowëtë: Oyxyëpës yë Balac xyjyatimmyooytyääpyë yë pu'ts pujxn ëkë poop pujxn mëti'ipë japën ma kyutujktaknën, ëjts ka'apës njëkyepy tii ntunëty kë'ëmwinma'any mëj'äämpyë ëkë yiinpë wäänpë, pën yë Wintsën mëti'ipës nTios'ajtypyën ka'ap t'a'ixë.

Números 22:38

Ënät ja Balaam ojts y'ëtsoy: Tyaajës të nminy, mijts nimiimpy. Yë'ë ntuk'ëwaanëjäämpy koos ka'apës njëkyepy tii kë'ëmwinma'any nkajpxëty. Yi'iyë nkajpxäämpyës mëti'ipës yë Tios të xytyuk'ëne'emyën.

Números 23:3

Tääts yë Balaam t'ënëmaay yë Balac: Yaa këwent'at ya'atë wintsë'kën, ëjts nëjkxës n'ëk'ixy wi'ix yë Wintsën y'ënä'äny. Tääts yam ok ntukwinjawëty wi'ixës xy'ënëëmën. Ënät ojts yë Balaam nyijkxy ma tu'uk yë mutsk kopkën, jampë yajpaatyën të'ëts'itjotm.

Números 24:13

oy jeexyë xyjyatimmyooytyääpyës yë pu'ts pujxn ets poop pujxn mëti'ipë jap ma mkutujktaknën. Ëjts ka'apës njëkyepy yë Wintsën nkäjpxykyutëjëty ets nitii tkajëkyepy ntunëtyës, oy ka'oy kë'ëmwinma'any. Yi'iyës nikäjpxyp mëti'ipës Tios xytyuk'ënä'ämpën.

1 Reyes 13:8

E ja Wintsën ja myëtuunpë tyaa t'ëtsooy ja yajkutujkpë: Oyxyëp jeexyë kujkwä'kxy xyjyamooypyës yë mkutujktakn, ëjts, ka'apës yam mijts mpanëjkxëty ets ka'apës yam nkayëty ma mjëën mtëjkën ets ni nëës nka'uukëty ma ya'atë itjotmën;

1 Reyes 22:14

Tä ja Micaías y'ëtsooy: Tyam mijts yajxon n'ënëëmëty ets Wintsënës yam ntukajpxypejtyp, ko yi'iyës yam nikajpxäämpy mëti'ipës yë Wintsën xytyuk'ënä'ämpën.