Números 22:4 - Biblia Mixe de Quetzaltepec

⁴ Ënät ja Moab ja'ayëty ojts tmëkajpxtë ja mëjja'aytyëjkëty jampë yajpaatën Madián ets t'ënëmaaytyë: Tääpë ja'ayëty jëtu'un ënät tyajkëxa'antë yë nnaax'ajt nkam'ajtëmë, tä yë tsajpkaa tku'ojkta'ayën yë mëëy'u'unk kamjotm tu'ujotm. Jä'ä xëëw jä'ä jëmëjt ma jëtu'un tyuunën jyajtën, Balac ënäty jam ënä'ämp ma ja Moab kajpnën.

Números 22:4 ပူးပေါင်းရင်းမြစ်များ

1 Reyes 11:18

Jam tsyo'ontë Madián ets jyajtë Parán; jamts ojts twoowmuktë ja'ay jampë kyukajpn'atën ets myëëtunëtëty. Ko jap Egiptë jyajtë ojts jam nyäkyajpxkëxë'ëkëtë ma ja yajkutujkpën, ja yajkutujkpë janty'oy ojts y'ëxajëtë, mooyëtë ka'ayën ukën ets naax kam.

Éxodo 15:15

Ja wintsëntëjkëty mëti'ipë jam yajpatëpën Edom, jëtu'unyë wyë'ëmta'aja'antë xejytyuky. Näyjyëtu'un ja kopktëjkëty jampë Moab y'itën, näjyëtu'un nëjkx tsyëtyuuypyëjkta'atë mëët ja tsë'ëkë ets ja Canaán ja'ayëty nëjkxëp ja jyotmëk'ajtën tyëkooytya'atë.

Jeremias 48:38

Ma ja tëjk kopkën ets në'ëjoty tu'ujoty jam Moab, aak jëëy aak yaxtëp yë ja'ayëty, jä'ä ko yë Moab piw nuuk të ntuunta'ayës jëtu'un tä ja'ay tu'ts tukpu'ujën mëti'ipë ka'ap y'ëktuunën. Ëjts Wintsën, ëjts ënaanp.

Números 22:2

Yë Balac yë myaank yë Zipor ko tnija'awëy, wi'ix ënäty yë Israel ja'ayëty të tyajkutëkoytyën yë Amor ja'ayëty.

Números 22:7

Ënät ja mëjja'aytyëjkëty ojts jyänty tyoontë ets tninëkxtë ja Balaam. May ojts ja wit meeny tmënëjkxtë ets tmëjuya'antë ja Balaam, ko tpokëty ja Israel ja'ayëty. Ko jam jyajtë ënät tukmëmëtyaktë jëtu'un tä ënäty ja Balac të tyukmëkäxëtën ja aaw ayuk.

Números 24:17

Wa'atsës n'ixy tii miimp wiinkoonpën, n'ijxypyës wa'ats tii miimp këtakpën. Tu'uk yë ja'ay pyëtsëma'any ma Jacob yë y'u'unk y'okën mëti'ipë nëjkx mëj'äämpy y'ityën. Yë'ë nëjkx y'ëne'emy ma Israel ja'ayëtyën. Nëjkxëp tjä'ä'ajta'ay jënu'un ja Moab tnitänën ja it naaxwiinyëtë, nëjkxëp tyajkutëkooytyä'äy ja ja'ayëty jampë tsyëënëtën ma Set ja y'u'unk y'okën.

Números 25:6

E tu'uk yë Israel ja'ay ijxnë kä'äxnë ojts yajxon tu'uk yë to'oxytyëjk, Madián ja'ay, timwyoownëjkxy ma tyëjkën. Ojts yë Moisés t'ixy ets Israel ja'ayëty, mëti'ipë ënäty jam të ye'eymyuktën, tam ënaty jyi'iytyë ya'axtë ma yajnitëkën yë wit tëjk ma ja näpyaatë y'ityën.

Números 31:1

Ënät yë Wintsën ojts tmëkäjpxy yë Moisés ets t'ënëmaay:

Números 31:8

Ojts tyaj'ooktë ja Eví, Réquem, Zur, Hur ets Reba, jä'ä ja nimëkoxpë ja yajkutujkpëty mëti'ipë jam ënä'ämtëpën ma Madián ja'ayëtyën. Näyjyëtu'un ja Balaam ojts tyaj'ooktë, ja myaank ja Beor.

Jueces 11:25

¿Ëkë wi'ixën mijts mnäypyëjktä'äkyë jaakwäänë mëj'äämpy ni'ikë, këtiinëm jyëtu'unëty yë Balac, yë myaank yë Zipor, jampë yajkutukyën Moab? Yë'ë ka'ap yam maa mëët ntsippaatës.

Jueces 6:1

E ja Israel ja'ayëty ëxëëk ja jyot wyinma'any ojts tyajkëxë'ëktë Tios wintum, paatykyëjxm ojts kyë'ëyakëtë ma ja Madián ja'ayëtyën wëxtujk jëmëjt ets ëxëëk tyuunëtë.